13-01-2008, 06:53 PM
|
عضو جديد
|
|
تاريخ التسجيل: Feb 2007
المشاركات: 30
معدل تقييم المستوى: 35
|
|
|
مُقابلتي مع موبايلي كانت بعد العيد اتمنى افيد واستفيد :)
السلام عليكم ورحمة الله وبركاتة
طبعاااا انا جيت هنا لاجل افيد واستفيد
بالاول حاب افيد اخوي طفشان عاطل لانك صاحب موضوع كنت تسأل فيه عن موبايلي
وباقي الاخوه الاعضاء في منتديات البطالة
بخصوص المقابله الشخصيه
فأنا عملت مقابله شخصيه بالخبر بمركز الخليج ( النهرايزن )
والحمد لله بأذن الله اكون توفقت بالمقابله
لاني عملتها وانا راضي عن نفسي كثير
طبعا جاني اتصال قبل اسبوعين اول اسبوع من بعد العيد
ورحت للمقابله لقيت هناك شباب
جلسنا نسولف وبعدين دخلت مقابلتي
كانت المقابله مع اثنين شباب ونعم الشباب يشهد الله
طبعا الكل يبغى يعرف كيف كانت المقابله
الحمد لله كان الجو العام للمقابله حبي كثير يعني خآلي من التوتر و الخوف
دخلت وسلمت وجلست وكان اول سؤال انه قال اسمي
ورديت بانه انا الشخص نفسه
وبعدها سألني سؤال بالانغليش بان ودهم يعرفون عني معلومات اكثر
بالاخص بمجال دراستي وحياتي العامه
طبعا تكلمت عن نفسي ولله الحمد بكل ثقه لاني عندي لغة انجليزيه بمستوى جيد جدا
بعدها صار يسالني عن وضيفتي الحاليه
وكم راتبي بالانغليش طبعا وانا الحمد لله متجاوب معه
شوي صار يكلمني عربي وحسيت انه مبسوط مني <<< يا الله التوفيق
بعده قال لي كلمه
قال يا فلان " أنا راح ارشح اسمك بانك تكون من موضفينا الرسميين باذن الله "
طبعا بعدها سال الشخص الثاني اذا عنده اي سؤال لي
طبعا رحب فيني الشخص الثاني
وبداء معي بالاسئله التاليه ..
ايش فائدة خدمة العملاء برأيك ..
ليه اخترت موبايلي ..
هل عندك اقارب في الشركة ..
هل انت صبور لان الدوام راح يكون شفتات ..
لو طلب منك الدوام بيوم اربعاء وبنفس الوقت عندك مناسبة عائليه .. ايش راح تعمل ..
لو صادفتك مشكله بالعمل ايش ممكن تعمل ..
لو احد العملاء تلفظ عليك بألفاظ غير طيبه ايش راح تكون ردة فعلك ..
هل ممكن تعمل تحت ضغط العمل باستقبال المكالامات بشكل مستمر لمدة 8 ساعات ..
تقريبا هذي كانت الاسئله ..
الحمد لله كان اسلوب الاخ جدا محترم في طرح الاسئله
والحمد لله احس بالرضا عن نفسي لاني جاوبتها بلا اي ارتباك
وطبعا الاجوبه تختلف من شخص الى شخص اخر
انتهت المقابله بانهم شكروني لحضوري وعلى وقتي
واذا كان عندي اي استفسار
وما كان ردي الا اني شكرتهم لاختيارهم لي لحضور المقابله وبعدها
قلت فمان الله وبيض الله وجيهكم
بشكل عام احس هذي المقابله احس مقابله مرت علي بحياتي
بغض النظر على اخيارهم لي مستقبلا باذن الله او لا لا سمح الله
لان كانت اعصابي جدا هاديه وكنت واثق من نفسي
والاساتذه جدا محترمين بلا اي مجامله
اتمنى اني قدرت افيدكم باللي اقدر عليه
وبالاول قلت اني جيت لاجل افيد واستفيد
ومثل ما تمنيت اني افدتكم اتمنى تفيدوني بخالص دُعائكم لي بان الله يوفقني
وييسر امري وامور جميع اخواني العاطلين المسلمين
اتمنى تدعون لي ومشاركتي هذا كتبتها لخدمتكم جميعا
واي استفسار باذن الله راح احاول اجاوب عليه
باللي اقدر عليه
دعووووووووواتكم يا رب يوفقني
|
بمناسبـة العيد اللي سويـتـــه 
العرض العادي
