فكرتك حلوه بس سعرك للايجار غالي اتوقع تكون اقل من كذا او على حسب موديلها بس افضل جيب عامل على كفالتك او احد تعرفه ويشتغل عليها وتطلع اكثر من سعر الايجار انشاء الله وموفق

هلا ومرحبا

الفكرة حلوة .. لدي معلومة بخصوص التريلا .. لو شريت تريلا واردت ان تؤجرها وذلك لنقل الصببيز او البحص او الرمل ووو .. سعر المواد يكون على حسب الامتار بعضها المتر ب 12 ريال والبعض ب 14 ريال والتريلا غالبا تكون 24 الى 26 واكثر متر . المهم باالمكان تأجيرها على شركة او مؤسسة مقاولات طبعا مع السائق والمحروقات عليك . الشركة فقط تجيب لك الشغل .. يعني تودي في اليوم 3 ردود في فصل الشتاء و ردين في فصل الصيف حفاظا على التريلا .

هذا المشروع مربح جدا لكن انصحك ان يكون عندك رأس مال وذلكم في حالة خراب التريلا واهم شئ الكفرات والمحروقات وايضا راتب السائق يتراوح من 3000 الى 3500 والتريلا تطلع لك في الشهر اذا لقيت شركة كويسه من 20000 الى 24000 ريال . نزل منها المصاريف يصفى لك حدود 10000 الى 12000 ريال .

اهم نقطة يكون عندك رأس مال وتصبر ع المستخلصات .. حقك ما يضيع لكن التأخير هذا وارد كل ثلاثة شهور يدوك دفعة من مستحقاتك .

اذا كان لديك الامكانية لذلك .. راح اشوف لك العمل بشركة اعرفها تتعامل مع سعودي اوجيه .

بالتوفيق يالغالي .

دخون للتجارة : -
مشكور عالمرور
وهو كذلك راح اجيب عامل موثوق فيه

أكرم التميمي : -
بيض الله وجهك اخوي أكرم على معلوماتك اللي استفدت منها

بس المشكلة ونا اخوك هي بالتمويل
لأني ماراح اشتريها من فلوسي
راح آخذها تمويل من باب رزق جميل
وانت عارفهم آخر حد للتمويل 150 الف ريال

هل تتوقع سعر التريلا مايتجاوز هالحد ..؟
أو تقترح علي شاحنة غيرها بحدود هالمبلغ

والله يعطيك العافية

وبالتوفيق للجميع

هلا ومرحبا
وجهك ابيض يالنشمي ..
مثل م قلت لك السيولة في هذا لمجال مطلوبة وبقوة .. لذا ااانصحك ان تشتري دينة وتركب عليها بوزة وتشوف لك سائق كويس .. وتسوي لك عقد مع احدى المؤسسات اللي بتشتغل داخل الكم ( مثلا مؤسسة بتشتغل مع سعودي اوجيه شغل الدينة حقتك معاها على سبيل المثال داخل مشروع جامعة الميرة نورة ) العمل سهل وه نقل المحروقات وياحبذا لو تلاقي عقد نقل البترول لانه ماعليه طلب نااادر يعني الدينة ما يكون عليها ضغط ولعلمك سكن السائق والمحروقات على المؤسسة اللي متفق معاها .. انت فقط عليك تطلع راتب السائق . واذا كانت الدينة جديدة وان شاء الله تكون كذلك ماراح تخسر فيها قطع غيار.

ربنا يوفقك يالغااالي

موفق بإذن الله ... لك مني أجمل تحية .

هلا ومرحبا
اخوي ما ادري بالاسعار لكن خوي لي يقول الجديد حدود 80 او 90 الف اما التقسيط حدود 120 الف ريال.
بالنسبة للتأجير .. اعرف واحد يقول يصفى له 12000ريال لكن مادري هل ينزل راتب السائق منها او لا .

اما المحروقات وسكن السائق ع الشركة المستأجرة.
المشكلة هي في التطفير .. لان هكذا مشاريع تبي سند ولو قليل في حال لسمح الله جاء عطل في السيارة .. لازم تكون سيولة تسند عليها .

بأختصار يالنشمي الاعمال الان صارت كلها بالمعارف اذا لك معارف في اي شركة بيساعدوك في تخليص مستحقاتك اول بأول او ع الاقل توفيقك لشركات او مؤسسات .. هنا مربط الفرس.

انصحك قبل لا تبدأ ادرس الموضوع من كل النواحي .. واهم شئ من راحت نفسيتك للمشروع ومدى قدرتك على خوض المعركة معاه .. لو انت مرتاح له ماراح شئ يوقف طريقك .

ربنا يسهل لك امورك وجميع المسلمين .. اللهم آمين .

بالتوفيق

ضروري قبل تاخذ قرض عشان الدينا او التريلا, ضروري تتأكد من وجود شركه تشغلها
لاني فكرت في الشغله كثير بس ما عندي علاقات و معارف عشان اشغلها لأي شركه
كنسلت التريلا بالاخير