بسم الله الرحمن الرحيم

فكرة مشروع فساتين سهره واكسسوارات

ابي مساعدتكم وأقتراحاتكم وتوجيهاتكم اذا ممكن

فكرة المشروع بدأت من فستان زوجتي الي تعبت فيه ودفعت فيه مبلغ 2500 ريال

كان الموديل من الانترنت اتفقنا مع ابو يمن مدير المعرض الي ماسك 4 معارض كلها فساتين سهره .. القماش من الأورجانزا و التفته بس مع فصوص وأكسسوار فقط قالي سعر قماش الأورجانزا المتر 70 ريال لكن .....؟

طلع فيه اخطاء ورجعت اتصايح مع ابو يمن الين عدله زي ما ابي طلع كلام كبير
وفي نفس الفتره جلست اخذ معلومات من ابو يمن الي في المعارض

سالته كم يسوى هالفستان قال لي من 1500 الى 200 ريال انبسط لانه قريب من السعر

سالته طيب كم سعر القماش قال لي والله المتر 5 ريال ههههه انصدمت قلت طيب ليه يغشني مع انو قالي المتر سبعين ريال من العيسائي قال والله انو كذاب بس هو يحسب أجار المحل من الفستان

المهم قلت عوضي على الله هو كله ليلة واحده وينرمي بالدولاب

المهم من وقتها حبيت هالمشرع وفكرت فيه بجديه وابي مساعدتكم الي عنده خبره

اما الأكسسورات يوم شريت أكييورا عباره عن طوق وعقد ومعضد وحزام كلفني 600 ريال
وهذا قليل في ظل اسعار الذهب

سالت برضه ابو يمن صاحب المحل قال لي مشروع ناجح تقدر تنزل بضاعه بـ80 الف ريال وبدفعه 10 الاف ريال وتسدد على دفعات اقل شيئ 200 ريال وهذا يعتمد على شغلك وتصريفك للبضاعه


انا اشوف المشروع ناجح بس يبي له تكتكه وياليت ما تبخلون عليه

1- كيف اعمل دراسه للمشروع
2- راس المال كم البدايه

والله كل المشاريع اللي تتعلق بالحريم ناجحه 100%

وانا مثلك نفسي اعرف من وين يجيبون الفساتين حقت السهرات لاني فكرة افتح لي محل فساتين سهرات بس ماادري من وين يجيبون الفساتين

وانا سئلت يماني صاحب محل ورايح يخفي علي ومايبي يعلمني بس اللي فهمته منه انه يتعامل مع صاحب مشغل ويفصل له على الموضه واذا بغا تعديل يعدله له على حسب مقاس الزبونه

واتوقع ان المحل يحتاج لمبلغ كبير على حسسب الفخامه في الديكور واتباع موضات الفساتين

الله يوفقك ودي اساعدك بس انا محتار مثلك

والله لو عندي سيوله كان سويتلي محل

شد رجلك ع الصين مصانع النسيج اديهم الموديلات ويخيطولك نفسها وتسيرلك ماركه لك انت بس

ولا في اشياء تنباع بالجمله

يطيحلك سعر الفستان 120 بالكتير 300

موفقة بإذن الله ...

ومشروع حلو وممتاز

كراً لكل من شارك بموضوعي

وأطمح للمزيد من المعلومات من اصحاب الخبره

أحترامي

موفق بإذن الله ... لك مني أجمل تحية .

هلا اخوي حياك ..

بالنسبة لاستفسارك انا واحد من الشباب في دولة خليجية قرر يفتح محل اتصل علي وقال عبدالعزيز ابغاك تسأل

عن الفساتين عندكم بالرياض جمل كم سعرها قال ابغا شي نعومي انا قلت في نفسي مافيه الا اسواق مكة عندها

فساتين سهرات وممكن يدلوني على الجمله وبالفعل رحت لهم ودلوني على الجملة وهي كانت في الدور 2 و 3

وبالفعل محلات كثيرة حصلت طبعا اولا واخيرا هي اذواق بس انا لقيت فساتين سواريه ناعمه مررره بدون مبالغه

ياشباب اسعارها برا ماتقل عن 250-300 هذا على الاقل مررره لقيتها بالجمله على 130 وشي على 80 طبعا

تختلف الكميات لان مشكلتهم تفرق لازم تاخذم درزن والغريب الدرزن عندهم غير هي انواع يجي منه 12 حبه

وشي 16 وشي 20 وشي 25 وبالفعل بتلقى خيارات كثيرة والحمدالله جا صاحبنا ولقينا محل وراعي المحل بيض

الله وجهك قال لنا خذو واذا مامشت بضاعتكم خلال 15 يوم رجعوها لي طبعا هو راح يشحنها لخويي برا السعودية

وعلى حساب راعي المحل اعتذر عن الاطاله بس قلت شي مريت فيه وانقله له وانا حاظر لاي سؤال

مشروع جيد واتوقع استغلال المواسم وتحضير البضاعه قبل كل موسم يسهل عملية البيع

المشروع ممتاز
ويكسب ذهب
لكن يرجع لمهارة الخياطه واسلوب صاحبة المحل

شكراً لكم جميعاً

واتمنى من الله لي ولكم التوفيق

واطمع في مزيداً من المعلومات والخبرات


أحترامي