يابن الحلال بالنسبة للضروفك الصحية تقدر تجيب لهم ورقة من المستشفى وراح يراعونك اعتقد تقدر تاخذ اجازة طويلة بدون راتب و بالنسبة للظروفك المادية اعتقد ان هذا ليس عذر يردك عن الوظيفة بل بالعكس هذا العذر يخليك بحاجة للوظيفة . لذلك ما أنصحك تترك الوظيفة الا اذا كان هناك سبب قاهر لا نعلمه فأتمنى لك الصحة و التوفيق ..

السلام عليكم ورحمة الله وبركاته
اشكر كل من رد على موضوعي هذا
وانا كلمت واحد في شئون المعلمين بادارة الرياض قال تعال نسوي لك خطاب اعادة تعيين
وش معناه يعني تعيين جديد في غير الرياض؟
والشيء الثاني ابي فزعتكم انا ابي اروح لهم بكرة بس المشكلة ماعندي ولا ريال وابوي زيي وابي مساعدتكم تكفووووووووووون

اخوي علي حرام عليك تعتذر صدقني راح تندم يعني طفران وجتك وظيفه وبتتركها عشان مامعك فلوس يعني اذا تركتها بتجيك فلوس قسم لتقعد طول عمرك ماتحصل لافلوس ولا وظيفه فكر بمسقبلك واذا ضروفك صحيه اخذ عذر من مستشفى لمده معينه مثلا يوم شهر وراح ينقبل وبعدها ترجع للوظيفه وصدقني مافيه ظروف تمنع الواحد من الوظيفه مهما كانت قسم لو اني مكانك لاالبس ثوبي وشماغي واركب بعيري واشعبه للرياض وقسم لو انام بالشارع واتمرمط شهر ولا تروح علي الوظيفه
ياخي اتمرمط شهر ولا اتمرمط العمر كله واشحد فلان وعلان فكر مليووون مرره
اسف اذا كثرت الكلام لاكن والله من قلب تكفى يااخوي لااتتركها << قسم انقهرت

يارجل صلاة الليل قسم بالله لربك يفرج همك هذا رب العالمين اللي رزقك كيف ينساااااااااااك؟؟؟

مع احترامي لك اخوي اذا انت متعافي ومابك شي وبتعتذر عشان فلوس فااانت غلطااان انت بس انوي انك تكمل اوراقك صدقني بتتيسر لاكن بتقولي ابعتذر ومااادري ايش اقولك درست اربع سننوات واخرشي تضيعها بالكسل مع نفسك بقووة

موفق بإذن الله ... لك مني أجمل تحية .

اخوي شصار عليك
وين ساكن

الله يكووون بعونك


العين بصيره واليد قصيره


ان شاءالله الاخوان مايقصرون معاك

خلاص اتركها والي جابها هو رب العالمين ...اللهم لا مانع لما اعطيت ولا معطي لما منعت....
ربي يرزقك بخير منها لازم كل نفس تأخذ رزقها كاملا قبل ما تموت ...واعتقد انك متوتر من الوظيفة هذا الي فهمته ؟؟

أنا دبرت لي فلوس بعد ألف كلفة
وماشي الرياض الليلة
وبنراجعهم ونشوف