موضوع مثبت : سمعت صوتا يناديني وفز قلبي وضلعاني

وثيقه متلحفه · #1 (**permalink**) 15-07-2011, 11:21 PM

[ALIGN=CENTER][TABLE1="width:95%;"][CELL="filter:;"][ALIGN=center]

لاسلام ولا كلام اصلاً انا اعرفكم عشان اسلم عليكم انتم تعرفوني يوم تحتروني اسلم عليكم
ايه بس هاتوا الفحم ان ماكان به فحم حطب مابه حطب عرفج جعله يشب بوجه الي مايرد على الموضوع <باين متفول ع وجهه وجايه تحط حرتها هنا

نوسه افتحي الشنطة وطلعي الراديوا وحطي على اف ام وارفعي الصوت حتى اعرف اسولف ولا وقسم اعزم واطلع من ماكان ماجيت ( ياخالة هوني محد درى عنك

)
افتحي جيب الشنطة تلقين معلاق ملابس انشبيه بالراديوا يصفى الصوت

هاانا اعود لكم بعد غياب اربعين شهر وعشرة ايام وستين ساعة < عدة نفاس

وش هالنفاس الي عدتها اربعين شهر حشى لوانها حامل بعير مااعتدت هالعده كلها بس هالكلام عندكم اما العبيد النفاس عندهم اربعين شهر التسعه الشهور الاولى يتكون الجنين وتسعه شهور الثانيه تتكون عنده حاسة الطرب هالحاسة بالخوال وتسعة الشهور الثالثة يتثاوب وهكذا لين يطق العداد اربعين شهر عشان شذي مايطلعون من بطون امهاتهم الا قد خلاص انحرقوا حرق وانشوت جلودهم

وعلى طاري النفاس ياان يجيهم رزق هدايا وفلوس وخاصةً لوكانت بنت ماتشوفون غير الذهب يتلامع وكل حرمة تتحدى الثانية بالهدية وهي كسبناه ماالوم عبدالعزيز يوم حط 35 ولد غير البنات الي ماجابوا طاريهم بكتب التاريخ وغير الي مو مسجلين شاف الخير من ورا هالولد اصلا وش الي يخليه يكون جيش بسرعة البرق من الخير الي جاه لوانه عقيم ماكان طلع له صوت .... طوووووووووووط.....< ايه احسن شفروني ولا اجيب العيد

وين الترلات اقشعوا الستاره خلوني اشوف وجيهم ويشوفون وجهي السموح وشلونكم وعلومكم يالوجيه الودره الله يقلع ابليس ناسب بحلقي اقصد يالوجية الطيبة كيف امسيتم واصبحتم وعوصرتم وظوهرتم ومغربتم .. يالشعب البطالي الملاحيس الحاضر يسحب الغائب معه انني هنا ورافعة سيف الامة والسبابة والابهام علامة لنصر والانتصار والفوز والانتقام ..ويمديني اقص رقاب .. واقطع كراع .. واسيل الدماء .. واخطف البيضان < عقدتها هالون

ولا اقول ارجعوا وشفروني اشوف عيال الكول متوسدين اخاف يتمقلون بخشتي وتجيهم ازمة قلبية
وانا داخله ابي اعلمكم بسالفتي وابي افضفض ماني ناقصة صرعات بشرية

قبل اسبوع امي جابت رقم جاويه من خويتها تمرخ وتسوي كبوس ومساج ونطلت الرقم عليه وقالت كلميها خليها تعالج هالنوم لودروا عنك الشعب السوداني لك شهور ومخاشرتهم ومتحديتهم بنومهم لاينتحرون وبيعرفون مالهم داعي بالحياة دام جاء من تحداهم

كلمت الحرمة يوم السبت قالت ايش يبقى يسوي كبوسي ولا مرخي <قصدها امرَخ انا اكتب ع لسانها الاعوج

قلت تعالي انتي وشوفي جسمي وش يستاهل يمكن يحتاج لمسحة يد كان تقول انت من فين جيب رقم كنت ارد قلبي جاب رقمك سكتت ولاحرف حتى نفس يوم شفتها انخرشت ماطولت بلكاعه علمتها من عند ام بدر ع طول ضحكت الشلبه ام بدر زبون كويس ام بدر وانفكت عليه وهي تمدحها اه يالخسيسه اثرنها شكت بأخلاقياتي وكانت بتقفل الخط قلت حتى انا زبون كويس كان تقول ان شاء الله

قلت طيب متى تجين كان تقول مدام ثلوث الثلوث عندنا زواج وانا ماني رايحة بس شذي قلت لها لا تعالي الربوع كان تقول انا جحمه (زحمة) بعد محاولات وافقت تجي الربوع

ويوم الثلوث اهلي راحوا الزواج وانا مارحت ااعقلهم < بالحيل ماطرحك غير النوم

واتصل ع اختي الساعة وحده قلت لها بماانك طفشانه تعالي عندي ونص ساعه وووصلت هي وفرقة حسب الله وعاثوا بالارض الفساد قلبوا الكراسي صارت صالتنا تقول مخزن اثاث رحمتهم وخليتهم ياخذون راحتهم كون الحياة فرص وباين الكبت عليهم وهاليوم فرصة وعيد عندهم امي ماهي بالبيت يطلعون مواهبهم

