31-10-2012, 02:19 AM
|
|
عضو متواصل
|
|
تاريخ التسجيل: Oct 2012
المشاركات: 55
معدل تقييم المستوى: 24
|
|
اقتباس:
المشاركة الأصلية كتبت بواسطة مسثمر مبتدئ
السلام عليكم ورحمه الله وبركاته
اسعد الله اوقاتكم بكل خير
الموضوع قديم شوي بس من خلال بحثي ما لقيت الى هو اضع اسئلتي فية وان شاء الله القى مطلوبي بحول الله
سؤالي هو
اريد اعرف كم قيمه راس التريلا وكذلك التيدر
وهل يختلف التيدر في احجامها مثلا الخاص بالبرسيم وكذلك الشعير
لانه تقولون لازم 500 كيس مثلا آخذ راس كبير هل اقدر ازود كمية الشعير ام فقط 500 كيس
وكذلك تجارة الاسمنت ابغى معلومات عنها
وآمل ان تعطوني معلومات كافية اخرى مثلا كيف يتم التحميل هل حجز سرى ام ماذا سواء الشعير او البرسيم
انا في المنطقة الجنوبية وش اقرب مكان لي
وكذلك قيمة صيانه الكفرات لازم بعد 6 اشهر او اكثر
وهل يوجد اجراءات قانونية وكيف الطريقة اذا وجدت
|
هلا اخوي يبدو لي معلوماتك زيرو عن التريلات
شوف راح افيدك حسب خبرتي سنتين فقط
بالنسبه لراس التريلا انواع من 50 الف الى 170 الف هذا اغلب المتداول
طبعا حسب نوع الرأس ايفكو , مان , فولفو , الشيخه الاكتروس
طبعا لا نصح الا بالاكتروس او الفولفو وهذا المعروف وسعرهم غالي لكن قطعهم متوفره واعطاله اقل من الانواع الثانيه ولا تاخذ الا اكتروس بما انك جديد ع هالشغله
التيدر انواع لكن التيدر ماتفرق كثير يعني عادي وكلهم يشيلو برسيم واسمنت وشعير وكل شي لكن الدارج وافضل شي الثلاث محاور بي بي الماني وسعره من 20 الى 40 الف ع حسب النظافه
ولا تستطيع تحميل اكثر من 30 طن هذا الوزن المسموح به في السعوديه ( يعني 500 كيس شعير , 600 اسمنت , 850 ربطة برسيم تقريبا ) , اذا حملت اكثر راح يخالفك الميزان المتواجد ع الخطوط وغير كذا السياره والكفرات ما تتحمل اكثر من كذا الا اذا كانت المسافه قريبه .
كشغل حالياً لا انصحك وسيارتي معروضه للبيع بتيدرها واصحابي كلهم بيعو سياراتهم وجع راس ولافيه فايده
الا اذا كنت ضامن شغل لها ودارس الفوايد كذا اوك
الكفرات لا صيانه ولا شيء اذا قرب ينتهي عمره تغيره واهم شي كفرات الراس التيدر عادي لو طالعه اسيامه
الشعير رده بـ 2000 ريال فايده , تشتريه بـ 36 ريال للكيس وتبيع بـ 40 من غير مصروف السياره والسواق والاعطال لاسمح الله يعني مافيه فايده ويمكن يجلس السواق في السوق 4 - 5 ايام حتى يصرف الشعير .
والاسمنت افشل من شغله مافيه تشتريه بـ 12 للكيس وتبيع بـ 14 يعني ربحك 1200 من غير مكتب ومصروفات ووقفت السواق كم بالسوق ؟
يبي لها حساب طويل والشغل مو بس شعير وبرسيم واسمنت في مكاتب في جده والشرقيه ينقلون كل شيء ( بلاستيك , تنوك , خشب ... كثير .
واي سؤال انا موجود
|