بسم الله الرحمن الرحيم



عندي استفسار يا جماعة الخير انا الحين طالب 3 ثانوي وحلمي العسكريه الي اتخرج منها ملازم بنجمه

فجاء على بالي 4 كليات



1-كلية الحرس الوطني

2-كلية الملك فيصل الجويه

3-كلية المك فهد البحريه

4-كلية الملك عبدالعزيز الحربيه

5- وكلية الدفاع الجوي


نسبتي يا جماعة الخير المتوقعه بتكون 85 او 88 والقدرات 77 والتحصيلي الله يسسره


لاكن انا حطيت في رااااسي البحريه او الجويه ثم الحرس ثم الدفاع الجوي

هل تتوقعون اني انقبل بهذي النسبه ولا يبيلي واسطه علما ما عندي ابد والي عنده يرسلي رقمه على الخاص


طيب سوال ثاني كم لازم ان يكون الطول وهل هم متشددين في الطول ولا لو نقص 5 6 سم او 4 سم عادي ؟

وايش افضل قطاع في هذي من حيث الراتب وهل فيه قطاعات غير ذي تطلع ضباط

وبنيتي الجسديه عاليه جدا يعني لا باس فيها هل بياخذونها بعين الاعتبار

ومعليش كثرت اساله لاكن والله شايل هم وهل صحيح بعد الدوره 45 يوم يسلموني 50 الف

وسلامتكم والله الي يفيدني له دعوه من قلب الوالده

ذا رقمي الي يقدر يفيدني عليه يكون احسن المراسلة عبر الخاصوسلامتكم

والله يا خوي انا افضلك كليه الحرس الوطني من حيث الراتب والراحه اما الطول اكيد ولازم ان لا يقل عن 170
واتمنى اني افدتك

يقبلون إلى 168 أو أقل بقليل شد حيلك وقدم مثلك مثل أي طالب وما راح تندم ...

اخي من وجهة نظري الحرس ثم الحربيه ثم الجويه اخر شي البحريه وعلى ماعتقد الجميع االطول فيها 165 سم اقل شي ولوسطه شغاله فيها كلها دبر عمرك يمين يسار ... واتمنى لك التوفيق ان شاء الله والنسبه الزينه وان شاء الله اشوفك في احد الكليات ....

والله شف اذا بتدخل ادخل الجووويه من ناحيه الرواتب والرااحه
بس سالفه 50 الف بعد 45 يوم كذب ومن الي يقولك اصلن 45 شهر ونص وانت بدورة تستلم مكافاءة مو راتب
وبعدين مايعطونك المكافاءة على طول يمكن بعد شهرين او 3
ومن الاخير معك واااااسسطه بتدخل غيرك دخل ونسبته 90 بواااسطه بعد

واذا كانك تبي الاحسن بالترتيب
1-الجووويه
2-الحرس الوطني
3-البحريه
اما الحربيه والدفاع الجوي والله انها ماهي حلوة وخر عنها اذا كانك تبي تدخل كليه

لن عملهم شوي متعب اخي والشخص يبحث عن الراحه لمعرفتي اشخاص فيها وافدتك بترتيب بالقطاع الي يكون فيه راحه ... اما السنبه ماعندي علم لكن ان شاء الله امورك تيسر توكل على الله وهو الي يوفقك ....