10-09-2011, 05:32 PM
|
عضو نشيط
|
|
تاريخ التسجيل: Jul 2010
المشاركات: 190
معدل تقييم المستوى: 216231
|
|
|
هذا اللي صار معي اليوم بموعد الدفاع المدني بالرياض
السلام عليكم
اعذروني يااخوان ع الاسلوب لان والله تعباان وابي انام وقلت لازم اقول لكم وش صار بالدفاع المدني اليوم قبل انام
حركت من الخرج ع اذان الفجر عشان مااطيح بالزحمة والحمدلله الساعة 5 وعشر دقايق صرت بالناصرية صليت الفجر بمسجد قريب من المعهد واشوف في ناس لابسين ازرق مبين عليهم من حقون الدورة بالشوارع اللي عند المعهد
طبعا لسوء حظنا كان اليوم هو اول يوم باحد دورات الدفاع المدني (افراد)دخلنا 6 ونص بعد دخول حقين الدورة بخمس دقايق قال لنا نقيب (قلق) اجلسوا بالمسجد
عددنا تقريبا 150 جلسنا بالمسجد ننتظر احد يجي والنقيب واللجنة ساحبين علينا واذا طلعنا من المسجد من الطفش ردونا
جلسنا تقريبا للساعة 10 ونص او 11 الظهر بالمسجد تعبانين منقرفين وحالتنا حالة
جا النقيب (القلق)وقام ينادي ع حقين البكالوريوس بس
طبعا انا دبلوم لحقت حقين البكالوريوس عقب ماراحوا يفحصون بدقايق ومشت اموري معهم ولاحد قالي شي
النقيب كان معقد الامور بشكل غير طبيعي
طبعا الطووول فيه تشديد مايتفاهمون فيه
الوزن انت واسلوبك مع الضباط اللي يقيسون
طبعا اول مارقيت عبيت ورقة وانتبهوا تكتبون فيه شي انقليزي حتى الارقام
انا كتبت رقم احوالي انقليش وشب فيني عسكري يقول ليه تكتب انقليش حنا مانعرف نقرا انقليش
ثم بعد ماعبيت الورقة رحت لضابط يسجل عند اسمي حضور وواحد جنبه ع نفس الطاولة يشيك ع الاسم بالورقة وبالاحوال والارقام والمطابقة وخويهم الثالث يشيك ع صورتك بالورقة وبالاحوال وعلى فيسك قدامه ثم يختم لك
ثم تاخذ الورقة وتروح للميزان الحجري طبعا حاولوا تروحون عند الملازم اول او النقيب المهم اسمه محمد هذا والله انه عسل واخلاقه حلوووة ويسااعد بس الطول مدري طبعا انتم واسلوبكم معه
عقب ماتخلص الميزان ان كانك نجحت يحط لك ختم فيه موجب وان كانك سقطت يختم لك بسالب
السالب يريوس
وحنا بنكمل مع راعي الموجب
تاخذ ملفك وتروح لعسكري جالس ع كرسي ومعه كشف وقلم سبورة ويدور ع اسمك ويسجل حضورك ويكتب رقم الطلب حقك بقلم السبورة ع ملفك ويعطيك ورقة صفراء ويخليك تعبيها
عبها وعطها العريف اللي واقف يم لضباط ع الطاولة واجلس ع كرسي وانتظر لين ينادي عليك
هم 3 ضباط ع طاولة واغلبهم ياملازم او ملازم اول تروح لواحد منهم اذا نادك ويدقق في شهاداتك وموهلاتك ويكتبها بالورقة الصفراء ويمكن يرفض شي من مؤهلاتك لاتستغرب
ثم ياخذ الورقة الصفراء ويعطيك ملفك وتروح للطاولة الثالثة اللي عليها 3 ضباط يسوون لك مقابلة شخصية كل الثلاثة يسالونك بوقت واحد
قامهم تلاقى اوراق خذ 3 اوراق طبعا هي كلها نفس بعض بس خذ 3 اوراق وسجل معلوماتك بالثلاث اوراق ولاتختلف بشيء ورح لهم سوا مقابلتك
انا سالوني عن مؤهلاتي وعن اي كلية تخرجت ولي سنة ووش تخصصي ووش دوراتي وهل اخذت دورات تخصصية بعد التخرج وسالني لو نعطيك رتبة اقل من رتبتك عادي او لا
قلت له عادي لو جندي اهم شي اخدم ديني ومليكي ووظني (مايجامل خخخخخخ)
قال الله يوفقك
رحت لاخر طاولة عليها 2 ضباط ياخذون اوراقك المصدقة والمؤهلات وملفك العلاقي ويعطونك اصولك ويعلمونك متى الموعد القادم
انا موعدي القادم الاثنين 22 شوال 7 صباحا اختبار سباحة ولياقة
وطلب النقيب القلق مني احضار زي رياضي كامل بالجزمة (اكرمكم الله) واحضار شورت وزنوبات اوم عشرة وخمس طعش ومنشفة
ملاحظات :
1- فوضى وعدم تنسيق ومشاكل صارت وغلبها بسبب النقيب القلق
2- بعض الضباط اخلاقهم عفن فخل لسانك حلو معهم لان من جد في ضباط نظراتهم لك تقهرك
3- احد الطلاب جاا لقاعة الفحص وقام يهاوش النقيب ع الفوضى اللي صايرة ولتعب اللي جانا بسبتهم واننا ماجينا نشحذ الوظايف منهم ع هالاسلوب اللي نحصله منهم وكان رد النقيب القلق بكل هدوء اذا مو عاجبك نظامنا رح بيتكم .
4-تشديد كبير ع الطول
5- اختبار السباحة حسب ماعرفت منهم انه راح يكون بعدة الغوص فلحقوا اعماركم .
6- دبلوم الكلية التقنية(الجامعية المتوسطة ) جعلونا نقر اننا ناخذ عريف ولانستحق رتبة كيل رقيب بحيث ان اللي يستحق رتبة وكيل رقيب هم خريجين كلية الاتصالات والمعلومات لان دراستهم 3 سنوات وصاارت مشااكل بسببها بين الطلاب ولضباط.
7-اذا كانت فوضى اخدم نفسك بنفسك لان اساسا الدعوة فوضى ماحد راح ينتبه لك اذا كان جاي مع حقون البكالوريوس وانت دبلوم او اي شيء .
8- يسمح دخول الجولات وفكوا اعماركم من الجزم لان كل شوي بتفسخون وتلبسون فيها.
9- نص الحضور كانوا بثياب وغتر ولا قالوا اي شيء ولكن يفضل انكم تجون ببدلة اخف .
10- اهم شي انك تجيب بطاقة الاحوال الاصل وصور شخصية مكشوف الراس عدد 6
11- جيبوا معكم الاصول الدراسية مع الاوراق المصدقة لان اول شي طلبوها منا للمطابقة ونص العالم ماجابتها بحجة انه مو مكتوب بالموقع االاصول .
21- خرموا اوراقكم المصدقة بالترتيب داخل الملف العلاق ولا تخرمون الاصول انتبهوا عشن ماتاكلون التهزي اللي جاني من النقيب القلق ز
13- دخلت الساعة 6 ونص وماطلعت الا الساعة 2 وربع هذا وانا من الناس االي طلعوا بدري لان كان وراي عاالم -
14- بالمقابلة الشخصية ارفع صوتك ووضح كلامك وخلك شديد الملاحظة ع حركاتهم واسالتهم ونظراتهم لك وحط عينك بعينهم .
هذا ماعندي حاليا دعواتكم لي بالتوفيق واسف ع الاطالة
|
العرض العادي
