اخوي انت شهادتك تخصص ( ادارة مواد ) يعني تخصص مو شهاده عاديه مثل الابتدائيه والمتوسطه والثانويه

احيانا تنزل وظائف بمسمى عامل وسائق والكل يقدم بشهادة دبلوم وجامعه عشان يمسك وظيفه

انت تذكر على اي وظيفه مقدم > اذا مقدم ( على عامل او سائق ) فلهم الحق انهم يطالبوك باقل شهاده عندك لان الوظيفه ما يتطلب فيها شهادة دبلوم بعد الثانويه والسبب الثاني عشان ما يعطوك مميزات حامل دبلوم بعد الثانويه
لان الوظيفه يتطلب فيها شهادة سادس فقط


* اما اذا انك متاكد انك مقدم على وظيفه طالبين فيها دبلوم او تخصص ( ادارة مواد ) اللي هو تخصصك وجا الموظف قالك احنا نبي شهادة سادس وبنحط على وظيفة عامل

لازم تكلمهم وتشوف الحكايه لان تدخل فيها واسطات الشغله ومثل ما تعرف وظائف البنود ما تدخل فيها الخدمه المدنيه ويقدر مدير الوزاره يستحدث وظيفة ( عامل ) ويحطك فيها ويعطي وظيفة الدبلوم لولد عمه


في الاخير انت كلمهم واذا ما نفع معهم توكل على الله واحتسب بعد مافي اليد حيله ، الواسطات الظالمه وما تسوي

وعليكم السلام ورحمة الله وبركاته

اخوي طلبوها منك لان الوظيفة المتقدم عليها انت , تحتاج مؤهل ابتدائي فقط , لاتنتظر منهم تقديرك بالشهادة المتوسطة او الثانوي او معهد الادارة , شروط وظيفتك الابتدائي فقط .

والله يوفقك

اخووي الله يوفقك ,,

انا قدمت عليهم من فتره طويله بالثانوي واتصلو علي شهرين وشوي تقريبا وسويت مقابله شخصيه
وقدمت شهادتي دبلوم حاسب الي شبكات واقبلوني على وظيفه بمسمى عامل بس انت ماراح تشتغل عامل ولاهم يحزنون بتشتغل اداري انا انقبلت فيها على وظيفه مستخدم مرتبه 33 ومسمها مثل ماذكرت عامل
خلصت اوراقي وكشف طبي ورفعوها للرياض
بعدين اتصلو علي قالو جيب شهادة الابتدائي لان الوظيفه اصلا للي معاه شهادة ابتدائيه
لكن انا ماانقبلت الحمدلله والشكر على كل حال ,, لان من شروط المستخدمين يكون عمره 25 سنه وانا عمري 24 سنه
ردوني علشان كم شهر بس الحمدلله انا موظف بقطاع خاص مازعلت
اللي يجينا خيره واللي يروح عنا خيره ,,
لاتتردد وافق واذا جاء تثبيت بيقوول لك هات اخر مؤهل دراسي وتنحسب لك خدمة كل 3 سنين بمرتبه
يعني بتصبر بيجيب شي يدسم شاربك وانا اعيد وانصحك لاتترد اسمع كلامي وتوكل على الله
وانت مو خسران شي اذا جاتك وظيفه احسن منها اتركهم

الله شاهد على كلامي مااقوله لك الا ابي مصلحتك

اتمنى لك التوفيق