انا في الكلية ونفس المكافاة ولكن افكر في دخل اضافي او اني اصرفها في شي يسوى بدل اللعب فيها ولكن مافي مشرووووووع صغير ع قولتك اقدر ابدا فيه ننتظر اصحاب الخبرات باارائهم ومشكور والله يعطيك العافيه.

ايوه والله جزاك الله الف خير ياصاحب الموضوع وانا كمان طالب في الجامعة وابي افكار

نصيحتي لك ان تحدد مشروعك حسب ميولك

يوجد الكثير من المشاريع الصغيرة التي تناسب حدود رأس مالك ولكن انت من يحدد اي واحد فيها يناسبك

انشر اعلان بالصيغه هذي

شاب على استعداد لترويج البضائع و الخدمات بالعموله - فترة مسائية

ستجد من يتصل بك ليعرض عليك ان تروج له بضائع و خدمات ...... وسوف تختار منها ما تريد بل توزع الباقي على من يعز عليك من العاطلين.... ولا تنسى ان حصلت على عروض جيده كثيره لا تستطيع تغطيتها ان تضع موضوع هنا تطلب منها شباب للعمل معك

الامر بسيط لايكلف غير٢٠٠ ريال قيمة اعلان بأحد الجرائد

مليان شغل للشباب
بعض الاحيان أتمنى لو كنت شاب احس اني بدخل ذهب

عندك:
1- شغل الوساطة لا صرت فاضي دور
لك اصحاب البيوت و او المشاريع و خلك
واسطه بينهم و اليوم اللي تصير مشغول فيه اترك العمل.
و فيه موضوع كامل عن الوساطة هنا بالمنتدى
و خصوصا انك من الرياض يعني عندك فرصه كبيره.

2- فيه تاجرات يبيعون بس عندم مشكلة بالتوصيل
سو عرض للتوصيل و حط اسعار مغريه و بكذا
تستفيد من سيارتك و وقتك.

3- عندك توصيل العمال خصوصا يوم الجمعه
لا راحو للسويلم يا كثرهم خذ سيارتك و انقلهم
( يللا صديق كل نفر عشره ريال)
و هذي صار عندك شغل مربح كل جمعه.

4-بما انك بالجامعه تقدر تطبع موادكم او تصور
الكتب الغاليه و تبيعها عليهم بمكسب
انت تكسب و هم يوفرون الزيادة بسعر المكتبه.

5- فيه شاب مسوي تجارة بالمنتديات ما شاء الله عليه
جمع له مبلغ و بعدين بدا يطلب من برا و يبيع بالمنتديات
و اذا كانوا اصحاب الطلب بالرياض يوصل الطلب
الى باب البيت ب 30 ريال بعد , من منتجاته لصقات كرست لتبييض الاسنان
و عليها طلب و هو شغال ما شاء الله.

6-تجارة مربحه بأذن الله :
تصدق و استغفر و ان شاء الله بيجيك رزق
بالتوفيق.

عندي فكرا راس مالها 5 الاف والربح 45 الف

35 صافي ف جيبك
5 راس مالك و 5 تسويقيه

باجربها ولو نجحت حانزلكم فيها موضوع