السلام عليكم ورحمة الله وبركاته

مالكم بالطويله

انا طالب جامعي

ع وشك تخرج

باقيلي 14 ساعه وخلص بكالوريوس من جامععة الطايف
تخصص تربيه خاصه
مسار صعوبات التعلم

والتخرج انشالله الترم الجاي
اللي هو الترم الاول عام 1432

وبصراحه انا بتخرج وبصير مدرس تربيه خاصه
طبعا التدريس الكل عارف انه حلو ومريح وراتب اوكي

بس المشكله
انا نفسي في الكلية الامنيه ادخلها بالبكالوريوس

بس محتار

التدريس راحه
والعسكريه احلى

بس ابي العلم الاكيد

ممكن انقبل بالكليه وانا تربيه خاصه راح يقبلون تخصصي ؟
مع العلم نظري ضعيف وبنظاره ونسوي عمليه مو مشكله

بس
السؤال
راح انقبل ممكن ؟

وللحين معدلي 2 من 4

تكفوون ساعدوني

انا ابي الافضل واخاف اتندم

تدريس بعد البكالوريوس
ولا كلية امنيه واتخرج ملازم لو انقبلت اصلا


والف شكر

لو الموضوع مو محله هنا

انقلوه بس عطوني خبر مو احتاس وما القاه


يديكم العافيه

أن شاء الله احد يفيدك
وبعدين احسن لك أدخل
الكليه الامنيه..
أما عاد التربيه الخاصه
الشكوى لله انا مجربه
صار لي سنه ونص
متخرجه وللاسف..

ماتوظفت صارت التربيه
الخاصه مالها مستقبل
بس الله كريم..

والله اشوف التدريس اصبح عادي يعني تلقى بالعايله واحد منهم مدرس

ام الظابط له مكانته الاجتماعيه ياخي تكفيك النجمه على الكتف

ومسار صعوبات تعلم ممتاز اذا كان هناك احتياج تكفي ال30% واجازات مع الناس

انت استخر ربك

معلومه الامنيه لها كشفين اثنين للمستشفى يعني فيك ضعف نظر او اي شي امسك الباب

حبيبي انت قدم على الامنيه اذا ما نقبلت قدم على التدريس
لأن تقديم الامنيه قبل التقديم على التدريس
اول وحده تطلع رح لها ولا تشاور الان الوظايف هالوقت بالقطاره
حتى التدريس ممكن تجلس سنتين او ثلاث ما تتعين
هذا والله اعلم

قدم على الأثنين و الي تنقبل فيها روح بدون تردد
لا تعلق نفسك على وظيفة معينه وفلأخير تخسر الأثنين

يعطيكم الف الف عافيه والله

طيب سؤال للي لهم خبره

لو قدمت عالامنيه وانقبلت بس في وسط الدوره ماقدر اكمل وطلعت كيف اسوي ؟

ممكن اقدم عالتدريس

تر والله احتست وانتم خوفتوني الحين

مافي مشكلة دام أنت بتخلص البكالوريا
قدم على الكلية الأمنية وعلى ماتجي الوظيفة للتدريس ردد ياليل وشوف وضعك بعدها
والله يوفقك