السلام عليكم ورحمة الله وبركاته
الي اعضاء منتديات بطاله بعد التحيه اليوم احس اني متحمسه لمشروعي عشان كذا كتبت عنه
المهم المشروع عباره عن تصميم الاثاث تدرون ليش اخترته ؟ لا تقولون عديتي للعشره واخترتيه
لا طبعا بس انا مسكت فلل كثيره كتصميم ديكور داخلي والحمد الله اموري تمام بس مره كانت صاحبه الفله حرمه وطلبت ممني اصمم لها الديكور وحتي الاثاث عاد انا قلت ليش لا من قواعد التجاره لا تقول لزبونك لا
المهم صممت لها فلتها حتي الاثاث صممته من الكنبات للغرف لين حتي مفارش الطاولات بس كانت اصعب وارهق ايام مر ت علي اولا لانها اول مره اصمم اثاث لغير بيتي انا اصمم ديكور بس اثاث اول مره والناس اذواق المهم هي لماخلصت الفله كل من دخل عندها تجنن عليها وعلي كل اثاثها وكلن يقول لها منين رغم انها مطخطخه بس ماعجبتها المحلات الكبار الله لايلومهالان حتي بيتي ماشريت الا غرفه النوم منهم والباقي صممته فالحرمه ماقصرت جابتلي زباين كثار مشكلتي اني غير متفرغه تمام خاصه للاثاث رغم ان ذوقي مايختلف عليه اثنين ماشاء الله فمره وانا اعتذر لحرمه مادري شلون قلت لها اني مشغوله بمحل الاثاث حقي قالت وين المحل فيه انا ماادري شقول مادري طلعت كذا قلت لها اني اشتغل فيه الان عشان افتتحه قالت طيب وينه فيه قلت انا مشغوله بتصميم الاثاث وبعدين المحل سهل بس اهم شي بضاعه المحل الخلاصه صكيت منها وقلت ليش لا اذا ذوقي مره مره راقي وبصراحه كلكم شايفين الاسواق خياس مافيها شي خاصه المجالس والغرف فقررت اشتغل من جد في تصميم الاثاث بالاضافه لتصميم الفلل وزياده الخير خيرين بس المشكله ابي مصنع اثاث اتعامل معه في بدايتي وبعدين اذ فهمت التصنيع زين شريت لي ورشه كامله او مصنع للاثاث مين يعرف مصانع للاثاث تحتفظ بالتصاميم مب اصمم من هنا والاقيها بكر اب السوق قبل حتي لا اعرضها لان خبركم بو هنود كل شي عندهم كوبي

علي فكره بنزل لكم صور من تصاميمي بس اصورهم قريب ان شاءالله

تسلمين والله كلامك يثلج الصدر ربي مير يوفقك ويسعدك بس انتي من اي منطقه ممكن يكون بينا تعاون

لان بوه شركه متخصصه بهيك وصاحبها قريب لنا

ننتظر الصور ..

موفق بإذن الله ... لك مني أجمل تحية .

الى الأمام الله يوفقك ان شاء الله

الله والتصاميم اللي في المعارض تصاميم هنود ومش عارف ايش

يلاشدي الهمة وبذكرك بعد سنة وعندك مؤسسة له فروعها وعلامتها التجارية .

وااااااصلي والله معاكي واصلي

انا من الرياض ومشكورين تصدقون اول مابديت امسك تصاميم داخليه للفلل كان بفضل الله ثم بفضل موضوع كتبته هنا وشجعوني حيل والله ماكنت في يوم مصدقه اني بخلص لو فله رغم اني اشتغلت فلل اقاربي واخواني بس كناس غرباء اكبر فرحه لي يوم خلصت اول تصميم واعجبهم ثم صرت واثقه بعدها والحمدالله الكل يطلع مره مبسوط وان شاء الله هالمره الاقي مصنع وتمشي اموري

السلام عليكم
الله يوفقك ياختي ويسر امورك مشروع تصميم الاثاث مشروع ناجح بكل المقايس لأن كل المحلات عندنا تقلد بعض يعني مافية ابتكار وتجديد عني انا تعبت تعب عشان اثاث منزل الوالد والاسعار الله لايورك كيف نار
انا من رائي ياختي انك تقدمي على احد الصناديق يدعمونك وتسوي المصنع وهو عبارة عن ورشة نجارة وخياط وتجيبي لك فنين ماهرين عشان يقدرون يضهرون تصميمك صح انا شغال في المقاولات وشايف الناس كيف تحوس عشان تاثث بيتها كل يوم في سوق وحوسة وبالاخير خساير فلوس بالهبل وتطلع مو بالشكل المطلوب بس ايش يسوي هذا الموجود بالسوق توكلي على الله وسوي المشروع واذا تبين شريك جاهز والله يوفقك ويرزقك من واسع فضله .

الصناديق حقت الدعم مره خايسه مره قدمت علي صندوق التسليف لافتتاح مدرسه من زمان ووافقوا علي كل شي اخر شي قالوا يا تجيبين لك كفيل راتبه مره عالي او عطينا اي ضمان بالمبلغ مثل صك ارض بقيمته اوغيره بالله عليهم انا لو كان عندي كان طريتهم هنا الصناديق انت اللي تحط فيها مب هي اللي تعطيك عموما مشكور وماقصرت

من اعضائنا القدامى شيخة العاطلين

اهلا بك

الله يوفقك ويرزقك...

الله يوفقك يا شيخه العاطلين ,,

وبإنتظار الصور