السلام عليكم ورحمة الله وبركاته

اليوم عندي موضوع للجميع

المووهم كلكم شايفين اكثر مانشوف افكار ومشاريع بعضنا يشوفها مشاريع رائعه وبعضنا يشوفها مشاريع فاشله

والحين صارت اكثر افكار القسسم متشابهه

واكثرنا لايملك راس مال كبير فخلونا نفيد ونستفيد ونكتب تجاربنا وسبب نجاح المشاريع وسبب فشلها

ياما قريت وقليل مااشوف احد كاتب قصة نجاح مشروعه او تجربته مع بدايات مشروعه

مدري ليشش اصحاب المشاريع اذا بغوا يفتحون مشروع جاء يستشيرنا واذا فتح المشروع سكت

ترى والله ماحنا صاكينك بعين ماشاءالله على مشروعك اللهم لاحسد هع

تدري ان تجربتك لمشروعك هي سبب نجاح اللي يفكر يفتح له مشروع

لانك انت دخلت السوق وشفت الشي المطلوب واللي ماشي من الشي اللي ماهو ماشي

فاتمنا من الجميع يكتبون لنا تجاربهم ويكتبون لنا الاشياء اللي عليها طلب

واشكر الاخ دماغ على كتابته لتجاربه مع التجاره

صباح الخير اخوي عزوووووبي ....

المشكله وانا اخوك ان اكثر الموجودين هنا مو جادين بالعمل ... يبغون افكار لكن بدون تنفيذ

تلاقيه دخل على فكرة من الافكار وعجبته وسجل اعجابه وبالاخير ما نفذها والدليل انك تلاقيه بموضوع فكرة اخرى

مشكلتنا حاجز الخوف ... خايفين يخسرون ... ما يدرون انو مافي ربح الا بعد خسارة .. ومافي نجاح الا بعد فشل ...

ياما خسرنا .. وياما انسرقنا ... وياما انضحك علينا .. وبالنهايه عرفنا وعلمتنا التجارب .. وعرفنا شلون نتعامل وكيف نتاجر هنا وهناك ...

راح اعطيك كم قصة حصلت لي في بداياتي ....

اول مشروع سويته كان وكالة دعاية واعلان ... كانت ناجحة بكل المقاييس ... فعلا ربحها كان كبير ...

لكني ما كنت اعرف شي اسمه حساب بنكي واحط فيه كل مدخولات الوكاله ...

لا كل الفلوس تجي احطها بجيبي واصرفها رواتب .. غير صرفي الشخصي ...

وبالاخير الاقي نفسي تورطت بشغل الزبون اللي اعطاني الفلوس وماعندي حق المواد الاولية لانجاز عمله .

حليتها بغباء ... سلمتها لواحد سعودي ... صار الاخ يتفق وياخذ الفلوس ويشتري فيها ملابس وجينز وجوالات

ضاعت من يدي وبعتها بتراب الفلوس ... رغم انها كانت قوية في بداياتها ....

عرفت من خلال هالتجربة انه مافي شي اسمه بيع وحط في جيبك واصرفه على نفسك ...

ومافي شي اسمه سلمها لفلان من الناس ... لان المال السايب يعلم السرقة ...

تعلمت اني اوقف على شغلي بنفسي ويكون فيه محاسبه لكل صغيره وكبيرة

بعد كذا حاولت اجيب شي من الصين وابيعه هنا ...

راحت افكاري واوهامي وجبت فكرة وهي اني اخذ تصاميم جلابيات كويتيه وخصوصا بعض تصاميم اشهر مصممات الكويت وانفذها بالصين

اتفقت مع مصنع بعد عناء بحث طويل ... اتفقت معاهم عن طريق موظفه وصرت اراسلها وكنت طالب عينات لشغلي وكانت رافضة مسألة العينات ...

وقالت أقل كمية عدد كذا وبعد محاولات اتفقنا تسوي لي من كل تصميم 4 حبات كعينة

وبكل امانه وطيبة قلب ... ارسلت لها الفلوس ... على قولتهم الدار امان ....

