السلام عليكم ورحمة الله وبركاته
بدخل بالموضوع على طول
احنا عندنا شقه مستاجره واحد ويدفع كل سته شهور الأجار
ودفع قبل سته شهور وينتهي يوم 15 /10
وصارت مشكله برمضان وابوي طرده
المهم الرجال شال عفشه وقال لبوي ما اسلمك المفتاح لين تنهي المده يعني ب15/10
والحين الشقه فاضيه مافيها الامكيف وهو يجي يجلس من فتره لفتره فيها
الزبده انه قال لبوي ما اطلع الا بعد الحج وابوي قاله بفصل الكهربا والمويه عنك
وقال والله ماطلع لين تجيب الشرطه
واحنا ماندري وش نسوي
ابوي رجال كبير ومايحب المشاكل
واحنا سالنا قالو لو تطفون الكهربه عنه يسجن ابوكم
وابوي مصمم بكره يجيب واحد يفصل الكهربه
حابه اسال لو ابوي فصلها عنه عليه مسوليه ولا لا
مع العلم ان عقده منتهي من قبل 4 سنوات او اكثر
لان ابوي ما يجدد العقد
تكفوووووووووووون ساعدوني وش نسوي
وشتكي عليه ولا لا
الرجال صاحب مشاكل واحنا خايفين منه
واسفه على الاطاله
وانتظر ردكم

معقوله محد عنده خلفيه

اول شئ العقد له مده ولازم ينتهي ومن حقه بما انه دافع الاجار اما اذا متخلف عن الاجار فيشتكي بس يطول الشغله

لكن المده الي يجلس فيها وهو مدفع بيدفع قيمتها

يعني اول شئ العقد وهذا مهم وهو ان المده انتهت او اخلا باحد شروطها ويقدم الافضل على الاماره علشان تحول لشرطه

والله يعينكم

جزاك الله خير

والله شوفي وانا اخوك

كانا عندنا شقق مأجرينها لسعوديين والصراحة اغلبهم راعين مشاكل ولا يدفعون على سيرة

المهم خل ابوك يجيبه بالسياسة الين تنتهي مدة العقد وبعد كذا يروح الشرطة او العمدة او الامارة

ويشتكيه ويبدا يحسب عليه اجار جديد

بس اهم شي ابوك لا يفتح الشقة يمكن يجيك المستاجر يتبلى ابوك يقول كان فيه طقم ذهب

وهذي سويتها مرة مع شركة تويوتا لما سحبو سيارة اخوي قلت كان فيه لاب توب وطقم الماس في السيارة وياويلكم لو مالقيته

المصاريه قاموا يتنافضون قدامي

الوكاد ان ابوك لا يخلي للمستاجر طريق عليه

المشكله الشقه فاضيه مافيها عفش غير مكيف
واهله طلعو
وابوي شرطه بالعقد ما يأجر الا للعوائل
ومابقي له الا كم يوم
وابوي مايحب المشاكل وشرطه
يقول بفصل الكهربه عنه يمكن يطلع وانا خايفه يشتكي على ابوي ولا يتبلى عليه
الله يستر علينا ويفكنا منه
جزاك الله خير

^^^

انا عارف ان الشقة فاضية لكن لايتهور ابوك ويفتح الشقة

يمكن يتبلاكم المستاجر

الله يعينكم على السعوديين والله لو ياجرها على اجانب حتى لو ينقص شوي من الاجار يكون ازين له

اقترحي على ابوك انه يسلم الشقة لمكتب عقار وهو يتولى مشاكل المستاجرين

ان شالله بس يطلع
نحطها بمكتب اذا اقتنع ابوي
والله الاجانب اخس اسال مجرب بس الى حلو فيهم محترمين
ومايطولون السنتهم ويحترمون ابوي
والدفع لا والله مايدفعون
والله خرج من عندنا مستاجر 4 او3 سنوات وهو مايدفع وساكن ببلاش
ولا نفع معاه لا شرطه ولا غيرها
والمشكله ابوي يتساهل معاهم
وكل ما قالت له شي
قال هذولا جيرانا عيب
الله يفكنا شرهم بس

ياكثر مشاكل المستاجرين عندنا شقق مزعجينا الي يماطلبك في الايجار والي يرخرب الشقة ويطلع المهم

ابوك ماله اي حق انة يطردة او يفتح الشقة او يفصل الكهرب اذا خلص العقد يطلع الرجال او يروح ابوك يشتكية للشرطة ذاك الوقت يصير الحق مع ابوك ويطلع غصب عنة