اخــوـآني الله لايهينكم اللي عنده خلفيه بالشي هذا لايحرمني جوابه

انا قدمت ع الامن العـآم طبعا الرتبه جــندي أول

وكـآن موعدي بتاريخ 4/11/1432

يعني تقريبا قبل شهر موعــدي

المهم باليوم هذا كان عندي ضرف اللي هو بطـآقتي كنت بجددها ولازم انتظر اسبوعين

وماقدر اروح للامن العام وانا مامعي بطـآقه

الحين وش اسوي

اتصل عليهم والا كيف

تكفون علمــوني وش اسوي

بالتــآلي لو رقم اتصل عليه اي حاجه اللي عنده خلفيه بالشي هذا


ويعطيكم العــآفيه

اخذ صورة من البطاقة وارخصة وانشاءالله تمشي امورك واشرح لهم واضعك وانشاءالله
تتيسر امورك متى موعدك انت حق تسليم الملف؟

موعدي طوف كان بتاريخ 4/11 اللي طاف والحين مدري وش اسوي والله

هل اتصل عليهم واخذ موعد من جديد والا كيف الله يبارك فيك

لا خلاص الحين انا معي البطاقه ومعي كــل شي

البطاقه تم اخراجها من الاحوال معي كل شي واوراقي كامله

سواء إن الموعد فات علي وش اسوي الحين الله يجزاكم الجنه

هل اتصل عليهم اقولهم موعدي طوف صارله شهر والا وشلون

تكفون

الوثائق المطلوبة للتسجيل عند المراجعة بمدن التدريب

الوثائق المطلوبة للتسجيل عند المراجعة بمدن التدريب : 1.أصل بطاقة الأحوال المدنية 2.أصل المؤهل العلمي و صورة مصدقة من مصدرها 3.أصل شهادة حسن السيرة والسلوك و صورة مصدقة من مصدرها 4.عدد (6) صور ملونة حديثة مقاس (4 X6) كاشف الرأس 5.أملف ترتب بداخله جميع الأوراق المطلوبة أعلاه 6.صورة مصدقه من الدورات التخصصية بعد مرحلة الثانوية العامه 7.نموذج من الموعد محدد فيه اليوم والتاريخ للحضور إلى لجنة القبول ومن يتخلف عن الموعد المحدد يتم استبعاده ولن ينظر لمن لم يحضر ورقة الموعد

توكل على الله و اتصل عليهم و اخبرهم بالقصة كامله يمكن يقول لك تعال و لا لا

ما انت خسران شيء و الله يوفقك في الدنيا والاخرة يارب العالمين و الجميع

اخوي اسمع من الاخر رح لهم وخذ الموعد حقك
اهم شي عندهم انك مسجل عن طريق النت ويختمون ختم انك عن طريق النت
وعلمهم الامر اللي تاخرت عشانة والفرصة تجي مرة ولاتتردد هذا رزقك واللة يفوقك
موفق بإذن الله ... لك مني أجمل تحية .

بقولك الي صار معي شخصيا وشفته بعيوني

أنا قدمت على رتبه جندي اول عند التسجيل بالنت وانا استحق رتبه وكيل رقيب لان عندي كليه تقنيه
المهم رحت الرياض لان موعدي هناك

ويوم كنا ندخل المدينه الصباح كان فيه عسكري اخلاقه زفت على الباب يقول كل واحد يطلع ورقة الموعد
وإلي كان موعده نفس اليوم يدخله وإلى موعده مهوب نفس اليوم يقول توكل
المهم انا دخلت لاني جاي بنفس موعدي وفيه ناس كثير طردوهم والله مادري وش السبب بس كان مشدد على ورقه الموعد

دخلت وحولوني ع القصيم
رحت القصيم لقيت تعاملهم غير مع الموواعيد

فيه شباب مطوف موعدهم
يوم 28-11 جاي واحد موعده كان في 13-11 ودخلوه وخلص اوراقه

وفيه شباب موعدهم في شهر 12 وجايين ودخلوهم وخلصوا امورهم
وفيه شباب إلا اكثر الشباب جايين بدون حلاقه وجايين بثوب وشماغ ودخلوهم وخلصوا امورهم

يعني بالنسبه للقصيم بتدخل سواء طوف موعدك او تقدمت
بس الرياض والله ماظمن لك إنك بتدخل

إذا انت بالرياض رح وجرب حظك بس إذ ا بعيد عن الرياض مانصحك تروح وتضرب مشوار بعدين ترجع بدون فايده

وإذا طولك اقل من 168 لاتروح نهائيا لاي مدينه تدريب لانك ماراح تمشي حتى لو عندك واسطه
كل شيء ممكن يمشونه إلا الي طوله ناقص مايمشي

وسلامتك اخوي