السلام عليكم ورحمة الله وبركاته ..


- يامشرفين هذا مو تحريض على التجمع .. الموظف هو من طلب وجودنا -

يا اخواني المقدمين على جداره بمنطقة القصيم .. على عجاله ..


سكرتير المدير بديوان الخدمة المدنيه ببريده طلب مننا التواجد في مكتبه يوم الاثنين (غداً) الساعه العاشره صباحاً (10 AM)

مكان مكتبه بالدور الثاني .. اول ماتطلع مع الدرج تحصله على يسارك

يا اخوان تواجدكم مهم والسبب ان الموظف مااستجاب لنا الا بعد التجمع على مكتبه ..

بالبدايه قال مالكم شي .. وبعدين قلنا متى ؟

قال كلام معناه .. انكم انتم اللي جيتم بس .بدون مااحد يطلب منكم الحظور. (العدد المتواجد عند مكتبه 7 اشخاص تقريباً)

قال واحد مننا ..: لا فيه طلاب كثير تحت من جداره .. تبينا نناديهم ؟

قال الموظف : لالا لاتنادون احد .. الحين ماعندي خبر .. لكن تعالوا لي يوم الاثنين اعطيكم الخبر الاكيد بعد ما اراسل الوزاره .. نطابق لكم او مانطابق !!


لذلك التواجد مهم من جمييع المتقدمين على جداره بمنطقة القصيم ...

تكفون حظوركم الساعه 10 مههممم

وبلغوا زملائكم لاهنتم

مآربوٍ كفوو عليكم لبى قلوبكم

ليتني بالقصيم وربي تلاقيني مسنتر عندهم من الساعه 7 الصباح

تكفون يالي من القصيم وضواحيهآ تكفون بكره نبي الكل يحضر

لان هالقرار بيدكم انتم الي تقدرون تغيرونه ..

يآ نطآبق آوٍ مآ نطآبق ..

فعشآن كذ1 نبي الكل يجتمع بكره

شدو حيلكم يا اهل القصيم الله يبيض وجههكم

مشكورين جميعا .. وكلنا لبعض .. الظاهر لو الله ثم تحرك الجميع وجهود الجميع كان مطنشيننا

يا اخوان انا طبقت فترة الامتياز بمستشفى بقسم العمليات .. وكان القسم يعاني من قلة الموظفين .. وكان قسم العمليات يتنافس على الموظفين مع قسم التعقيم ويرفض انه يحولهم لاي قسم .. وكنا الطلاب نشتغل معهم شغل كاننا موظفين ويفرحون فينا من قلة الموظفين بالقسم ... والمستشفى لاكثر من ثلاث سنوات ماتعين فيه احد .. رغم ان رئيس القسم يتمنى ان يتعين عنده احد

وفوق هذا كله القسم يتواجد فيه ممرضات اجنبيات (فلبين - الهند)



نستحق الوظائف (الحكوميه) ... نبيهم يوظفنا .. ولا بس يوظفنا نبي الوظيفه الحكوميه ... يستحدثون وظائف واذا مايقدرون يلغون عقود الاجانب .. اللي لو راح نصهم كان توظف الجميييييييع

الوعد بكره ان شاء الله ..

الله يسعدك ياماربو على هذا الموضووووع تكفوووون ياأهل القصيم روحوووو لهم
شفنا ننتظر يوم الاثنين على احر من الجمر ياااماربو الله يسعدك علشااان تجي تبشرنا .

الله يعين ووفقنا

الله يوفقكم واحنا في المدينه بنروح بكره ان شاء الله وبيجونا بعد من ينبع كلنا نحاول نسوياللي نقدر عليه
الله يكتب الي فيه الخير

اخوي بس حقين الصحه او التقنيه يجون

طيب اخووي انا معي تقنية وقدم على جداره اجي ولا ما يبون تقنيه

وبعدين الخدمه المدنيه اللي حول مطعم رشوش والعثيم مول ولا