حافز ورقم جوالي اللي غيرته

كايدالأحزان · #11 (**permalink**) 06-09-2011, 09:29 PM

انا سجلت زوجتي برقم جوال وغيرناه وابي اغيره وعملت

تاريخ انتهاء بطاقة الهوية الوطنية*تاريخ الميلاد*رقم الهوية الوطنية*2
مثال: تاريخ انتهاء بطاقة الهوية الوطنية: 22/1/1436هــ تاريخ الميلاد: 15/10/1404هــ رقم الهوية الوطنية: 1047846314 الصيغة المطلوبة سوف تصبح على الشكل التالي:
14360122*14041015*1047846314*2 بعد ذلك سيتم تحديث رقم الجوال الجديد على النظام وسوف يرسل الرقم السري الجديد عن طريق رسالة نصية إلى الجوال الجديد
علما ان زوجتي مضافه معي في كرت العائله ولايوجد لديها هويه وطنيه مستقله لكي نضيف تاريخ انتهاء الهويه الوطنيه
وجربت اسجل تاريخ هويتي انا جتني رساله تقول تأكد من بياناتك
وش اسوي تكفون اللي عنده الحل ينورنا الله لايهينكم

مافي مستحيل · #12 (**permalink**) 06-09-2011, 11:54 PM

انا جيت بعدل
وقالي تاكد من صحه البيانات وهي كلها صح ؟
ويوم سجلت فيه اول ماجاني شي على الجوال
تتوقعو ماسجلوني اول؟

وشكرا

مجتهدة ولكن · #13 (**permalink**) 06-09-2011, 11:58 PM

تكفون ساعدوني
حنا اربع عاطلين سجّلنا برقم جوال واحد
جتنا رسالة وحدة والرقم السري مابعد جاء شيء
تتوقعون بيرسلون لنا كلنا والا واحد بس

مافي مستحيل · #14 (**permalink**) 07-09-2011, 12:27 AM

مجتهده
الله يوفقكم وتلاقو احسن وارقى الوظايف

شوفي اتصلي على هذا الرقم 9200115599

ريمونة · #15 (**permalink**) 07-09-2011, 01:02 AM

السلام عليكم ورحمة الله وبركاته
انا نفس المشكله وبخليها ع الله
الي يلقى الحل يخبرنا الله يسهل عليكم

مجرد احلام · #16 (**permalink**) 07-09-2011, 03:35 AM

ياجماعة الخير انا سويت الطريقه ونجحة معي وتم تحويل الرساله على الجوال المطلوب

اتبعو التعليمات بالضبط وانتبهو لا تحطون هذي الشرطات في التواريخ /\ لأنها تخرب الرساله ترا
انا سويتها اليوم وضبطت معي تم تحويل الاشتراك على رقمي الجديد

الله يوفق اللي اعطونا الطريقه ويجزاهم بوظيفه راتبها فوق 15 اللف (دعوه على الجرح)

اقتباس:

تكفون ساعدوني
حنا اربع عاطلين سجّلنا برقم جوال واحد
جتنا رسالة وحدة والرقم السري مابعد جاء شيء
تتوقعون بيرسلون لنا كلنا والا واحد بس

كل واحد يشتري له شريحه بعشره ريال مستعمله من اي محل جوالات ويحول اشتراكه في حافز عليها نصيحه لأن رساله وحده بصراحه شي مايطمن والافضل انكم من اللحين تحلونها وتشترون شرايح خاصه لكل واحد ترا بعد اسابيع بيبدأون يرسلون رسائل على جوالات المشتركين فيها الرقم السري لأشتراكاتهم
واحتمال يرسلون لكم رساله وحده فقط
وبعدين تتمرمطون تقعدون تراجعون مكتب العمل على بال ماتنحل مشكلتكم وعاد مكتب العمل ماشاء الله مايحتاج بيمرمطكم لين تطلع عيونكم

عآطله للآسف · #17 (**permalink**) 07-09-2011, 03:52 AM

اقتباس:

المشاركة الأصلية كتبت بواسطة ريح النفل

أنا نفس مشكلتكم وأرسلت فوق أربعين رسالة لكن الظاهر إنهم يستهبلون كل مرة يرسلون لي رسالة للتسجيل في حافز أولتغيير رقم الجوال ادخل 2*رقم الهوية*تاريخ الميلاد*تاريخ نهاية الهوية وأرسلتها كذا مرة لكن ترجع لي نفس رسالة تغيير رقم الجوال طفشت وش أسوي مع إني مكلمة خدمة العملاء في حافز وقالي الموظف أرسلي رقم الهوية ورقم الجوال على 500200وراح يتعدل رقم الجوال وفتحت معه محضر تحقيق علشان ماترجعلي نفس الرسالة لكن مااستفدت شي الله المستعان لاجدارة ولاحافز

ممكن تعطيني رقم خدمه العملااء لان آنآ اصلاأ ماعندي بطااقه آحوال وشلون احط تآريخ نهآيه الهويه ؟؟؟؟؟

بخيت العتيبي · #18 (**permalink**) 07-09-2011, 09:43 AM

اقتباس:

المشاركة الأصلية كتبت بواسطة مجرد احلام

اول شي انا شنب ^_^

ثاني شي اي موقع هذا اللي ادخل عليه واغير رقمي القديم من خلاله ؟

انا اسف ياشنب خطاء مطبعي

اما بخصوص مشكلتك

هم بينزلون موقع يعبون فيه العطلين بيناتهم

وانت ادخل برقم جوالك السابق ورقم السجل المدني وشوف امكن يضبط معك

والله يوفقك يا شنب

حسآأإسه · #19 (**permalink**) 07-09-2011, 10:11 AM

الحين اتصلت ع برنامج حافز وهذا رقمه 9200115599
وقلت للي ردت علي : آنا ماعندي بططآقه هويه وطنيه من وين إجيب لكم تاريخ إنتهاء بطاقه هويه ؟
قالت لي: من كرت العايله قلت لها : الكرت مافيه تاريخ انتهاء..قالت لحظه .. وبعدين رجعت وقالت : الا فيه !!!
قلت لها :لا مافيه

,, قالت: إلا فيه

,, قلت لها: يابنت الحلال الكرت اصلاً ماله تاريخ انتهاء

قالت: لحظه ,, ورجعت قالت :المشككله هذي بيحلونها هالاسبوع اوهاليومين ,انتظري انتي ومعاك التسجيل مفتوح لين محَرم

وسئلتها عن بعض البنات الي ماعندهم بطاقه ويحطون تاريخ إنتهاء بطاقه الوالد قالت: ممكن هالشي يعملهم مشكله بعدين
بس وسلامتككم ~

كايدالأحزان · #20 (**permalink**) 07-09-2011, 03:59 PM

واللي ماعنده تاريخانتهاء الهويه الوطنيه وش يسوي تكفووووووووون ساعدونا نبي نغير الجوال وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حافز ورقم جوالي اللي غيرته

مشاكلك في العمل

قالو بعد مده بسيطه راح يرسلون رسائل لجوالات المسجلين في برنامج حافز عشان يستكملون بياناتهم في برنامج حافز انا اللحين مشكلتي اني سجلة في برنامج حافز...

حافز ورقم جوالي اللي غيرته

تسجيل الدخول

حافز ورقم جوالي اللي غيرته

مشاكلك في العمل

قالو بعد مده بسيطه راح يرسلون رسائل لجوالات المسجلين في برنامج حافز عشان يستكملون بياناتهم في برنامج حافز انا اللحين مشكلتي اني سجلة في برنامج حافز...

حافز ورقم جوالي اللي غيرته