انتظرت الارساليه من هناك ... ماوصلني شي ... كلمتها قالت انها ارسلتها بالبريد واعطتني رقم بوليصة الشحن

دخلت موقع الشركة ومافي شحنه بهالرقم ... عرفت اني انسرقت .... والي يومك هذا 18000 ريال ما ادري وينها

تبت بعد كذا ؟؟؟ بطلت ؟؟ لا .. والله ما تبت ولا بطلت .. حاولت وحاولت ... وميزتي اني فدائــي ولا يهمني لان الخوف ما راح ينفعني

وقلت ان ما صابت هالمره تصيب بالمرات الجايه ....

بعدها حاولت اجيب جوالات ... وكان الجوال بأسم عيون نوكيا ... مو موجود بالسعوديه وشكله كان شيك مره .. هذي صورته :





طلبت خمسة جوالات كتجربة .. وطحت بيد واحد ما يرحم ... حولت له المبلغ واذكر كان 5000 ريال ...

لما استلم المبلغ ... بعدها بيومين وانا انتظر شحنها لي

ارسلي ايميل وقال ان شركة الشحن متوقفه عن العمل ولازم نروح لشركة اخرى وطالبين فرق 4000 ريال زيادة ...

وانا من هبالتي قلت انقذ الـــ 5000 ريال الاولى بالاربعة اللي طلبها واضطريت احول له 4000 ريال اخرى

بالاخير لطش مني 9000 ريال و لليوم هذا ماشفت لا عيون نوكيا ولا اذنه

وبالنهاية اكتشفت انه نيجيري من ضمن النصابين بالمواقع .

المصيبة ومن حقارته لليوم هذا يرسل لي يقول لو حاب تتعامل معنا ونزودك بالبضائع ...

عرفت من هالتجربة ان الثقة بالناس خطأ .. ولا تثق الا بنفسك فقط أو شي تمسكه بيدك ... غير كذا لا تثق بأحد

وقفت بعدها ؟؟؟؟؟؟ او بطلت شغل ؟؟؟ او خفت وقلت توبه ؟؟؟ لا ما تبت .. ولا خفت .. وكملت بأصرار على النجاح

لكن بطريقة صح ومتلافي لكل الاخطاء السابقة ...

الان لدي مشاريع كثيرة كلها ناجحه والحمد لله

ويمكن ساعدني بنجاحها بعد توفيق الله سبحانه وتعالى تخصصي بالتسويق ودراستي خارج السعودية فلديهم من الافكار هناك الشي الكثير ...

الان وبعد كل هالمعاناة امتلك الكثير .. وقولوا ما شاء الله :

شركة تسويق بالرياض ( استشارات تسويقية / تسويق للغير ) لديها عقود مع بنوك وشركات ومصانع بقيمة اكثر من 8 مليون

مزرعة خضار بالقصيم تحتوي على 23 بيت محمي بدأتها ببيت واحد كتجربه

شركة خاصة للدخول بالمناقصات الحكومية وتوريداتها والحمد لله فيها خير كثير

سلسلة مطاعم وجبات سريعه

كل هذا غير وظيفتي بالقطاع الخاص كمستشار تسويقي بأحد الشركات والحمد لله ...

لكن لا انام الا قليلا .. طول الوقت بعملي من الفجر لاخر الليل ...

قد ما تعطي عملك وتجارتك .. قد ما تعطيك واكثر ...

الافادة من كل هذا ....

اني ما وصلت الي ما وصلت اليه الان الا بعد محاولات فاشلة وخسائر ودروس تعلمتها من السوق ومن الشارع ومن العامل ومن التاجر

وتعلمت ان العميل والزبون هو نقطة ومحور ارتكاز نجاحك ...

ايضا تعلمت ان المحاولة والاصرار على النجاح والمتابعه المستمرة لاعمالك هي اهم اسباب النجاح

تعلمت ايضا ان الامانه سواء مع نفسك او مع عملاؤك هي اهم اسباب النجاح

تعلمت ايضا ان الكسل والنوم راح يأخرني للخلف عشرات السنين ولن يقدمني خطوة واحد للامام

ايضا الخوف يقتل ما بداخلنا من عزيمة واصرار ...

