جزاك الله خير وكنت عارف إنك ما فهمت كلامي

لكن حبيبي أنا أشتغلت في شركة حارس أمن راتبي 1800 ريال وشفت أجنبي شهادتة اقل منى وشغال وظيفة أفضل منى وراتبه أفضل مني

وكمان يتكلم علي

مرة قلت للأي تي صيانة الحاسب الالي وانا لي خبرة بسيطة في هذا المجال قلت له أنا لو إني أحسن منك 100 مرة ما يحطوني في محلك

أستغرب منى ما بدي أحط التفاصيل هنا

لكن يا حبيبي هنا يحطموك ويمصوا دمك صح ولا يفكرو فيك


ومعنى كلامك ان كل السعودين يشتغلون

وانا قصدت أن بعض السعودين ما يحب العمل إلى فيه كرف

وأفهمها زي ما تفهمها

هذا هو الواقع إلى انا والملاين شايفة

شكرا لك على حسن ردك لي

أعتقد أن السعودي هو أعطاهم الفرصه إلا من رحم ربي هو يفتح محل له ويقول له أعطيني في الشهر 2000 ريال صار صندوق موارد بشريه

الحل أنهم يقلبونها شركات والموسسات الصغيره يجليس عليها هو أو يجيب عامل سعودي راتب يضمن له الحد الأذنى من الجياه الكريمه

[align=center] أقرأوا مشاركتي عشر مرااااات
فهي الحل الوحيد للموضوع إلي طرح
وأريدكم أن تفهموه تماااااام وأن تجمعوا عليه
وأن نطلب من صاحب المنتدى الله يطول بعمره ويوفقه أن يثبت الموضوع ويناقش تمهيد لرفعه لمقام وزارة الداخلية
لتتظافر جهود القطاع الحكومي
والخاص
بكل أشكاله من وزارات وجوازات وغرف تجارية
لحل مشكلة تفاقم العاطلين
وأن البلد ماراح تقوم إلا بسواعد أبنائها
وش الفايدة نتكلم عن موضوع ونتناقش فيه وتظهر لنا ملامح للحلول
ثم تنسى المشاركة ويضيع الموضوع في دهاليز صفحات المنتدى ويصبح تاريخه (( مغبر ))

ليش مانبذل الحلول ونبدأ نجمع أرائكم وأقترح على مشرف المنتدى تثبيت الموضوع أو وضع موضوع مستقل بأسم (( الحلول الممكن تطبيقها لمعالجة البطالة لدى أبناء وبنات الشعب السعودي ))

وبعدها لكل حادث حديث -----

وترون ياأخواني أنا موظف على فكرة (( عاطل سابقاً )) وأعرف ماتعنيه كلمة عطالة لكن كله خدمة لهذا الدين وشباب الوطن [/align]

السعودي اذكى من اي جنسيه وفيه همه ونشاط ولكن افسم بالله انه محطم
والسبب معروف
على سبيل المثال في جده قبل 10سنوات اي سعودي يبيع خضار في الشارع تمسكه البلديه وتصادر بضاعته
وترك الشغله وبعددها وصلوا اليمنيين وصار يبيعون خضار في الشارع حتى هذه اللحظه ولا احد يقلهم عينك في رأسك
والان جاء السهودي بينافسهم في بلده ولكن مستحيل لان هم سيطروا على الشعله واذا يبيع 10 ريال اليمني يبيع 8

شوف نظام البلد له دور كبير في سيطرة الاجنبي
اتمنى ان يكون هناك جولات يومية واي محل لايوجد به سعودي رغم ب 10 الاف
اغلاق المحلات التي يثبت عليها التستر
مضايقة الاجنبي بحيث كل خمس سنوات يتم ترحيلة عن المملكة ومن بقى يتم سجنه خمس سنوات بدون زيارة وعلى حساب دولته
محاسبة من يتستر على الاجنبي بالسجن والتشهير ومصادر امواله واموال الاجنبي ومشاريعه

ههههههه ولاتنسى المصاريه ششفتهم بـــــ ببسيطا منطقه قريبه من طبرجل شششغالين بالاعلاف فالين امها يجيك المصرري على جيب لكزس ماباقي الا يلبس بششت ولله كنهم ششيوخ انخلس ذهني يوم شفتهم بس ولله يستاهلون عيالنا لاقلت للواحد اشتغل تحرك قال اعوذ بالله كل هالششفحه على الدنيا

اللهم ارزقني وارزق مني

بلدنا فيه خيرررررررررر كثير ولو الواحد يبي ياكل منه راح يلاقي

شوفوا الاجنبي استقوا على السعودي ليش لأن كل شئ يبيه يسوية مافيه مشكل مفية معلوم انا مسكين عاوز اكل عيش

مشتهي فلوس بدي مصاري وعلى الموال

وهو كذا على الطريقة محصل خير وان مسكوة ينادون كفيلة ويسفره مجانا معزز مكرم بدل مايعاقبوة ويصادروا الاموال

يعني الاجنبي لو يصير معه مشكلة مع السعودي اول من بيوقف مع الاجنبي رجل الشرطة ( يعني عشانه عامل مسكين

تحسبون ماله رب اترك عنك نعرف الشباب الله يهديكم ماتخلون احد والا العامل جاي يترزق الله ومتغرب وش له بالمشاكل)
طبعا هذا كلام الظابط خخ والاجنبي مستأنس بالمرة

طيب الاجنبي لو فتح محلات وممكن غير نظامية ولعب واستهتار ولنفرض جاك المراقب حق البلدية بيعاقبة تلقاه يقول
هاااه صديق ما شالله فلوس كثير شغل كويس ويأخذ له بيبسي اذا كانت بقالة

وبياخذ زرادية اذا محل سباكة وعلى المنوال

لكن لو سعودي اول مايدخل ؟؟ بسمك المحل - عندك رخصة -لازم تغير الباب تخليه سحب ومدري ايش من الخرابيط

اكمل بعدين ان شالله