والله ياجماعة الخير ، مابقي غير 18 يوم على البعثة ، وكذلك باقي 5 أسماء على اسماء بالمرتبه السابعة ، وسألت ناس كثيرين وقالوا لي البعثة فرصة ومن هاالكلام ،
ولكن يأخوان ماتوجع النار إلا رجل واطيها ، والله اني أحترت ، لان زي ماتعرفون هل ارجع بالشهادة ام لاء ؟ هل القى وضيفة إذا جعت ام لاء ,
والوسواس ذبحني , لكن ياجماعة الخير والله أن ردودكم كأني بدأت أفكر بطريقة إيجابية واقرر ،
ولكني إلا الان محتار ، البعثة وشهادة بإذن الله تعتبر قوية من بريطانيا ، لكني ودي بلإستقرار والزواج والوضيفة , ولو ان الوظيفة بعد 23 سنه دراسه وظيفة راتبها يالله 5700 ريال متى اتزوج ومتى ومتى , واللي شدني اكثر ان احد الشباب ترك شركة الكهرب وراتبه 8400 ريال وقدم استقالته وراح للبعثة اعرفة شخصيا وقال لي ياولد فرصه لاتضيعها ، لكن الفرق بيني وبينه انه متزوج وحالته المادية طيبه ، وانا معتمد على الله ثم الرويتب اقصد الراتب البسيط من الحكومه اللي يبون يصرفونه علي ببريطانيا ، وانا لأملك من حطام الدنيا شيء غير 7 ريال الي مع ومخبيها بعد ، ومتردد وتكفون عطوني استشاراتكم اروح للبعثه ام الوظيفة وانتم أبخص بالبطالة ودارسين الوضع .

asm75 حبيب قلبي مأقدر أرسل لك رساله خاصة رصيدي لايسمح فقط 3 مشاركات وخذ راحتك بالنسبة لسؤالك حبيب قلبي ، شروط الرساله لازم 20 رساله ، ليه ياصاحب الموقع الحين حنا ندعوا لك بظهر الغيب انك تسهله معنا ، ولكني لأويدك بوضع حد لإرسال رسالة خاصة ،

والله اني محتار ياشباب مأدري ابي الرأي السديد يخرج من اعماق القلب والفكر الجوهري فلاتبخلوا ياخواني بي .

وينكم يأهل الخير ، وين اصحاب المشورة النيرة

هلا بيك اخوي البلشان ..

فيه مشكله اخوي بالنسبة الى الديوان
تقول قدامي خمسة اشخاص .. يمكن تقعد خمس سنين .. انت عارف واسطات وبلاوي..
الا اذا انت ضامن الديوان .

وبالنسبه الى البعثه يمكن ماتمشي او الوضع يختلف عليك .. او الله يسهل امورك وتمشي وتتفوق وتجيب شهاده صح ولغه ..


الله يعينك .. الامر يحير جدا

استخر وش نفسك وين ترتاح

كلن على حسب هواءه

بالنسبة لي اختار البعثة زي ماقال اخوان شهادة محترمة +لغة عالي+ تعامل مع مجتمع غربي ، وبإمكانك ياعزيزي ان تعمل هناك وتكسب بنفس الوقت خبرة

الخيار الاول والاخير لك وحدك ولايستطيع احد ايفادك

هل تستطيع تحمل المعيشة ببريطانيا وغلاء المعيشة فيها وكذلك الغربة عن الوطن والاهل ؟
إذا كنت تستطيع ونفيستك لن تتأثر عن الدراسة بالغربة ، انصحك بالتوكل خاصة ان العالم يتجه للتكنولوجيا وأنت معك بكالوريوس حاسب الي وسوف تعود بإذن لله بشهادة ماجستير ولاتستعجل على رزقك فالذي يستعجل على رزقة كالمصلي الذي يريد ان يسبق الامام بتسليم الصلاة قبله

للاسف انا لم استطيع التقديم بالبعثة والسبب معدلي السيئ بشهادة البكالوريوس

شوف اخوي تبى رايي انا بصراحة لو جاتنى وظيفة والله ماافكر اطلع برا الا بتفرغ من العمل وهذا الشيء كثير من الوزارات تعمل فية يعنى ماعليك الا تقدم وترسل برقية انك
متوظف وتبي تلتحق بالبعثة والحين ماشاء الله باب الابتعاث مفتوح وياكثر الناس اللى يبتعثونهم بنات وشباب يعنى اهم شيء الاخلاق وحب الوطن تروى وزين وضعك بالوظيفة ثمن البعثة من وجهة نظرى في هرم ماسلو اول شيء نلبى الحاجات الاساسية من المأكل ومن المشرب ثمن الحاجة لتقدير الذات والمكانة المرموقة ونقولك يااستاذ بلشان او دكتور بلشان اول شيء امن وضعك وزينه وتزوج وبعدين سافر وشيل حرمتك وكمل بعثتك ومثل ماقلت لك باب الابتعاث مفتوح على طول بس انت هدئ اعصااابك ..... اتمنى انى افدتك بوجهة نظرى اسفة للاطالة اخووووووي بلشااااااان