السلام عليكم ورحمة الله وبركاته

انا حابة اقدم على بنك التسليف للمشاريع وينقصني دراسة جدوى للمشروع

مشروعي باخصار بوتيك حميات ورجيم وعندي افكار كثيره لهذا المشروع
وبصراحة تواصلت باكثر من مكتب بس يطلبون مبالغ عاليه وصلت الى 30000ريال

اذا ماعليكم امر و أحد عنه الخبره الكافيه في اعداد الدراسة يساعدني وبكون شاكره له


*

وفقك الله وسهل امرك
قبل اكتب لك مقتطفات من تجربتي تساعدك بكتب لك نقاط مهمه.

ارجعي لهذي الروابط

شرح طريقة عمل دراسة الجدوى لصندوق المئوية بالصور ‏

دراسات اولية لمشاريع جاهزة - ملفات PDF

هنا إعداد دراسة الجدوى لصندوق المئوية خلال 4 أيام ‏(

شرح طريقة عمل دراسة الجدوى لصندوق المئوية بالصور


دورة كامله عن دراسة الجدوى ‏

1: توكلي على الله بكتابتها بنفسك ولا تخلين المخاوف تعطلك عن مثل هذي التجربه الي اصلا بمجرد البحث والاطلاع راح يقوي خبرتك ومعلومات الي هيا اصلا تعتمد على نجاح مشروعك....


حطي في بالك اول شئ امر مهم جدا: انها ســـــــــــــــــهله ولا تاحتاج اي تعقيد ولا روحة مكتب(اصحاب المكاتب لا تزعلون منا ) بس نبغى نسهل الامور للناس..مو كل الناس تقدر تدفع 30 الف او حتى 5 الاف


صح انكم متخصصين وبروفشنال
لكن صدقيني منتي محتاجه دراسه بهذا المستوى عشان تقدمينها لبنك التسليف او غيره

ثانيا افتحي لك صفحة في الورود (microsoft word)


وجيبي لك اكبر عدد من دراسات الجدوى وتصفحيها

وابدئي بنقل النقاط الي ذاكرينها لملف الورد الخاص بمشروعك
وعدلي عليها

مثلا
وحده كاتبة
عدد الخياطات

انتي استبدليها بنوع العماله الي عندك

2
واحد كاتب رواتب عامل ...
انتي استبدليها بالي في مشروعك

3
واحده كاتبه الهدف من المشروع: ...........
شيلي كلامها واكتبي هدفك من مشروعك


الجدوال اذا ماتعرفين تسوينها
عادي انسخي من الدراسة وسوي لصق في دراستك وعدلي العنواين الي فيها بما يتوافق مع مشروعك
حتى لو جلستي فيها اكثر من يوم

عدلي وقارني واكتبي وامسحي الف مره عادي

وتوكلي على الله وراح يساعدك وتتسهل الامور


حبيت افيدك من تجربة بدون املك لا شهاده في دراستها ولا حتى خبرة سابقة

ولو حابه اتابع معاك الموضوع وتطرحين اسالتك هنا انا متابعه لك وبفيدك بالي اقدر عليه ان شاء الله



دعواتك

مشكورة اختي
المشكلة الاساسيه هي مو عارفه تكلفة راس مال المشروع
ودورت تجارب مشابهه لمشروعي بس للاسف مالقيت شي يفيدني

لازم تروحين بنفسك وتسالين عن الاسعار وتسجلينهم

وبعد كذا تدونيها في الدراسة

اسالي عن تكلفة الديكور
اسالي عن اسعار المعدات
ضرررررروري تروحين للبلديه وتسالي كم المساحة المشترطة لمشروعك ترا هم يحددون ولا تقدرين تاخذين اصغر
وبعدها اسالي عن الاجار لنفس المواصفات الي اشترطوها عليك

هيا كذا الدراسة بحث واستفسار لو من قوقل ههه


حياك الله

مشاريع نسائية { نقاش - افكار - شروط - نصائح - تجارب -نقاط قوة ونقاط ضعف- فضفضة

مشكورة روعة احلامي على ردك ومساعدتك