كفاح امراة

دلع قلبه · #1 (**permalink**) 08-06-2011, 02:54 AM

[align=center]

بسم الله الرحمن الرحيم

السلام عليكم ورحمة الله وبركاته

قبل كم يوم في احد مولات الرياض الكبيره
امراة تقديرا عمرها في نهاية الاربعينات بداية الخمسينات
ماشاء الله تبدو بصحة جيده
كانت تدور في السوق بعربية السوبر ماركت تبيع نقابات وبهارات
شغلها كان نظيف ومتقن ماشاء الله بالنسبة للنقابات لكن البهار كان بعلب كوفي!!
واضح ان المراة على نياتها وتبحث عن رزقها بطريقة مشروعه
مع انها تستطيع ان تتسول!!
لكن شرف العيش ينهاها عن ذلك
بحسابات بسيطه لو استمرت على عملها واستثمرت ارباحها بشكل جيد سترتاح من عناء السير
في المول وستمتلك مكانها الخاص لتجارة
او على الاقل تمتلك زبائن دائمين تتواصل معهم خارج المول بالتوصيل
تبيع النقاب الواحد ب 25 ريال
امام عيني رايتها في اقل من 5 دقائق باعات 4 نقابات ماشاء الله
اذا افترضنا انها باعت 10 في اليوم يعني 250 ريال
واشتغلت 20 يوم في الشهر يعني 5000 ريال ماشاء الله تبارك الرحمن
خلونا نحذف منها قيمة التكلفه ومااتوقع انها بتكون غاليه
اذا كانت ذكيه طاقه قماش النقاب تاخذة من ارخص مكان
وخياطته لن تكلفها الكثير
بالنسبة للبهار فكره رائعه
لان البهارات تشترى بالاخياش حسب علمي لمن يريدها جمله
يعني كيلوات كبيره بسعر بسيط
تنتج كميه كبيره تبيع العلبه بـ 25 ريال
لو افترضنا باعت بنفس كمية النقابات يعني 5000 ريال في الشهر
يعني 10,000 ريال شهريا ماشاء الله تبارك الرحمن
فرصة استثماريه بسيطه تحتاج في البداية جهد لكن ارباحها تستحق هذا المجهود ماشاء الله
اعجبني اصرار هذي المراة على العفة وخدمة نفسها بنفسها
اللهم بارك لهم في رزقها وصحتها وجهدها واعطها ماترضاه لها ويرضيها..

[/align]

الماسة زرقاء · #2 (**permalink**) 08-06-2011, 03:36 AM

ماشاء الله عليها هذي الي عندها كفاح

ومثل مايقولون اسعى ياعبدي وانا اسعى معاك

والشغل مو عيب

العيب التسول او التسويف بلا جدية وبحث عن الرزق

اجيال · #3 (**permalink**) 08-06-2011, 03:43 AM

ماشاء الله تبارك ربي يرززززق الجميع

مرق طماط · #4 (**permalink**) 08-06-2011, 03:44 AM

[align=center]وعليكم السلام ورحمة الله وبركاته ...

أختي الكريمة ...

في البداية ...
أسأل الله أن يبارك لها في رزقها وأن يسبغ عليها نعمه ويتمها عليها في الدنيا والآخرة ..
أنه ولي ذلك والقدر عليه جل وعلا سبحانه ...

ثم أقول ...
إن المنطق التجاري 1 + 1 = 2
ليس صحيحاً دائماً - وربما مطلقاً -
أختي لو كانت العملية التجارية بهذا المنطق لما خسر أحد أبداً
ولما رأيتي محتاجاً عل ظهر هذه الأرض ..

الأرزاق مقسمة ...
فهنالك من يغتني وهو في بيته بدون أقل جهد !!!
وهناك من يفتقر وهو ربما لاينام إلا ساعتين من كثرة الجهد والعمل !!!

المرء صحيح أنه يجب عليه بذل الأسباب ..
لكن التفاءل المفرط وعدم حساب المخاطر
وعدم الإدراك والصبر والخبرة - وقبل كل شئ توفيق الله جل وعلا -
ربما يهلك ويستغرق وقتاً طويلاً في دفع فواتير أخطاءه ..
ولن يدفع فواتيرها إلا هو ....

وفقنا الله وإياكم لكل خير ...
[/align]

ححمموودي · #5 (**permalink**) 08-06-2011, 06:40 AM

السلام عليكم ورحمة الله وبركاته
الحركة به بركه لكن
الله اكبر على الدنيا شوفو الحرمة كيف احتد على الشغل

فكره وفن · #6 (**permalink**) 08-06-2011, 07:44 AM

السلام عليكم ورحمة الله

رائع جدا اصرارها
والاروع لو في شخص حاول ان ياخذ بيدها
يعني يقولها يااختي ممكنرقم الهاتف لاني بنشره عبر البلاك بيري
وان شاءالله تلقين زباين يتصلون فيج
وياليت قلتيلها في علب نضيفه بلاستيكيه ممكن تحطين فيها البهار افضل وارتب
حاولو اي حد يتلقونه تساعدونه بكلمه بجهد بسيط
اذا شفتيها مره ثانيه لا تترددين باخذ رقمها
وتكتبين كمن كلمه طيبه في البلاك بيري مع رقمها والي تبيعه وتنشرينه
اسال الله العلي القديران يرزقها ابلرزق الحلال الوفير المبارك فييييييييه

تسويقار · #7 (**permalink**) 08-06-2011, 03:15 PM

وانت تتوقع ان الحرمه دخلت من الباب للمول وجلست تبيع ؟؟؟

ليه وين اصحاب المول والادارة ؟؟؟

حبيبي هذي داخله المول بعد اتفاق مع الادارة وبلفووووووس مافي شي ببلاش

يعني نص اللي تدخله بيروح مقابل انهم يتركونها تبيع جوا المول

انت حسبتها بنظرة تفائليه وانها قاعده تبيع وتربح

لكنك ما حسبت الاشياء المخفيه عنك .. وماحسبت تكلفة المواد الخام اللي صنعت منه النقابات والبهارات

حسبت انها باعت بــ 25 ريال .. لكنك ما تدري يمكن مكلفها النقاب 20 ريال يعني مكسبها خمسه ريال

هذا لو تركوها ادارة المول ما اخذوا من الــ 5 ريال شي

لا ننظر لكل مشروع من ناحية النجاح والدخل ونحسبها كذا

لا فيه حاجه كمان اسمها خسارة