السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

طبعا اخواني كلنا نعلم عن توقف الموقع بسبب ما ولم اعلم بوجود هذا الرابط البديل الا اليوم

لذلك << ارجع للهجتك وخل الفصحى لاهلها

اي راح اشرح لكم بالضبط وش صار في موعد اختبار اللياقه في قوات الامن الخاصه

طبعا مافيه تأخير من الساعه خمسه الصباح كنا متواجدين عند البوابه الغربيه

اللي فيها حواجز اسمنتيه جديده .. توجهنا عند البوابه وجا عسكري وقال لنا صفو كلكم

طبعا متشددين بشكل جدي بخصوص اللبس الرياضي ويمنعون دخول اللي

( لابس جينز او شي غير رياضي مثل برمودا ..الخ - )
(اللي مو لابس جزمه رياضيه ) اكرمكم الله
( اللي مو جايب معه بطاقته الاصليه )

طبعا اللي مو لابس جزمه رياضيه يدخلونه عادي بس يخلونه بالاخير ياخذ جزمه حد

من اللي اختبرو علشان يختبر فيها .

طيب الان وصلنا للمفيد ركبنا الباص ودخلنا وصفينا وصارو ينادون بأسمائنا

ويعطوننا ورقه صغيره مسجله فيها اسمك وعمرك والى اخره هذي تعطيها المدرب اللي بداخل الملعب

حتى لو كنت اخر واحد ماراح تتأخر اكثر من نص ساعه لان فيه سبع مدربين ينتظرونك بالملعب

وكل شوي يدخلون 13 متقدم

نجي الان الى كيفيه الاختبار .. اول ماتدخل توقف عند المدرب وتعطيه الورقه الصغيره

ويقولك خذ وضعيه البشم ( تمرين الضغط ) وبعدها يقولك يالله ابتدي

انت قد ماتقدر حاول باول دقيقه تطلع كل طاقتك لان قوتك راح تكون باول دقيقه بعدها راح تتعب

بعدين راح يقولك خذ وضعيه تمرين البطن ويعطيك دقيقتين اذا تعبت قبلهم عادي وقف واذا تبي

ترتاح عادي ارتاح بس الوقت مو من صالحك .. كذا باقي بس الهروله طبعا مش هروله عدي

يعني سبرنت يعني ركض << بكل اللهجات ( )

هذا اصعب شي يعطيك مضمار سباق تلف على ملعب يمكن 800 متر ويقولك اذا شفتك تمشي

راح استبعدك حاول ماتمشي وهروله اذا بتهرول هرول بالاخير بس بالبدايه ابي ركض

طبعا اتوقع مافيه افضليه للاول او المركز الثاني لان ماشفتهم مهتمين من الناحيه هذي

اتوقع المهم انك ماتمشي لان اللي يوقف او يمشي اثناء الدوران على المضمار يعني ماعنده لياقه

المهم اول ماتخلص اذا ماعندك لياقه راح تتعب وكثير من اللي خلصو الله يكرمكم استفرغو وكان

العسكري اللي برا يقول لاحد يشرب ماي اصبرو شوي بعدها اشربو كانت حالتنا يرثى لها

انا حاولت التقط انفاسي قد ما اقدر لمده 10 دقايق بعدين رجعت لوضعي الطبيعي بس فيه ناس

للاسف انسدحو عند الملعب ماقدرو يقومون لان عند جد المسافه بعيده عموما

اللي عنده لياقه يحاول يعود نفسه قبلها بكم يوم على الهروله او العدي يعني الركض

علشان يروح حاسب له الف حساب .

وبعدها قالنا روحو يجيكم اتصال وركبنا ع الباص على برا على اقرب تكسي

وبالتوفيق للجميع ودعواتكم لي واعذروني ع الاطاله ولكن انا ماكتبت كل هذا الكلام بالتفصيل

الا لاني قبل الاختبار اللياقه كنت اتمنى حد يفيدني ولو بحرف


دعواتكم لي

الله يوفق الجميعِِ بس 800 مترِ من جد قويهِ خاصه اذا فيها توقيت ..عز الله رحنى بهآ
مووفق اخوي وماقصرت ويارب من المقبولين

بارك الله فيك على افادة الاعضاء

ياااااااااااااااوك 800 متر وطيب تمرين البطن كيف
البشم عرفناه بس تمرين البن كيف

ياليت تشرح لنا البشم كم لاني انا اكثر من ١٠ مقدر هههههه والبطن كيف انسدح مثلاااا



والله يوفق الجميع

الله يعننا بس ننقبل

البشم في له طريقه تخليك تسويه براحه وهي تسويه ثلاث مرات ورى بعض الاولى 10 والثانيه 12 والثالثه 15
وبين كل جوله واخرى تستريح 60 ثانيه على نفس العدد لمدة اسبوع واللاسبوع الثاني تزيد يعني الجوله
الاولى 15 والثانيه 20 والثالثه 25 لمدة اسبوعين وبعدها الجوله الاولى 20 والثانيه 25 والثالثه 30 لمدة ثلاث اسابيع الخ.............

البطن تنسدح على ظهرك وترفع لزاوية 90 وهذا تدريب سهل

والهروله تجيب حبل خفيف (حق فسيل الملابس)هههههه وتقد تنط بس في هذا التدريب كل 30 ثانيه حاول تتقدم وانت تنط

وشكرااااااا

دعواتكم لي

شباب تختلف هروووووله ,.,.عن سبررررنت ,.,.يعني سرعتك كلهااا طاقتك حطها فالركض

................

وقسمن بالله اني اليوم بغيت امووووت
الله يكرمكم طرررررشت .............

بسبب اللياقه ,.,.وانتبهو .,.,لحد يقول والله لياقتي تمام ..
البشم <<البشب..
وتمرين البطن هو الي يهد الحيل ويتعبكم
موفقين
استغفر الله

تساهيل يارجال