04-08-2011, 08:25 AM
|
عضو جديد
|
|
تاريخ التسجيل: Aug 2011
المشاركات: 3
معدل تقييم المستوى: 0
|
|
السلام عليكم ورحمه الله وبركاته
مبارك عليكم الشهر
اللي سئل عن التقديم والمقابله في كليه الملك فهد البحريه
يا طويل العمر التقديم عن طريق موقع وزاره الدفاع والطيران وتختار كليه واحده
انا اخترت البحريه وانقبلت مبدئي وحددو اسبوع كامل عشان تروحلهم يتاكدون من اوراقك
طبعا فيه استماره تطبعها من الموقع 8 ورقات بس ياهي قروشه قعدت يومين عشان اكملها
يوم رحتلهم تاكدو من اوراقي عطوني موعد للكشف الطبي والمقابله
الكشف الطبي اكيد عندك معلومه عنه بس اهم شي النظر والطول والوزن
المقابله مدتها خمس دقايق الى عشر دقايق يقابلك ضابط عميد او عقيد اهم شي لا ترتبك
يسولف معك شوي بعدين يسئل كم سؤال انا سئلني كم ترتيبك بين اخوانك؟ وش وظايف اخوانك ؟
وش اكثر ماده تحبه ؟ قلت مواد الدين سئلني قال تعرف اركان الاسلام ؟ قلت ايه
قال تعرف اركان الكفر ؟ للاسف ما اعرف قال لي ابليس ليش عصى الله قلت تكبر قال هذي اول ركن. بعدين سئلني قال اذا جابولك القهوه والقدوع وقالو لك اقدع وش معنى اقدع ؟ قلت معناها حلي قال يا سلام عليك وسئلني انت من الطائف قلت ايه قال عندكم نخل قلت عند عمي قال عدد ثلاث انواع من النخل ؟ برحي سكري خلاص قال عطني نوع من النخل اللي عندكم قلت سكري طبعا غلط قال لا ما عندكم سكري قلت والله مدري وش عندنا اذا جاني اكله بعدين ضحك قال خلاص الله يوفقك روح المسرح حدد موعد اللياقه والاختبار التحريري عطوني موعد اروحلهم في اسكان القوات البحريه في الرياض لبس رياضي كامل وبطاقه الاحوال والموعد لازم تكون معك
رحتلهم الساعه اربعه ونص فجر حسب الموعد اول شي اختبار تحريري مكون من انقليز ورياضيات وفيزياء الانقليز 25 سماعي و25 نظري والفيزياء والرياضيات 20 -20 طبعا الاختبار كله اختيارات لا خلص الاختبار تروحون لصاله حقت اللياقه خمس تمارين
1- بشم:يعطونك دقيقه يشوفون كم تسوي هم يبغون 28 عشان الدرجه كامله
2-تمرين البطن: يعطونك دقيقه او خمسين ثانيه لازم تسوي 40 عشان الدرجه الكامله
3- الوثب:يعني نقز مترين واربعين سم لازم تنقزها عشان الدرجه الكامله
4-اختبار سرعه :من اول الصاله انت والمدرب اخر الصاله يبغاك اول ما يصفر تعدي بكل سرعتك
الين توصل المدرب يبونك تجيبها في 7 ثواني طبعا كل واحد له مدرب عشان يحسب الوقت
5-اختبار الهروله:تدور حول الصاله دورتين ونص اعتقد انها ثلاثه كيلو في وقت معين بس مدري كم.
هذا كل اللي يبونه عساالله يكتبها لي اذا فيها خيره
ملاحظات: المعرفان على امك وجدك لا تحط اخوانك ترى لازم تغيرها
اربع صور 2 في الملف 2 برى الملف
درجه اختبار اللياقه 100 درجه موزعه
النتائج تطلع 16/9/1432 الفرز النهائي
لا تنسوني من دعائكم
الله يكتب اللي فيه الخيره
تكفون دعوه
|