السلام عليكم ورحمة الله وبركاته
شباب
ارجو مايجيني احد ويقول الشغل مو عيب او يقول ان الوضع هالايام صعب وكلن يبي له شغل لإني اعرف هالكلام تماماً
وادري ان الناس بغالبها ماتعطي خير وكلا يبي له نص فرصة عمل

ومؤيد له وبقوووووة لكن ياجماعة الخير الواحد لازم يعرف وش له ووش عليه
انا ما ضمنت قبولي بالمباحث بس من فترة التقديم وانا جالس اسئل ناس كثير
فيهم منهو مؤيد وفيهم منو معارض

انا بموضوعي ابيك تبين لك خلال سؤالك او معرفتك او خبرتك وش اللي ممكن يعتبر عيب
بالقطاع او اللي لابد يعرفه كل مقدم او مقبول بهالقطاع

فالآن كل عضو هنا وارجوكم طلب ارجووووكم رجاء خاص نبعد عن العواطف او وكالة
يقولون لإن كلامنا يبنى عليه حياة شباب فيمكن تقول عن المباحث شي سيء ومايكون
صحيح وتوهق لك واحد ويمكن تقول شيء جيد عنها ومايكون صحيح وتوهق لك واحد

وانا ببدأ بالجوانب اللي لابد من النظر لها قبل دخولك قطاع المباحث مع اني اشوفه زيه
زي اي قطاع عسكري له محاسن ومساوء من نواحي كثير فالامور منها

1- سمعة القطاع وسمعة موظفيه لازال لها مفهوم عند الناس وخلونا واقعيين
كثير منا مايفضل معاشرة رجال مباحث

2- قطاع حساس وبعكس ماقيل انه راحه وفله .. هو قطاع يعتبر ركيزة اساسية
لحفظ الأمن وعلى هذا لايضمن رجل المباحث اي شي ويتوقع اي شي يصير
له فهو قطاع يعتمد على الظروف وعلى طبيعة الدوله فيمكن تعيش شهر مرتاح
ويمكن بسبب ظروف مثل ارهاب او تهديد تعيش شهوووور تكرهـ فيها حياتك

3- صعوبات اجتماعية مثال بسيط منها .. زواجك صعب جداً تبوح بوظيفتك مع ان
وظيفتك تعتبر ركيزة اساسية بزواجك ولابد ان يعرف عن طبيعة عملك من باب
معرفتك ومن باب السؤال عنك بمحيط عملك فوش بينقال اذا كان قطاعك مو
بمطارات او بوزارات تقدر تصرف .. مثال ثاني
بمجرد مايعرف انك رجل مباحث اصدقائك اقاربك بيكون لهم معك وضع خاص جداً
يمكن يوصل لدرجة المحاشاهـ ...

4- وهو الأهم بنظري والأقوى .. ان القطاع كواليسه اكثر من معاليمه فهو قطاع
متعدد واشوفه أكثر القطاعات الأمنية تفرع وتعدد وهذا يعني ان المعلومات حوله
تعتبر ضبابية



اعيد واكرر انا مو ضد وظيفة المباحث وبيني وبينكم امنية عمر اني ادخلها
وكلامي اللي راح مو تهجم او تحجيم للوظيفة قد ماهو تبيان ان الللي ذكرته
من الامور اللي لابد ناخذها بعين الاعتبار



واذا كل واحد منا ذكر لنا اللي ممكن يكون عيب او مشكلة بهالقطاع يسدحه لنا
علشان نكون لبعض ومع بعض معلومات قيمة عن القطاع .. [[ عن الجوانب السيئة فيه ]]