خبر حلووو للتقنيين والمصدر (مطني وخوية

مطني · #11 (**permalink**) 12-11-2011, 05:23 PM

السلام عليكم ورحمه الله وبركاته

في البدايه احب ان اوضح لكم

انا فني صحي ولا لي في التقنيه ابدا ولكن حبيت ادخل الفرح والامل في قلوبكم

ولست انا من ذهب الي الخدمه المدنيه بل صاحب الموضوع الذي وجدته في احدى المنتديات

اليكم الخبر ولو انه لم يتطرق في موضوعكم كثير ولكن فيه بشرى خير ان شاء الله

(((السلام عليكم ورحمة الله وبركاته

وكل عام والجميع بصحه وسلامه

أخواني ذهبت اليوم في الصباح الباكر الى المطار لتوصيل اخوي فوجدت بالصدفه مدير فرع الخدمه يريد السفر أوقفته وسلمت عليه لأن بينه وبين أحد أخواني صداقه .. فسألته عن الوضع فقال لي أنه مسافر الى الإمارات لأن هناك مؤتمر يريد أن يحضره .. وأيضا سألني هل طابقت بياناتك قلت نعم قال أجل راح تتوظف قلت طيب وش معنى تقول بتوظف بدون ما تسأل هل انا من جداره أو غيرها وكم معدلي ومتى تخرجت قالي الكل راح يتوظف والكل بيتعين .. قلت طيب يمكن أكون خاص ؟؟ ابتسم وقال لا تخاف ان شاء الله حكومي

الرجال كان مستعجل وودعته ورحت ركبت سيارتي ومليون سؤال وسؤال يتبادر الى ذهني حتى توقفت عند الفرع ..

دخلت وقابلت سكرتير المدير في تمام الساعه 8 .. استقبلني استقبال حار ورحب فيني .. ( استغربت استقباله ) وجلسني في مكتبه وقلت له ابي اعرف وضعي واعطيته رقم السجل المدني

( طبعا أنا متخرج من معهد عام 1428 صيدله معدل 94.54% )

بعد ما شاف المعلومات قال انت مسجل في جداره قلت ايه وقبل جداره سجلت مرتين وطابقت مرتين والثالثه بعد رمضان !!!
قالي معاك رقم الطلب قلت ايه قال لا حق جداره قلت انا مو من جداره انا قبل جداره قال لا انت من جداره !!!! واعطاني رقم طلب .. قلت كيف كذا قالي انت مسجل في جداره واي واحد سجل في جداره له رقم طلب قلت ورقمي الاول قال شطب عليه!!

قلت اوك متى بتعلنون الاسماء ؟
قالي هاليومين .
قلت طيب باين عندك في اي دفعه انا حكومي او خاص ؟
قال ابعطيك شوية معلومات الامر الملكي يقول 14000 وظيفه صح ؟ بعد الامر الملكي حصرت الوظائف من الوزارات وتخيل تجاوزت الشواغر الـ 30000 وظيفه حكومي !!!!! يعني افهمها !!!!!!

وقالي بعطيك معلومه ثانيه اللحين شغالين في ترشيح 7000 معلم وبعد المعلمين نشتغل عليكم (([mark=#CC0000]وبعدكم نشتغل على الفنيين التقنيين [/mark]!!))
قلت يعني احنا متى قال اتوقع بعد تاريخ 15 - 1 - 1433 !!!!

قلت قبل شوي تقول الاسماء بتنزل هاليومين ؟؟
قال ادري بس الترشيح بعد هالتاريخ لأن بالعربي ما نبيكم تلحقون على علاوة هالسنه
قلت طيب الامر الملكي يقول قبل تاريخ 2 - 1 لازم تكونوا منتهين ؟؟
قال صحيح واحنا انتهينا وبنعلن الاسماء لكن الترشيح بعد 15 - 1 ..!!!

قلت له وبهالمنطق ((( وربي أنك لحست مخي ))) ضحك وقال ريح بالك امورك تمام

وطلعت من عنده ما ادري وش السالفه !!!!!!

هذا اللي صار معي اليوم وحبيت اشارككم فيه والله يعيننا والله يكتب لنا اللي فيه خير))))

دعواتكم لي بالتوفيق