وسنقف بمكاننا الي الابد مالم نرمي هذا الخوف وراء ظهورنا ونقدم خطوه حتى نأخذ مقابلها خطوتين

باقي مشروع الزواج ادعوا لي بالتوفيق

حفظكم الله

ماشاءالله عليك اخوي تسويقار بجد عانيت

والله اني استفدت من تجاربك

انا مثلك بالثقه اثق في اي شخص ومن طبعي الطيب والتسامح والثقه الزايده وبعد قراءة تجاربك بدا يدخلني الخوف

صحيح التجاره ربح وخساره

وفيها صعوبات تواجه اي شخص يبدا بمشروعه ولاكن لاياس مع الاستمرار

وقمة القهر لاجاك واحد نصاب مايخاف الله ولايحلل ولايحرم حسبي الله عليه

الله يوفقك ويرزقك بالزوجه الصالحه والذريه الصالحه

شـكرا لك وبارك الله فيك... لك مني أجمل تحية .

تجارب رائعة اخي تسويقار وفقك الله
لك مشروع عندي
عندي جوالات رائعة تتكلم فيه وانت فى اعماق البحر وتتصفح النت ارسلي 5000ريال وارسلها لك

فعلن كلام سدبد بس وين الي يصمل ع الفكره صصح ان في أفكار بس وين التنفيذ ع أرض الواقع يعطيك العافيه ع الطرح تقبلو تحياتي

اخواني الله يعطيكم العافيه نفر نفر

واشكر كل من مر بهذ الموضوع وعساكم تفيدون وتستفيدون معنا في موضوعنا هذا

اطلعت على كل الردود وحبيت اتكلم لكم عن فكرة مشاريع كانت تراودني

اولا في بدايات تسجيلي بالمنتدى كنت افكر بفتح محل جوالات ولاكن الفكره مستهلكه مثل ماقالوا الاخوان

وراس المال قليل جداً

وفكرت وفكرت وفكرت وكان راس المال يقف لي في كل فكره تراودني

ولاكن قررت اني اتاجر باشياء قليله مع الجيران ومع المعارف فرحت لمحل اكسسوارات نسائيه

واخذت لي مجموعة اساور ومجموعة طقوم اكسسوارات مثل هذي اللي بالصوره


الموهم طلع طقم الاكسسوارات والاساور ماكلفني 300 ريال والحمدلله مشت رغم ان مكسبي كان جداً مناسب

وبعدها اخذت سلاسيل ناعمه وسلاسيل اطفال وشباصات طبعاً كل شي اشتريه خاص بالحريم عشان ماعندي محل غير اعطيها خواتي وامي يبيعونها على الجيران وفي المناسبات

ومثل ماقال اخوي تسويقار كل ماجاني مبلغ حطيته في جيبي وكل مااحتجت اخذت منه واقول ارده بعدين لين فالاخير البضاعه ماباقي منها الا شي قليل والفلوس خلصت

وفي الاخير خلاص قررت انتظر بنمك التسليف في بدايات شهر 8 عشاه يفتح تمويل المشاريع الصغيره بدون كفيل

وعلى طول بقدم عليه وناوي ان شاءالله افتح محل ابو ريال

بالنسبه لابو ريالين كلكم عارفين انه منتشر في كل مكان

ولاكن قراري اني بفتح محل ابو ريال

درست فكرة ابو ريال من كل النواحي

وسئلت اصحاب محلات ولقيته ياخذون مثلا الاساور المطاطيه يطلع عليهم الدرزن من 2 اللى 5 ريال وفي الدرزن 12 حبه ويبيعون الحبه بريال

ومثل المناكير تاخذ ال 3 بريالين وتفرقها تبيع الوحده بريال

وللعلم فيه اشياء مافيها مكاسب ولاكن مجرد تكمله عشان يكون المحل ماينقصه شي

فدعواتكم ان بنك التسليف مايعقدنا بشروطه

تجارب رائعه ...ماشاء الله اتمنى التوفيق للجميع

بالنسبة لي لااملك مشاريع مجرد قارئه هنااستفيدولعلي افيد
وفي بالي مشاريع نسائيه نجاحها مضمون بإذن الله
لكن عراقيل كبيرة واقفه قدامي رغم توفر كل شيء
مااقول الا حسبنا الله سيؤتنيا الله من فضله وانا الى الله راغبون
واذا ان شاءالله تيسرت ياكريم وفرجها ربي حتى لو بعد حين
اجي اكتب هنا وافيد البنات ,,
وهذا الموضوع من زمان مثبت
https://www.btalah.com/t193192.html