السلام عليكم ورحمة الله وبركاته...!





بانت نجوم الصبح والي في عيوني من عصر
ماهوب دمعن لاتضايقت اتنهت واسكبـــــــــه

لا والله الا حلم رجلن عن طموحه ماقصـــــر
لو قصرت سود الليالي من يمينه وشنبـــــه

وانا لوني ماتعلـــــمت الهزيمــــــــه والنصــــــر
ما كان ذقت من الهوى القتال مره واعذبــــــــــــه

شاعر وعصري فاتني واعيش في اغرب عصر
لا الوقت وقتى والزمن مابيني وبينه شبــــه

لكن هنوفن مثلت دور العزيزه في مصــــــــــــر
قدت قميصي واسرفت في وصلها قبل انتبه

يوم انتبهت استشهدت ضدي بحراس اوقصر
قلت ارحمي عزيز قومن ذل وارخي منكبـــــــه

ماني نبي الله اقاوم حسن خصرك لا انصهر
انا بشر عبدن ضعيف اوكل برقن يجذبـــــــــــــه

قالت وهي توي تثني كن مافيها خصــــــــــر
الشعر ياضيدان ورث جدود ولا موهبـــــــــه ؟

قلت الشعر سحرن يسخرلي القلوب ويختصر
عمر المسافات الطويله والسنين المجدبـــــه

والحب شي"ن" لو حصرته في ضلوعي مانحصر
يطغي على حدب المحاني لين ابيحه واكتبه

وان علمتني الفاتنه اشلون اسير بلا صبـــــر
علمتها الفنجال واشلون اتحدى واشربـــــــه

وعلمتها اني كذا طال الزمن ولا قصـــــــــــر
وان اعذب الحب اصدقه وان اعذب الشعر اكذبه




كلمات الشاعر // ضيدان بن قضعان

والحب شي"ن" لو حصرته في ضلوعي مانحصر
يطغي على حدب المحاني لين ابيحه واكتبه


صح لسآن الشآعر ضيدآن ولآهنت ع النقل

يعطيييييك الف عاافيه سآهر

دمت بـ سعآده

يَ هلا و غَلا بَ اخوي "عآشق القمرآآ"

تسْعدْني دايمَن بمرُوركْ وردُودكْ .. لا خَلا ولا عَدَم ...!

صح لسانك
ابيات رائعه