هنا سوف نقف عند احد قصائد هذا العملاق , قصيده لا نمل قراءتها لقد نالت اعجاب كل الناس فى كل مكان ..
اليكم القصيده واليكم الشاعر الكبير سعد بن جدلان ...

ياذا الجلال اللي عروشك فوق واملاكك حدر = ومهما تسامت به عروشه مستحيل يطولها
ياحي ياقيوم يا ذا الانافه والكبر = ما نافسك فى عظمتك مكر العباد وهولها
وما نافسك من عمر بيوته على سطح القمر = واللي ترسي فوق اقاليم المياه اسطولها
ماانته بحاجه من عبد ولابحاجه من كفر = ولا بحاجة ثابت الدنيا ولا منقولها
ياذالجبروت العظيم ويالقدير المقتدر = تفزع لنا فى معضلات ما نريس حلولها
تلعب بنا خلان فرغتنا كما لعب الكور = ان اقبلت صاحوا لها وان ادبرت صاحوا لها
لا هبنا الطايف بعض الاحيان فى فية عصر = شهب الليالى من ورانا يسحبن ذيولها
انت السلام اللى لك الاسلام وانت المشمخر = اللي عجايب قدرتك فى المعجبين ذهولها
سلام يا محمد رسول الله راعى الوجه الاغر = وسلام ياروح ملائكتة السما صلوا لها
سلام يابوبكر يا عثمان ياعلي وعمر = وسلام يا سبع الافاق اطلالها وسفولها
سلام يا صدق النوى سلام يا وسع الصدر = سلام يا مفتاح بيبان الفجر وقفولها
وسلام يا شمس الضحى تشرق على بر وبحر = وتشرق على كل الديار جبالها وسهولها
وسلام ياغر السحاب اللى تبجح بالمطر = وسم الجبال اللى تبجح بالسحاب قذولها
وسلام يا هوج الرياح اللى عطاها مستمر = مهما خذو منها من الحسنات ماردوا لها
ليت الرحاب اللى لنا بوجيهها حق وقدر = ماتضمحل من الزمان ولا نشوف سمولها
ويا ليتنا لل ما سرحنا اليوم الابيض من فجر = تبطي عباة الليل ما ماتضفى عليه سدولها
ولا ليا منها ضفن سدولها يطلع بدر = ياصل ضياه اللى على الكوره تطق طبولها
المعتبر يا خذ على الدنيا دروي من العبر = والناس يكسبها معاملها بقد عقولها
احيان تصدف لعبة الشاطر مع غلطة عمر = مره .. لكن لا عدت الغلطه ماعاد ينولها
حنا عرفنا كلنا ماطال من شي قصر = والاحلام ماتوا قبلنا شرهين ماوصلوا لها
حتى الجمال اللى تحملها الهقاوي بالصبر = يا الله بحملتها تقوم وتدرج بحمولها
والحب سيسان العباده والعباده بالجهر = ان ماقدرت تقولها وجه الصحيح يقولها
يسرون عميان المحبه تيه فى غدر الغدر = للي تحد سيوفها واللى تعن خيولها
ولا تفكر فى غناة ولا تفكر فى فقر = وتشفع لبيضان الصدور حضوضها وفعولها
واهل التكلف بالمعرفه والتصنع بالبشر = والله ماهى حلو الصحيح ولا الصحيح بحولها
اللي يفضل مايقيم بوميه من بو عشر = حتى الفضوليةعن الفاضل بطل مفعولها
اللى تخبر لحيته ذا طولها يصبح بزر = واللى تخبره بزر لحيته ذا طولها

ليت الرحاب اللى لنا بوجيهها حق وقدر = ماتضمحل من الزمان ولا نشوف سمولها
ويا ليتنا لل ما سرحنا اليوم الابيض من فجر = تبطي عباة الليل ما ماتضفى عليه سدولها



الله...

والله مبدع يابن جدلان..

وهذا انا اشوفه في قناة الصحراء

رائع دوماً " عاطل عام ترمس "

" سلمت يمناك "

ساقتلش ساقتلش

يسلمووووووووووو ع المرور

ابو ترمس

يسلمك ربي على النقل

الله يعطيك العافيه على المرور

ولا تفكر فى غناة ولا تفكر فى فقر = وتشفع لبيضان الصدور حضوضها وفعولها
واهل التكلف بالمعرفه والتصنع بالبشر = والله ماهى حلو الصحيح ولا الصحيح بحولها
صح لسان الشاعر وسلمت ودمت على النقل الرائع

يسلموووووووووووو ع المرور