مديرتي والعمل الأضافي من المنزل

شوكليت · #1 (**permalink**) 08-09-2011, 08:43 AM

السلام عليكم ورحمة الله وبركاته

عندي مشكلة مع مديرتي أو مدرائي

يطالبوني أكمل الشغل أو بالأحرى اتابعه
من البيت مع انه مكتوب في العقد انه عدد ساعات العمل 8 ساعات فقط

تخيلو مديرتي تقولي ماتقدرين تاخذين لابتوبك اي مكان تروحينه !!!!!!!!!

( لأن مره قالت ليش ماشيكتي على ايميلك كان المدير الفلاني مرسلك استفسار قلت كنت معزومه قالت طب ليه مااخذتي اللابتوب معك.. قلت كيف اخذه معي معليش صعب اشيله وين مااروح)

طبعاً انا طنشتهم واقولهم اني مااقدر ووضعي ماسمح اني اشتغل بالبيت من دون توضيح للأسباب

بس هم مايقدرون ويمكن اللي ساعد انه فيه كم موظف وموظفه عطوهم وجهه رغم انهم يعانون (بس لقمة العيش مره) ..

المهم انا اللي عرفته انه حتى مكتب العمل مايسمح بهالشي وممكن لو أشتكيتهم يقفلون الشركة

بس ماعندي فكره هالكلام صحيح او لأ

ياليت اللي عنده فكره يرد علي لأني صدق طفشت يبغونا نكون عبيد لهم ياربي

شوكليت · #2 (**permalink**) 09-09-2011, 03:27 AM

افاااا ولا رد ولا كلمة ولا حتى الله يعينك !!!!!!!

مكنش العشم واللهِ

سنيورتهم · #3 (**permalink**) 09-09-2011, 04:27 AM

طيب سايريهم مثلا تحججي طلعي اي عذر بالاخيربيفهمون انك ماتبين
مثلا قولي ماعندي شبكه بالبيت
كل شوي تحججيي باي شيء وطلعي عذر بيفهمون انك مو راضيه على هالوضع ورافضته بتاتا
انا بشغلي اذا شيء مابيه وحسيت بفرضونه علي اتحجج واطلع اعذار بس ماقول بصريح العباره اني مابيه لا فقط اعذار وكلام
وهم بيفهمون هالشيء وممكن بالنهاايه يزنون بس بالنهايه بيرضخون

الفراغ شين · #4 (**permalink**) 09-09-2011, 01:49 PM

مو من حقها ابد تطلب منك كذا

لاتسكتين عن حقك ابد انا لو مكانك ارفع شكوى فيها لوزارة العمل ...

شذاوي · #5 (**permalink**) 09-09-2011, 02:43 PM

اختي معليش بس لو انا مكانك بقولها بوجهم العقد اللي بينا ثمان ساعات فقط اما استغلال خارج اوقات الدوام لا والف لا وانصحك تقدمين شكوي عليهم

ام بيلسان · #6 (**permalink**) 09-09-2011, 05:16 PM

[align=center]
وش قصدهم يعني هذولا بيطلعون راتب الواحد من خشمه ماعليك منها واعطيها في وجهها
الطيب مايعيش في هذي الأيام واذا كررتها معاك اتصلي على مكتب العمل وانتي عندك عقد
وملزمين بشروطه غصب عنهم
[/align]

جرح الرياض · #7 (**permalink**) 10-09-2011, 08:03 PM

نصيحتي اذا هي مديرتك ناقشيها وحجيها بالنظام بدون مشاكل وشكاوي وقولي ان ماعندك شبكه بالبيت وبس

نبراس الرياض · #8 (**permalink**) 10-09-2011, 10:59 PM

الله يعينك والله مهزله

رنا الشطورة · #9 (**permalink**) 10-09-2011, 11:12 PM

خييير , الشغل وقت الشغل بس , وش تبي هالمديرة

ذكرتيني بمكان كنت اشتغل فيه : قالت ابيك سكرتيرتي , وتوقعي الساعة ثنتين بالليل ادق
والله عطيتها في وجها : قلت لا عيوني ما توصل كذا بعد بعز النوم تقوميني عشان شغلكم , انا مو عايشة لكم لي اهتمامات وحقوق أخرى بحياتي والشغل اللي هو جزء من حياتي ما يدخل على باقي الاجزاء

فوضى !!