أسعد الله مسآكم ياللي ملكني غلآكم في الله طبعاً

كيفكم يالشعب البطآلي وإش أخباركم .. ومبروك للي توظفوا وللي تخرجوا وانظموا للبطالة

بدخل بموضوعي ~
عآد يآ أعضاء جدة .. انتوا عارفين التحذيرات اللي أعلنوها الأرصاد انو بكره الإثنين بداية موسم الأمطار على حبيبتنا جدة
طبعاً الأحياء المتضرره معروفه ~ حي قويزة ومخطط المساعد والسامر والأجواد والتوفيق
لا والسنه هذي الأرصاد يقولوا انو ممكن يتضرر حي الوزيرية وزي ما انتم عارفين الوزيرية بكبره
وآدي تتجمع فيه السيول إلى غليل عشان تروح البحر
ومن الأخبار الهامه اللي شفتها في الجريدة انو مديرية الدفاع المدني مجهزين حآلهم
ونسقوا مع وزارة المآلية بخصوص اسكآن المتضررين مستقبلاً <<هم يضحك وهم يبكي


ولا أنسى حبيبتي جآمعة الملك عبدالعزيز أول الغارقين ~ <<الله لآيقدر

بكرة عندي دوآم في مركز الأبحآث
وعآد أنا خايفه أغرق بصرآحه فـ عشآن كذا مني مدآومة
لا واليوم الدكتور يتفق معانا على موعد الإختبار قال يوم الثلاثاء طيب يا شابات
أنا قلت له لآآآآآآ
قآل ليه
قلت له وإذا جاء المطر الإختبار في ايش بينفعني
قآل والله وجهة نظر يعني ماتبغوا تختبروا كله خوف من المطر هآااا
قلت له ايوه
قال خلاص الثلاثاء مافي اختبار ... >> وجهي بعدها صار كذا
بعدين قال الخميس عندكم دوآم
قلنا له وإذا جانا مطر ...
قآل أجل بكلمهم يعطونا إجازة التيرم هذا عشان المطر
>> يستخف دمه الدكتور بس ماعليه لأنه سعودي عآدي .. لكن لو مصري كآن نطينا في وجهه

عآد قررت مابدآوم يوم الإثنين ولا الثلاثاء ~
بس لآزم دوآم الخميس عشان المعآمل في قسم البنين وماينفع نأجلها نهائياً لأنهم يفضوا لنا الكلية من الطلاب يوم الخميس وندخل نحنا معاملهم نشتغل عليها
..

انتهت القصه هنا ~


سؤالي ~ تتوقعوا يجينا مطر ؟ قصدي سيل أسود زي السنة المآضية واللي قبلهآ ؟؟

ملآحظة ~ غريبه ابو فجر ( قاصر الشر) ما نزل لنا تحذير ولا شي <<برآ


..

سآمحوني طولت عليكم وآجد

يلآ برب أفرش اسناني وأنآم ~ تصبحوا على خير ~ نوم تآيم

واذا مآ عآد شفتوا لي حس وإلا طله وإلا زيارة وإلا اللي هي ~ سآمحوني وحللوني
يمكن اني أروح غريقة ~



في أمآن الله