السلام عليكم

شباب أنا كنت شغال في شركة لمدة 7 وهي أول شركة أشتغل فيها ..

المهم قدمت استقالة واخذت ورقة الإستقالة مختومة .. وانحذفت من التأمينات في نفس يوم الإستقالة ..


بعد شهرين اكتشفت أن الشركة مازالت تدفع لي راتب لحسابي اللي ماكنت استخدمه الا مع الشركة نفسها ..

المهم انتقلت لشركة أخرى قبل كم شهر واعطيتهم ورقة اخلاء الطرف .. والحمد لله تم تسجيلي من جديد في التأمينات بالشركة الجديدة

الزبدة أن الشركة السابقة كلمتني أني قبل كم اسبوع اني ادفع راتب الشهرين اللي بعد الإستقالة

أنا قلت مع نفسكم .. مالكم شيء عندي .. (( الشركة اجنبية نصابة للمعلومية ))

قالو لي انهم راح يكلمون مكتب العمل والتأمينات ...



سؤالي هل يقدرون يسوووون شيء .. والا بس تهديد .. لأني أنا خلاص مسجل في التأمينات في الشركة الجديدة ..


لكن مكتب العمل من موقعم مازال يذكر اني مازلت أعمل لكن في غير المنطقة اللي انا فيها ..



تكفوووووون هل لازم أرد المبلغ والا مع نفسهم ..

تحياتي لكم ..

اخي الكريم

إياك والمال الحرام ,بري ذمتك منهم .

أنصحك أخي الكريم بأن ترجع فلوسهم لإن مالك أحقيه فيهااا مهما كان حتى لو ماشتكوا ! الله هو العالم وإليه ترجع الأمور .

الله يعطيكم العافية أخواني .. أنا معاكم .. بس هم كانو يستغلونني بحجة السعودة ...

وأكد لي زملاءي في الشركة ان أسمي كان مدرج للسعودة للفنرة كاملة بغير علمي ..

هذا تسيب وسرقة والا انتم عندكم رأي ثاني ..

أنا اقول أن الشركة استخدمت هالحركة مع بعض الشباب أيضا .. وهم راقدين في البيت لكن مسجلين في مكتب العمل بحجة السعودة ...


تحياتي لكم .. وأنا ودي أعرف ليش على طول تهديد وأنا متاكد أن ليس بيدهم شيء لأني مسجل في التأمينات من شركة أخرى ..

على العموم الجميع يعرف ويفهم أن هذا هو ديدن الشركات الأجنبية مع السعودي ..

السلام عليكم ورحمة الله وبركاته ..

شوف يا حجازي جنوبي
انت معك ورقه تثبت انك استقلت من عندهم وماله شي عندك وهم خسرانيين لانه اذا راحوا اشتكوا لمكتب العمل بيفضحوا نفسهم الرجال مقدم استقالة من تاريخ معين وانتي يا شركة ما اسقطيه ليه . بيدخلوا في متاهات . لكن حكاية ترد الفلوس وما تردها هذا شي بينك وبين ربك و استفتي شيخ فيها او صدقها اذا كنت تبي تقهرهم .وسلامتك .