بسم الله الرحمن الرحيم

اخواني الافاضل حبيت يكون عنوان موضوعي دعوة من قلب مو بس لكل من يدخل بل ولكل من وقعت عينه ع الموضوع ..

اخواني ابي مشورة .. وعسى الله ينفع بما تكتبوه ..

انا قبل فترة قدمت على المئويه بس ماكنت مقتنعه كثير بالمشروع واللي هو مركز خدمات طالبات مخصص للنساء وطنشته رغم انهم اتصلو علي ..

فتحت مشغل نسائي وقبلته بعد ما اشتغل لاني غلطت فيه باشيااااء كثير واهمها الموقع .. بس علمني واخذت خبره فيه

الحين حابه اقدم من جديد بس متردده ومحتاره بالمشروع ..
جت فترة كنت ادور على نادي رياضي بجنوب جدة بس مااااااااالقيت وكلها شمال جدة مافي الا واحد وتابع لمستوصف خااص .. قلت ليه ما اسوي مركز نسائي متكامل صاله رياضيه وصالون تجميل ومشغل خياطه وتفصيل .. حتى لو أأجر منها مو شرط انا اللي اشغل المجالات كلها ..
بس ترددت وقلت ابي شي ابسط من كذا ..

بخاطري صالون تجميل بس الوضع مااااايخفاكم بجده عاااامة وجنوبها خااصه تقريبا جنب كل بيت مشغل .. رغم خبرتي بالمجال ورغم انه مشروع مستهلك بس سبحان الله مقسم الاارزاق
فكرت بالخياااطه بس للاسف خبرتي فيها بسيطه فاحتاااج ادرس المجال قبل ادرس المشرررروع ..

واخر فكرت جت ع بالي .. مطعم نساااائي .. او كوفي نسااااائي ..

تكفوووون لا تحبطوني مثل اللي حولي انا عارفه ان افكاري كثيره ومشتته بس مليت من الافكار ابي تنفيذ وابي احس بهدف بالحياه ..
ابي اثبت للي حولي اني مؤمنه برب العباد انه مايختار لي لي الخيره بكل اموريواني مؤمنه بنفسي وقدراتي .. لان اللي حولي كلهم وحتى زميلاتي تخرجوا من الجامعه الا انا .. بسبب الرسووووووم ..
((بس من السنه الجايه باذن الله عقدت العزم اني ادرس انتساب بجامعه فيصل ..))

[align=center][align=center]طيب أختي الكريمة ...

شاااااكرة ردك

اولها الموقع انا وضحت اني بجنوب جدة وفتحته شمال جدة ثانيا انا بحكمعب علي اديره يوميااااا وما اتفقت مع شريكتي ابداااااا .. غلطت غلطااات كثيره مع العماله بسبب الجهل بامور كثيره ..
بس عرفت كل خفايا المجال ول ما يخصه .

لا اله الا الله

طيب اعتبريها انها دورة خبرة لكي وافتحي مشغل ثاني في شمال جدة + الموقع يكون استراتيجي مهم جدا يكون الموقع مميز والمحل يكون كبير مو محل منزوي ما ينشاف !! لا يكون كبير كانه مطعم بديكور ممتااااز .

التكرار لا يعني عدم النجاح شوفي جدة كم مطعم بخاري فيها !! فوق 20 الف مطعم على اقل تقدير هل كلها تخسر لا في منها حريقه من كثر الزباين زادهم الله رزقاً فيعتمد الموقع اهم شي

واذا محبطه من نفس المشروع افتحي مشروع كوفي نسائي بس بشرط يكون داخل اي مول من المولات الكبيرة يعني مثل مجمع العرب حيكون ممتااااز لانه الرجل ما تنقطع منه ماشاء الله

الله ييسر لك امرك ويكتب لك التوفيق
اذاوصلتي لقرار صلي صلاة الاستخارة وادعي بالتوفيق
وتذكري دائما ( انا عند حسن ظن عبدي بي فليظن بي ماشاء )

تدري اختي وين المشكله ؟؟؟ المشكله مو بالمشروع نجح او فشل ...

المشكله بترددك وكثرة افكارك ... هنا المشكله ...

ماينفع اختي تملئي راسك بالافكار وما تدري اي وحده تدرسيها وتطبقيها ..

حددي هدفك .... وانطلقي له ... مو تحددي مجموعة اهداف وما تدري بأي طريق تمشي فيه .. وتشتتي نفسك اكثر مما انتي مشتته

الامر الاخر اختي ..

عندك خطأ فادح جدا .... مازلتي مصره عليه ....

تبي تفتحي نادي صحي وكوفي وما اعرف ايش ... بس وين ؟؟؟ بجنوب جده

السبب ؟؟ لانك انتي ساكنه بجنوب جده

اختي لا .. غلط ... انتي قاعده تقدمي شي كمالي مو شي ضروري ...

وجنوب جده كلنا نعرف ان اغلب سكانه من ذوي الطبقة الاقل من المتوسطه ... كيف تفتحي عندهم نادي صحي ؟؟؟

النادي الصحي او المطعم او الكوفي مكانه الشمال عند تجار جده وسكنهم ... مو في الجنوب

نعم تقدري تفتحي في جنوب جده مطعم بخاري .. النفر بعشره ... لكن مطعم بناتي او نادي صحي راقي لا مو مكانه ابد ...

من اهم اسباب نجاح اي مشروع هو اختيار المكان وكثافة السكان ... وعدد العملاء المتوقع .. وجنوب جده ما اظن فيه عدد عملاء متوقعين

ارجعي لكلامك اختي بتلاقي نفسك مهما غيرتي من افكارك الا انو كلها تدور حول نفس الموضوع ...

اطلعي من التفكير التقليدي اللي نشوفه بكل شارع وبكل زاوية ...

يعني تفكري بمشغل ؟؟ المشاعل انتي قلتيها بجنب كل بيت فيه مشغل وانتي بتفتحي مشروع نفس الفكرة وبتصفي جنبهم لا جديد معاك ولا جديد قدمتيه للعميلة ...

فكري شوي اختي وحددي هدف واضح ومدروس .. وان احتجتي مساعده احنا كلنا هنا حاضرين

تسويقار مو كل جنوب جدة من الطبقة الاقل من متوسطه فيه احياء من الطبقه المتوسط متوسط دخلهم 6 الاف الى 8 الاف

هذي تقدر تعمل لهم مشروع مثلا نادي تخسيس باسعار مناسبه لهم وحيكون مشروع مربح بشرط الاسعار ما تكون غالية