السلام عليكم ورحمة الله وبركاته


ابي مساعدتكم في اسرع وقت

الموضوع

انا عندي مبلغ 30000 الف ريال
وحاب استثمره

وفي شخص تعرفت عليه سوداني وقالي انا بشغلها لك في الاغنام والابل
وطبعاً الشخص هذا ثقتي فيه مو لهنـآك
واتفقنا ان كل شي عليه والارباح النص بالنص

بس المشكله انه بيكون بعيد عني حوالي 400 كيلو
ونا صراحه خايف على فلوسي تروح هههههه

فياليت تنصحوني ش اسوي وهل في طريقه اضمن فيها حقي ....؟
يعني يكون بيني وبين عقد او ورقه
انا صراحه مالي خبره بهالامور


واذا احد عنده تجاره ثانيه وينصحني فيها فياليت يدلني

وله احلى دعوه مني ومن والدتي


شكرا اعضاء حلول البطال

انت وين ساكن اطلع وشوف وش اللي يبونه الناس

بالجبيـل .. المنطقه الشرقيه

اذا انت راعي طويلة اشتري فيها جفران صغار عمرها اقل من سنتين وربيهم في حضيرة غنم وبيعهم في الحج حتعين خير منهم

واذا تبي استثمار طويل الامد روح شوف المولات الي حولك لو لقيت مول جديد استأجر فيه كشك وجيب عامل على كفالتك وحط له اما ساعات او اكسسوارات

اذا انت بالشرقيه ليه ماتاخذ كشك على البحر وتبيع فيه شاي وقهوه وتبيع فيه وجبات سريعه وتبيع شغلات لشوي والله يوفقك

مشكورين عالردود وبخصوص اللي يقول جفران وربيهم احس انها شغله مطوله ومالي فيها

وش الضمانات ؟؟


لو مافي ضمانات كيف تحط مبلغ زي هذ!!

محل تغليف هدايا وحط فيه كم هديه وواشتغل فيه بنفسك او شغل فيه عامل على كفالتك
والثلاثين تكفي وزياده
والله يرزقك

هذي مشكله والله بتسلم فلوسك لسوداني وبكره يجيك يقول ياعمي والله اشتريت اغنام وماتت وخسرك كل فلوسك

وخاصه انك بعيد عنه وبتسلمه مبلغ مغري بالنسبه له

اخوي والله مثل ماذكروا الاعضاء حط لك كشك على البحر او استاجر كشك في مول وحطه ساعات واكسسوارات

انا والله لو عندي مبلغ ماااشاور على طول لحط لي كشك بمول واحط فيه عامل وانا اشتغل معه وابيع اكسسوارات وساعات واطواق وشباصات ( اهم شي دور الاشياء اللي تخص الحريم ) ويكون اسعارها مناسبه

الله يوفقك يالغالي