02-09-2011, 10:33 PM
|
عضو مهم جداً
|
|
تاريخ التسجيل: Apr 2010
المشاركات: 605
معدل تقييم المستوى: 3680
|
|
وعليكم السلام ،،
1- المواد اللي تدرسها
كتابين فقط .
1- Taking off Beginning English
Taking off ( Work Book ) 2
هذولا الكتابين خاصيين بالمستوى المبتدأ فقط اما كل مستوه كتبه تختلف عن المستوى الآخر .
2- كم ماده تدرس وهل يختلف عددها من مستوى الى اخر
كل مستوى كتبه تختلف عن المستوى الآخر
كتابين فقط ،، والمحاضرات 6 محاضرات موزعه على الشكل التالي
1- قراءه
2-كتابه
3-استماع
4-قواعد
5-تحدث
6-مناقشات
محاضره المناقشات/ هذي المحاضره القاعه الوحيده الي كانت تدرسها قاعتنا فقط ^_^ طبعاً هذي المحاضره ممتازه جداً جداً لك يعتمد على مدرسكم باقي القاعات مادري كيف كانوا يدرسوها اما قاعتنا استاذنا ذكي جداً قال اخليها لكم مناقشات يعني سوالف لان المعروف ان آخر محاضره تكون ممله وكل الطلاب نايمين ههههههه فخلاها نقاشات علشان الكل يكون مبسوط ونشيط .
نبذه عن محاضره المناقشات : تكون على شكل اسأله عن حياتك يسألك عن طفولتك ولين طلعت من الكليه ايش بتعمل وليلة الخميس والجمعه وين بتروح طبعاً اغلب الشباب يقولوا في الكورنيش هع وفيه نقاشات عن المجتمع السعودي ليش الحرمه ماتسوق سياره عندكم ويسألك هل انت موافق على قياده المراءه للسياره طبعاً اغلب الشباب الي معانا رافضين فكره قياده المراءه للسياره ههههههه ونقاشات عن التعليم في السعوديه ليش الطلاب السعوديين يتخرجون من الجامعات ولا يعرفون انجلش ونقاشات حلووه ويقيس مدى تفكير الطالب وكيف تقبله للطرف الاخر ..... إلخ محاضره ممتازه جداً جداً كلها سوالف وقياس للتفكير .
3-طريقة تخاطبكم مع الاساتذه وكيفية وصول المعلومه اليكم
طريقه التخاطب يعتمد عليك فيه طلاب قبل لايدخلون البرنامج عندهم معلومات خفيفه في الانجلش فراح يكون التخاطب سهل نوعاً ما عندهم ،، حتى الي ماعنده معلومات خفيفه في الانجلش مع مرور الوقت راح يتعلم وشوي شوي بتشوف نفسك تتكلم وتبدع بالانجلش اتذكر طلاب كانوا معانا مايعرفون شي في الانجلش شوي شوي شفتهم بدوا يتكلمون انجلش ويسولفون مع المدرس بالانجلش وصارت الامور اسهل لهم قبل البرنامج وطلعوا من البرنامج برصيد جيد جداً في الانجلش .
من ناحية توصيل المعلومه : درسنا انجليزي من متوسط الين تخرجت من الكليه التقنيه ولا اعرف شي في قواعد اللغه الانجليزيه والي درسونا كلهم عرب ويتكلمون اللغه العربيه ، ولما تخرجت من برنامج اللغه الانجليزيه فهمت اغلب قواعد اللغه الانجليزيه والمدرس امريكي ، فهمت قواعد اللغه الانجليزيه من الامريكي ولا فهمتها من المدرس العربي . ولذا يقولك افضل طريقه للتعليم هي المخالطه خالط الاجانب تتعلم بسرعه فكرت البرنامج ممتازه جداً لو كان المدرسين في البرنامج عرب كان مادخلت البرنامج شفت المدرسين امريكان اخوي قال لي ادخل البرنامج وصدقني راح تتعلم وفعلاً كلامه صحيح دخلت البرنامج وتخرجت منه والان استطيع التكلم مع الاجانب والحمد لله .
4-الصعوبات التي تواجهونها
مافي اي صعوبه ، الي يواجه صعوبه في البرنامج هذا الشي بسببه هو ادرس واذا رجعت البيت راجع الي درسته ويفضل يكون عندك قاموس الكتروني للترجمه لمساعدتك في ترجمه الكلمات الي ماتعرفها .
5-ماهو الزي الذي تلبسونه
الزي الرسمي هو لبس الكليه قميص ابيض وبنطلون اسود وجوتي سوده .
همسه : يفضل يكون عندك دفتر 200 صفحه علشان تسجل الي يكتبه المدرس على السبوره وتتابع معاه وكل كلمه جديده سجلها في الدفتر وترجمها .
وان شاء الله تستفيد من البرنامج موفق اخي تحياتي لك
واسمح لي على القصور
|
العرض العادي
