[align=center]
السلام عليكم ورحمة الله وبركاته

اخواني واقع في حيرة وابي مشورتكم

انا كنت انتظر نتايج مفاضلة جدارة والله كتب ان اسمي مايطلع
فقررت ادرس لغة انجليزيه ببريطانيا بأحد المعاهد لاني ضعيف بالانقلش
وكل ماجيت اقدم على شركه قالو لي لازم انقلش

بس اللي محيرني اني خايف اسافر هالاجازه وتكون فيه دفعه ثانيه بتعلنها وزارة الخدمه المدنية مثلا او تجيني وظيفة اداريه

والمشكلة اني لو ماسافرت هالاجازه ماراح اقدر اسافر
لان اخواني بالاجازه هذي بيجلسون عند اهلي فعادي اني اسافر
اما وقت ثاني ماراح اقدر اسافر لاني
ماراح اقدر اترك اهلي لحالهم

منتظر شوركم
[/align]

وعليكم السلام ورحمة الله وبركاته

بصراحه حيره لكن ليش ما فكرت بدل السفر انك تاخذ اللغة الانجليزيه بالمعهد البريطاني بالرياض ..؟

لاني سمعت انو شهادته مره حلوه
وفيه حتى ممرضه سعوديه اعرفها ضعيفه بالانقلش حاليا" تدرس فيه وفيه ناس كثير دخلوه ميييح يعني ما يعرفو شي وتخرجوا بلابل انقلش
ومدرسينه بريطاانيين واجانب عشا ن ما يتاثر الطالب باللغه العربيه بدراسته في هالمعهد بتكون تدرس وقريب من اهلك
هذا الي اقدر افيدك فيه بصراحه

والخيار في الاول و الاخير راجع لك والله يوفقك

تحياتي

معليش حبيت اخش واكتب لك
من رايي
اذا تبي تطور لغتك مو شرط ياخي تسافر برا لاتقول السعوديه مافيها قسم بالله عندي ثلاثه من اخواني بلبل بالانجليزي
يعني خذلك دورات هنا منها قريب من اهلك ومنها تتابع الديوان والله افضل من سفريت برا بعد من بعد ذي المشاكل صار الواحد يخاف
نصيحتي لك كمل هنا والله ثم والله فيه معاهد تخرجك بلبل بالانجليزي هذا هو الحل واذا تبي اسم المعاهد المضمونه
المعهد البريطاني
ومعهد نيورايهزن
هاذي الاثنين فقط توكل على الله والله راح تدعيلي لان عن تجربت اخواني والحمدلله توفقوا من الله
لاتتسرع وتسافر ترا برا وهنا كلها زي بعض هنا عالاقل احسن بين ربعك
اتمنى افدتك وحياك الله والله يسهلك

موفق بإذن الله ... لك مني أجمل تحية .