السلام عليكم ورحمة الله وبركاته شباب أنا الصباح كنت فاضي المهم قلت ياولد وأشرايك مادق على الجوزات وأمن المنشئات وتشوف متى تقديمها قلت بسم الله خلنا نبدئ بالجوزات المهم كلمني اللي بالقبول والتسجيل قال بعد الحج راح يبدئ لأن فيه دورة راح تتخرج بعد عيد الحج بثلاثة شهور يعني بعد عيد الحج راح يبدئ تقديم الجوزات المهم قلت دامنا خلصنا من الجوزات أبغى أدق على أمن المنشئات المهم كلمني حق القبول والتسجيل قلت متى التقديم ياطيب قال أول شئ علمني أيش أسمك الأخ مدري أيس يحس فيه قلت والله أخاف تسجله عندك وتبلغ علي قال أوعد مراح أسوي لك شئ بس أبغى أسمك على شان أعلمك متى التقديم وخفت الصراحة قمت أرتعد والله قلت الحاير ينتظرني أذا هاذي أولها شكلي ماأبغى أقدم عليهم والمشكلة تلفون البيت باأسمي يعني راح أنكشف راح أنكشف قلت خلني أقول الحقيقة وعلمته أسمي قال أبغى بعد أسم أبوك قلت أسمي يكفي أيش تبغى باأبوي قال قولي أسم أبوك عشان أعلمك قلت أسم أبوي له قال أبغى قبيلتك قلت ياولد أيش السالفة ماتبغى رقم جوالي بعد قال بس قول أسم قبيلتك وأبشر اعلمك بوقت التقديم وعلمته قبيلتي وقال شوف (التقديم بعد العيد الحج شهر 1 أونص شهر 2) بس تكفون علموني أيش يبغى باأسمي ليكون بيسوي شئ والله أني كنت أبغى أنام وطار النوم من عيوني

كانك طعنتني بسكين وسط قلبي

ليش ماقلت له اي اسم ثاني وهو ايش بيدريه عنك وعن اسمك

الله يعينكـ تحمل عواقب خطاكـ

ههههههههه

لاتصدق

دعابهـ دعابهـ

^^^^
ليه لهذه الدرجه اصبح الاسم جريمه

احذف الموضوع الثاني ماله داعي

انت ماغلطنه عليه سالته سوال عادي يارجال العسكري اللي على تلفون فاضي ويبي يسولف معك هذي هي الزبده

هذه فقط طقطقة عســــٍــكر الله يسلمك

وفيه ألف شخص وشخص نفس اسسسسمك مش بس إنت صاحب الاسم اللي عطيته لك

يعني بالمملكه العربيه السعوديه إنت الوحيد اللي اسمك كذا

اكيد فيه اكثر من شخص نفس اسمك

بس ماعليك مثل ماقلتلك واحد شكله بالدوام حاط رجل ع رجل
وقال خلني اطقطق شوي

وصار اللي صار

موفق خير يالغالي

يارجال والله ماعندة غير الدجة طيب اخذ اسمك واسم ابوك وقبيلتك وبعدين وش راح يسوي يبلغ عنك يقول فيه واحد يبي وظيفة .

ههههههههههههههههههههههههههههه
هلآ أخوي
لاتخاف ولا شيء هذا العسكر اذا كان فاضي
يبي يسولف يعني ماعنده أحد وفااااااضي وهذا العسكر اذا فاضي اذا كان ماعندك خبرررر