واله الله يوفقك والله المقهى زين بضوابط ولو تكتب الموضوع في الافكار والمشاريع الشباب ما يقصرون

والله ونا اخوك التجاره زينه بس اذا شفة تعقيد البلديه ودك تنتحر

وتقبل مروري

الله يعطيكم العافية

لكن أريد التعمق في

الموضوع أكثر

وشكرا لكم

رأيك هو عين الصواب والأقرب

أخوي تعبت الانتظار

لكن أذا ان أحد له وجهة نظر

يبديها

والله بحكم دراستي اقولك ممكن يكون ناجح بس اهم شي اتباع ما يلي :
1- تحديد الشريحة المستهدفة (جنسية الاشخاص اللي سوف يترددون على محلك)
2-على ضؤ تحديد الشريحة تحديد الموقع(اماكن تجمعهم وسكنهم واماكن اجازاتهم الاسبوعية )
3-الاعلان يكون موجه بلغة الشريحة المستهدفة (مطاعمهم&اسواقهم&اماكن ترفيهم&حول مساكنهم&جرايدهم ومجلاتهم& عند الراجحي للحوالات ضروري بسبب كثرتهم هناك كل شوي يحولون الى بلادهم ) ويكون الاعلان شامل العروض الجاذبة وصادقة مو تلعب عليهم .
4-شراء اجهزة على الاقل 20 جهاز وموب شرط يكون جديد مستعمل نظيف الديكورات تستعين بمتخصصين من نفس جنسية الرواد على المحل ( لاشعارهم انهم في بلدهم الام)
5-تعيين موظف ولا تزعلون مني شباب يكون قادر على التعامل معهم يعني اجنبي هههههه
6- تشيل من راسك الجنسيات العربية والسعودية تحديدا (فلبن-اندونيسيين-اسيا )في الغالب
7-من عوامل الجذب كروت اتصال (مخفضة) وتكون نوعية جيدة وزينة وربحك فيها طيب بدون لا تثقل كاهلهم الى بلادهم وهم الان يستخدمون برامج التشات الصوتي يوميا لاجل مكالمة اهاليهم لاكن اللي اهله ما عندهم جهاز يبي يشتري منك كروت اتصال بفلوس ويستخدم الجهاز بفلوس وتدز علية العامل يشربة شي بفلوس ودوس ههههههه (نوع من خفة الدم )
8-محاولة الحصول على موافقة الى فتح المحل 24 ساعة يعني قبل لا تفتح تسوفي شروط الموافقة لان الغالب يبون يكونون عمال بالتالي ما يقدر الغالب يجيك الا بعد العشاء الى ثاني يوم الصبح
9-ادوات اساسية ثلاجة مشروبات غازية وعصيرات وساخن مشروبات حارة وتخصيص اماكن الى المدخنين وتزود علية بالتالي السعر واماكن الى غير المدخنين الزيادة ريال 1 = ساعة
وايضا سكانر ملون وفاكس
10- اهم شي نظام حسابي الكتروني حق الداخل والطالع يعني كل جهاز يشتغل من عندك والافضل تصلح عروض جاذبة بكروت اشتراك تسجل بيانات الشخص عشان تخلي مسؤوليتك من طريقة استخدامة لا يجي يسائلك احد ومنها تضمن انة يبي يرتبط في المكان لان له فلوس للان عندك يبي يستغلها وكل ما زاد ساعات تخفضلة في رسوم الاشتراك

حددلي انت في اي مدينة وانا ادلك على المنطقة المقصودة

ملاحظة اذا ناوي تفتح المحل وتقعد في العامل نصيحة خل دراهم في جيبك طيب

كيف وش رايك فيني حرام في البطالة صح تخطيط على كيفك ههههههههههه
ابيك تمدحني شوي يوم ترد ههههههههههههههههههههه تحسها الوصايا العشرة خخخ بس باذن الله مضمونة
تحياتي وموفق

أخوي كلامك في الصميم

وباين عليك صاحب تجربة

وتراي ماأستغني عن مساعدتك

أنا بالقصيم ببريدة

وأذا تقدر تراسلني على الخاص

أتشرف بمعرفتك

لا والله ماني راعي تجربة بس راعي ملاحظة حادة ويلفت نظري كل شي تجاري

أخوي أنا بالقصيم

تنصحني في موقع

معين