السلام عليكم ورحمة الله وبركاته ’’

لحسن حظي الحمدالله تم الاتصال علي من قبل شركة جلوبال السحيمي
ومقابلتي بكره بأذن الله ..

الكل قال لي توكلي على ربك وادخلي الانترفيو بكل ثقه شيء طبيعي بتوكل على ربي
ومن توكل على الله فهو حسبهَ .. بس لازم اسعى زي مايقولون اسعى ياعبدي واسعى معك

دورت وبحثت عن هالشركه واخذت لمحه مقبوله عنها

ابي اعرف كيف ممكن اجاوب بكل ثقه اذا سألوني بالانجليزي خصوصاً انه الانجليزي نص ونص فيه لحد يحطمني ويقول انه كل اسئلة هالشركه بالانجليزي باذن الله راح ادخل المقابله واجاوب
بالعربي ولا بالانجليزي .. وثانيا انا معي دبلوم واللي يعطونه ورقه يترجمها فهذولي للي معهم بكالوريس .. عالعموم ودي اعرف كيف اسئله الشركات بالانجليزي

اكيد اسئلتهم بسيطه للمدخلات البيانات لانه الشغل بيكون على برنامج الشركه
اتمنى منكم مساعدتي واكتبو لي بعض الاسئله الانجليزيه

واللي يعرف عن هالشركه لحد يقصر معي ..

كتبت رد واعتقد طار

المقابلة بالانجليزي طبعاً وعادةً تسوينها مع شخص اجنبي وغالباً قبل مايدخلونك المقابلة يعطونك ورقة تترجمينها ومحتوى الورقة يعتمد على حسب الوظيفة المتقدمة لها.. انا ترجمت ورقة عن الغاز والضغط والانابيب وفي بنات ترجموا اشياء تتعلق بالتسويق

اقرأي وحوسي في الانترنت عن كيف تتكلمي عن نفسك بالانجليزي واحفظي كم كلمة وخلك طبيعية ولاتحاولي تتكلمي بسرعة.. كوني مرة هادية وتكلمي بهدوء عشان لاتسوي اغلاط كثير

الشركة كويسة ومعدل رواتبها غالباً 4500 + 500 بدل مواصلات

وموفقة ان شاء الله

اهلين بنت حصه ... بالنسبه لمقابلة شركة السحيمي لازم الانقلش عندك بيرفكت المقابله كلها بالانجلش
طبعا بيسئلونك تكلمي عن نفسك؟..... هل اشتغلتي قبل؟...... كم كان راتبك؟..... هل عادي عندك تسافرين؟....
وراح يقولون لك انهم يسوون دورات بالانجلش لموظفينهااا
هاذي الاسئله الي سئلوها لي .....تمنياتي لكي بالتوفيق

الله يعطيكم العافيه وماتقصرون والله ,
قريت كثير عن الشركه وماخليت شيء الا وقريت عنه وكيف تكون المقابلات
والحمدالله كنت مره متحمسه ومندفعه لـ المقابله صحيح كنت خايفه لكن الحمدالله تم كل شيء على مايرام
والاهم من كذا طلعت وانا راضيه عن نفسي راح اقولكم وش صار معي للي يبون يستفيدون ..

عطوني قطعه وترجمتها وكانت ترجمتي لاباس فيها ومن حسن حظي انه قابلني سعودي مو اجنبي
وهو مدير الموارد البشريه ومديرة شوؤن الموظفين وموظفه مدري ايش وظيفتها

كانت الاسئله مريحه تكلمي عن نفسك ودراستك ومن هالاشياء بصراحه طولت اسئلتهم وكنت ارد بكل اندفاعيه
واجوبتي تمام ولا كنت اعطيه مجال باجوبتي انه يزيد اسئله مثل ماقريت يعني افضل مقابله لي وكنت راضيه عنها هالمقابله

لدرجة اني تحمست حيل حيل حيل للوظيفه مر علي شهرين تقريباً ولا دقو علي للحين
اهلي حاطين امل لكن انا مدري احس بديت اتحطم

وقريت بالنت انهم يرسلون خطاب تعذر للي مانقبلو وصرت دايم اشيك على ايميلي
مدري هالشيء صحيح ولالا ؟

انتظر ردكم

اهلين صبايا مبروك عليكم الشهر جميعن وعساكم من عوادة كل سنة قولوا امين
تكفون فيدوني على هالشركة ياكثر مارسلهم ولاجاني خبر عنهم اكلمهم يقولون ايه نبي حتى الفاكس ارسلتلهم عليه وعن طريق غرفة الشرقية بعد بس مادقوا علي هم الخسرانين
ياليت كل وحة تقولي كيف قدمت وشنو الوظيفة تكفون والله اني متحمسة لها

وانا بعد نفس الشيء عن طريق غرفة الشرقيه ..
دقوو وقابلوني ومازلت انتظر الله يرزقنا يارب

هل يوجد هالشركه بتبوك ولا لا؟؟؟؟؟؟؟؟؟؟

طيب الي سوت معهم مقابلة ومر شهرين تتصل عليهم وتتطمن لأن صعبة شهرين وقاعدة على امل.. دقي ذكريهم بنفسك
لأن هم هالفترة طالبين موظفات وشكلهم نسوا الي قدموا عليهم بالأول

بالتوووفيق لنا جميعا

دلع العيون والله ما ادري بس ادخلي على موقع الشركة الرسمي وبتلقى الجواب

لا للعطاله .. شكلي والله بدق عليهم
بس مدري وش اقول احس اني حايسه ونوعا ما متحطمه
ان شاءالله بكلمهم بكره والله يعيين ..