12-07-2011, 11:21 PM
|
عضو نشيط
|
|
تاريخ التسجيل: Dec 2010
المشاركات: 117
معدل تقييم المستوى: 28
|
|
مشكلتي مع شركة المصباح
السلام عليكم ورحمة الله وبركاته
بصراحه ماجيت اكتب الموضوع الا من القهر ابي افضفض بس
انا قبل سبعه شهور قدمت على وظيفه بشركة المصباح وقبلوني ولما رحت اوقع العقد قالي روح للمكتب
الفلاني وادفع 500 ريال قلت مو مشكله رحنا ودفعنا الفلوس ووقعنا العقد براتب 2000 ريال لمدة ثلاث
شهور مخصوم منها 180 تامينات اجتماعيه وبعد ثلاثه شهور 3000 وقالو لي بعد ثلاق شهور تبداء تاخذ عمولات
على المبيعات ..... وقال روح اشتري هذا الزي وروح المطار وداوم
المهم سوينا كل شيئ ورحت مطار الملك عبد العزيز وطلع اسمي بصالة المغادره المحليه ....
كان دوامنا 10 ساعات قلنا مو مشكله ... اول شيئ اكتشفت انه مافي شيئ اسمه تدفع 500 علشان
توقع العقد قلت مو مشكله يمك لني جيت عن طريق مكتب خليني ارسل واحد من الشباب على الاداره
لكن تفاجئت انه يقوله روح للمكتب هذا وادفع 500 وتعال .......!
مر اول شهر ... مع المضايقات من مشرف مصري عنده عنصريه من السعوديين بشاهادة الجميع
مر الشهر الثاني وفي نهاية الشهر الثالث كان عندي القسم واحد مصري صاحب المشرف
انسان لايطاق كنت اشتكي للمشرف من اهماله ... وكل يوم المشرف يطلع لصاحبه عذر
الا ان جاء يوم وقلت له انا ماراح استلم القسم منه الا مثل ما انا اسلمه له ... وتكلمت وطالبت بشيئ من
ابسط حقوقي لما المشرف شاف انه ماعنده رد قالي راجع الاداره انت موقف عن الدوام
طلعت من هنا جاني خبر ان المشرف اتصل بالاداره وقال لهم هذا الموظف غلط عليه ورفع صوته قدام
لموظفين والسعوديين ماهم حقين شغل .....
رحت الاداره للمسؤول عن المووضفين وللاسف انه سعودي
قالي انت موقف عن العمل .... وآنسى المطآر رآح آنقلك للمواقع الخارجيه ... وكل هذا بعد ماتعتذر للمشرف ... + آنذار وخصم خمسه ايآم
قمت ورحت للي اعلى منه سوداني .. وشرحت له كل الحكايه وماقصر ردني المطار لكن بصاله ثانيه رجعت للسعودي وقالي خلي الاداراه لي رحت لهم ينفعوك مردك لي ...
الحين خلصنا الثلاثه شهور .. يفترض ان الراتب 3000
نزل راتبي 2000 وخاصمين منه خمسه ايام + التامينات
اتصلت بالاداره قالو المسؤول عن السعوديين نسى مايرفع عقدك للمرحله الثانيه لكن الشهر الجاي ينزلك الي لك مع الراتب الجاي
بعدها الملك طول الله امر بدعم من الموارد البشريه لكل السعوديين بالشركات
صار الراتب 4500 مخصوم منه 300 تامينات
نزل لي الراتب الجديد لكن بدون ماينزل الي انخصم مني بالشهر الي قبله
اتصلت على المسؤول عن السعوديين ولكن تتوقعون وش رده ...؟
قالي خلاص عوضناك عن الخصم بالرواتب الجديده .. قلت له كل السعويين اخذور رواتب جديده مو بس انا
انا ليه حق عندكم والراتب الجديد ماله دخل بالتعويض قال روح للاداره ...
كلمت الاداره قالو المسؤول الي وعدك باجازه ... قلت الله يعوضنا
طلبت نقل لينبع علشان اقرب المسافه لاهلي ولو شيئ بسيط قالي المسؤول عن السعوديين مافي نقل الا بعد الموسم الي هو بعد الحج
قلت يالله مو مشكله جددت اجار الشقه لمده ثلاث شهور وامورنا صارت طيبه بالصاله الجديده الي نقلت فيها
لكن تفاجئت بعد اسبوعين من طلبي للنقل يتصل المشرف ويقول خلاص جمل الله حالك نقلوك ينبع ...!
بصراحه رغم اني راغب العمل بينبع الا ان الطريقه كرهتني فيه
واضج جدا اسلوب تعاملهم معي انهم يبغوني افهمها من نفسي واقدم استقاله
بصراحه ماني عارف وش اسوي احس الدنيا ضاقت بي
|