ع الفجر ابوي يوم شاف هالتمرد بيجي بأسلوب لهم بيوقف هالشغب قال هيا نطلع نفطر بطايف ماتشوفون غير غبرتنا وقوة تصادم دخل كم العباية بيد الباب مابغيت اخرجها نسبقه بسيارة هو قالها زلة لسان وتوهق تحمل غلطتك فيه احد يزل لسانة عند ناس مشفحه ماانسى نظراته يطالع فينا بيتكلم بيعلمنا انه يمزح بس مابه فرصة ناس يجرون عن يمينه وعن يساره والي يحبي تحت رجله والي تعلق بمطاط صرواله لين زطه وظهرت احشائه يوم شاف ان حياته مهدده بالانقراض لبس ثوبه وشغل السيارة وانطلقنا مسكتنا اشارة ونقابل امي هي رايحة البيت واحنا موديعنه وابوي يرسل لها نظرات ندم ولسان حاله يقول ليتني قضبت ارضي وقعدت عانس ولا اني معرس عليك مخلفة لي عاهات

وامي تنزل برقعها وعينها محمره اظن ام الدواهي بخت العطر بعينها ماتبيها تقزها بزواج اكيد انها مرتكبه ذنب وتبي تاخذ راحتها وترسل نظراتها لشايبها وتقول اه يالكراع الضامي نسيت يوم
تمرّ من عند بيتنا وتكتب براس الجبل انا لك وتشخط شخوط ( يقولون ماهي بي شخوط كان صاف له حجاره )

وهم يسترسلون بالعتاب دقت البواري الاشارة خضرا وكلن ومسك طريقة

وصلنا الهدا وع الساعة تسعة جوالي يرن وبه رقم غريب وارد قالت سلام قلت وعليكم السلام قالت مدام انا كوني قلت واناطوني واضحك <معوقه خخخخخ
قالت ايوا انا كوني ربع ساعة انا عند الباب وكنت اقول لها ربع ساعة كثير خليها عشردقايق ووتلقيني تحت الكوبري اصفق بالغواشي < يمين معوقه خخخخخخخ
احسبها وحده من بنات عمتي تستهبل عليه نسيت اني مواعده الحرمه تجي الربوع

مافهمت مني ولا هرجه كان تكمل كلامها ..حمي زيت زيتون هطي بعلبه وسكري قوة كنت اقول ليه احط زيت زيتون ماينفع احطك واسكر عليك كان تقول كلاس امي انا دقيقه عند البيت وقفلت الخط < يحق لها الله لايلومها

ويوم صكرت وهم يسالوني من هاذي كنت اقول هاذي وحده من بنات عمتي طلعت رقم جديد والخبلة تحسبني مو عارفتها
لاابو من علمك تفكريني تكفين لعد تستذكين ومسويه عمرك انك قافطه ومحدن يضحك عليها

كان شوي وترجع تتصل وابوي اخذ ورد عليها ع اساس انها بنت عمتي كان تقول انا عند الباب قلها وانا فوق الشجرة
يوم سمعت صوت رجال وهي تقفل الخط
وتتصل ع ام بدر مدري وش قالت لها المهم اتصلت ام بدر ع امي قالت افتحي الباب كوني برا.. فتحوا الباب لها ودخلوها
وارسلت امي الشغاله تناديني يوم راحت مالقيتني امي على بالها انا بنوصل اختي بيتها ونرجع ماتحسب انا طالعين الهدا
و جابت العصير للحرمة بتلهيها تحسبني بالحمام قالت الحين تجيك وترسل الشغالة نوبتن ثانية وتقول مافي ماما كل غرفة حمام مافي يوم اتصلت عليه وانا الي اصدمها واعلمها اني بالهدا وتاخذ هجمة مرتدة وقدرت تتغلب ع هالهجمه بعد ماعرفت وقالت بنبرة حاده تنزلين الحين تبي تفجعني بس ماش القلب ميت و الجو يرد الروح

واعلمها محنا نازلين الا الظهر لي وجهه ارد خخخخخخخ قالت طيب

احسها قالتها وراها طامة ناوية علي بنيه وكان تتفلت عليهم كوني يوم درت اني مو بالبيت اعطوها مية ريال يسدون نحرها قالت خلاص بكره تعالي ومسويه انها زعلانه جاوية ابليس رفضت رفضاً بائن انها تتطب بيتنا واخذت بخاطرها امي وعدتها بكره من فجر اربطها هالسلق

وقعدت افكر وافكر وافكر وافكر وافكر < ماعمري شغلت عقلي وكرفته بتفكير مثل ذيك الحزه
ورجعت افكر افكر وافكر < لين طلعت رسالة جميع خلايا العقل باجازة ففراقينا

ويتحطم قلبي بعد هالطرده قلت مابيدي غير الدعاء كيف وقعدت ادعي ماتعلم امي ع التهاويل الي سويتها معها

لاتردون لين اخلص سالفتي

< وقسم مولايق ياخاله خخخخخخخ

[/ALIGN][/CELL][/TABLE1][/ALIGN]