[align=center]السلام عليكم ورحمة الله

مثل ماهو واضح بالعنوان إللي اترشح بالطب المنزلي إللي بالمدينة المنورة يجي يفيدني

أنا قدمت عن طريق موقعهم واليوم أتصلو عليا وحددولي بكرة بإذن الله موعد مقابلتي الشخصية

مررررررره خايفة وبطني توجعني مدري ليش إمكن عشان أول مره يطلع اسمي بشي ..

بليزززز إللي يعرف إيش الهرجة في دي الشغلة يقولي لأني بس لقيت تخصصي وقدمت ماأعرف إيش مهام

الوظيفة دي ولا كم ممكن يكون الراتب ولأن هادي النقطة مهمة جدا لأني من مكه ولو أنقبلت راح انقل

أكيد..

وأنا تخصصي تغذية وعلوم أطعمة بس عندي مشكلة في الصيفية دي أخدت دورة كامبردج الدولية ودورة

إنجلش بس لسى ماأستلمت الشهايد من المعاهد إيش أسوي ..

الله يسعدكم أفيدوني إن شاء الله بكره بروح المدينة وأنا موعارفة فين المكان ولا كيف المقابلة ولا أي

شي ..

بإنتظار ردودكم ربي يحقق أمانيكم [/align]

تعلن إدارة برامج وعقود التشغيل بالمديرية العامة للشئون الصحية بمنطقة المدينة المنورة عن موعد استقبال المتقدمين المرشحين لوظائف التشغيل الذاتي المخصص للطب المنزلي لمطابقة مؤهلاتهم والاختبار والمقابلة الشخصية والتي ستكون بمبنى إدارة الطب المنزلي بجوار المديرية العامة للشئون الصحية من الساعة العاشرة مساءً وحتى الساعة الواحدة صباحاً

اختي حبيت افيدك عن موعد استقبال الطلبات ومكان مديرية الشئؤن الصحيه

المووقع طريق المطار مقابل شقق العييري وجنبه روتانا لتاجير السيارات

واذا محتاجه اي استفسار انا في الخدمه

اختي لاتشيل هم... اهم شيء ثقتك فنفسك فالمقابلات
غير كذا الدورات اللي خذيتهم وماخذيت شهاداتهم
خذي افادة من المعهد انك درستهم وحصلت ع درجة كذا وكذا
او خذي افادة انك فطور الدراسة
لاتشيل هم أختي كل شيء بيكون سهل ان شاء الله