ماحصل بالتفصيل في معهد حرس الحدود بالرياض

رهينك فديتك · #1 (**permalink**) 11-07-2011, 12:39 AM

السلام عليكم ورحمة الله وبركاته
كيفكم جميع عساكم بخير

انا مثل ماوعدتك نزلت هالموضوع واتمنى تحصلون منه الفائده

أول ماجينا وقفنا عند الباب ولا فتحو لنا للدخول إلا تقريباً 7 الصباح
دخلنا .. اول شئ على مبني القبول والتسجيل .. نادونا بالاسم واحد واحد كنا كلنا الموجودين 71 شخص
خلصنا .. اخذو مننا طبعا الشهاده الثنويه .. و3 صور شخصيه .. وبطاقه الاحوال والحمدلله فكني الله من سؤالهم على السلوك الشهاده الاصليه لأني مضيعها ..

طبعاً بعدين اتجهنا .. للمبني الثاني .. حق الشرطه العسكريه سوو لنا تحليل للبول وانتم بكرامه .. وبعدين رجعنا .. دخلنا القبول والتسجيل .. طبعاً بعض الشباب .. ازعج شوي وتضايق مننا الرقيب وطلعنا برى .. عشان الصوت العالي

رحنا للمنصه

وبعد تقريباً ربع ساعه .. دلخونا واحد واحد بالعدد .. على الرقيب .. عطانا .. ورقه للجهه التعليميه اللي هي اداره التعليم او المكان اللي اخذنا منه الشهاد الثنويه .. وخطاب بعد للأحوال .. على الساعه 1 ونص الظهر طلعنا

اشد مامر علينا هي القعده بدون مكيف وسط الحر بس يعني تضايقنا شوي ومشت الامور ووعدونا الثلوث في مستشفى قوى الامن فالملز فالرياض ..

دعواتي الصادقه للجميع بالتوفيق .. إن شاء الله ودعواتكم لي اني انقبل في الدفاع المدني ان شاء الله ..

تحياتي لكم جميع وموفقين خير

م يصير · #2 (**permalink**) 11-07-2011, 12:52 AM

[align=center]م أعطوكم ورقة للبصمات ؟!![/align]

رهينك فديتك · #3 (**permalink**) 11-07-2011, 12:56 AM

[align=right]
لا لا الظاهر تجيهم بعد عشر ايام ويعطونك البصمات فيه قالو لنا دفتر بينزل فالموقع نعبيه ونوديه للعمده فالشرطه ونجيبه اتوقع مع الاوراق نلقاه الاسبوع الجاي
[/align]

كنق الدخل · #4 (**permalink**) 11-07-2011, 12:56 AM

الله يعطيك العافيه اخوي وانا موعدي يوم الثلاثاء في الرياض والله يسهلها

امنيات مواطن · #5 (**permalink**) 11-07-2011, 01:08 AM

بيض الله وجهك

وكان كلآمك واضح عزيزي وشرحك مفهوم وميسر
بعض الاخوان ماقامو بشرح بالتفصيل حتى نرتاح ونعرف تفاصيل ذالك
على العموم فالك القبول وان شالله ننقبل سوى وبدوره وحده

اتمنا لك من قلب صادق بالتوفيق بكل ماتتمناه يارب
وبالنسبه للدفاع المدني يالغلا رزقك مكتوب من قبل ماتولد ولين تموت .. انت افعل الاسباب ورزقك بتاخذه سوى كان في الدفاع المدني او الحرس كلها فيها الخير والبركه اخلص النيه مع ربك ووبتتووفق

تحياتي لسموك واسف ع الاطاله بس كلمة من اخه لآخوهـ

كنق الدخل <=-خخخ يالبا قلبه الريس رقيب هاه يويلك تجازيني ولد جاركم ^_^ بالدخل وموعدي يوم الاثنين

بالتوفيق للجميع وفالكم القبول يارب

ميريل رادوي · #6 (**permalink**) 11-07-2011, 01:54 AM

حياك الله يالذيب

اوراق البصمات ماعطونا

والبيانات اللي بالموقع نزلوها ادخل ع الموقع ومكتوب طلب التحاق اظغط عليهــا

نفس الموعد يوم الثلاثاء بمستشفى قوى الأمن

بالتوفيق للجميــــــــع

جدو مكة · #7 (**permalink**) 11-07-2011, 01:59 AM

ياخوي باقي بس سوال لوسمحت الشهاده الاصل تركتها عندهم ولا بس للمطابقة

لقوه العاشره · #8 (**permalink**) 11-07-2011, 02:06 AM

مشكووووووووووووووور أخوي
بس بسالك لازم تجي محلق و إلا عادي
ودعواتكم لي بإجتياز الكشف الطبي بحرس الحدود

ميريل رادوي · #9 (**permalink**) 11-07-2011, 02:09 AM

بالنيابة عن صاحب الموضوع

جدو مكة الشهادهـ الأصل مايطلبونها

.................................................. .........

لقوة العاشره

مو لازم تحلــــــــق