السلام عليكم

انا طالب بجامعة عبدالعزيز مسار علمي سنة تحضيرية
المهم وضعي ماهو اوكي
يعني بصراحة احسن اني ما راح اخلص السنة بالمعدل اللي يدخلني الكلية اللي اطمح لها
واشوف نفسي اقل منها

تعبت من الرياضيات و الفيزيا

للمعلومية انا من الشرقية بس ما قبلني بالمسار العلمي الا جامعة عبد العزيز و القصيم
نسبتي
الثنوي 92
القدرات 77
التحصيلي 70

وشهادتي لها سنتين


ابي اراكم لاني من خلصت الثانوي و اخذت قرارين مصيرين
وطلعت كلها خطأ

يعني بصراحة ما عدت اثق بقراراتي ابداً

ابي المشورة
تكفون كل واحد يتخيل نفسة مكاني
وش يسوي ؟

والله لو تدرون عن مستوى الحيرة عندي
كان ممكن تبكون تعاطفا معي

اخاف اسحب على عبدالعزيز و اجي للجبيل و ما اتوفق فيها
نفس ما قلت هذي السنة الثانية لشهادتي
يعني دراستي بالجبيل راح تكون السنة الثالثة

صلاحية الشهادة ثلاث سنين و تنتهي
اخاف اني ما اتوفق بالجبيل بعد
و تكون الضربة القاضية بالنسبة لي
يعني حتى العسكرية ما اقدر ادخلها بسبب << انتم اعرف




والله من الحيرة تجيني نوبات بكاء افرغ فيها عن نفسي
حتى صلاة الاستخارة كانت وراء الفشل باتخاذ الخيار الصح بالقرارين اللي غلطت فيهم

يعني لا عدت اثق بنفسي ولا بصلاة الاستخارة
استغفر الله ان كان في كلامي خطأ

استغفر الله العظيم اخي العزيز
كلية الجبيل الصناعيه مستقبل حلو جرب سجل
العسكريه ماعليها حسافه نظام تعذيب مايروح لها الامضطر لو ماقبلوك خير لك
جامعة الملك عبد العزيز حاول تكون مثابر مثابر فيها تخصصات كثيره ومتنوعه خصوصا الصحيه هذي الر زق اللي في ايدك الحين تمسك فيه انتبه لاتضيعه من ايديك انصحك تكون متفائل ومتحمس والله يوفقك

نسيت اقولك عود نفسك الاجتهاد وصبرها
الجبيل الصناعيه تحتاج مذاكره والجامعه ولكل مجتهد نصيب
انت انسان ذكي والدليل نتائجك حلوه في الثانويه والقدرات والتحصيلي

مع الاجتهاد تحتاج التوفيق من الله

بسم الله الرحمن الرحيم

أولاً ياا اخووي اذاا انت سجلت وقبلت في كلية الجبيل انصحك انك تدخلها لان مستقبلها احسن من

جامعة الملك عبد العزيز

وانت استخيرر ربك

< مو داخل عشان يقارن بين جامعه الملك عبد العزيز او كليه الجبيل

حآب اقولك شي واحد بس

قبل تدخل اي شي اسال الشهاده الي راح تحصل عليها ( بكالوريوس ) او دبلوم عالي

اذا دبلوم عالي لاتدخل

وعليكم السلام ورحمة الله وبركاته
اخوي كليه الجبيل الصنآعيه 2 من عيال خآلي متخرجين منهآ قبل 2سنهِ ولحين كل واحد رآتبه فوق الـ 13الفِ وكلهم في سآبكِـِ مسآر تقنيِ وواحد اداري.... وهي كليه لهآ مستقبل زآهر وهي تعطيك الجآمعيه المتوسطةِ....
في تخصصات تمنحك الكليه فيهآ درجه البآكآلوريوس مثل : تقنيه الهندسه الكيميائيه....وتقنيه الهندسه الميكانيكية...الخِ تقريبآ 4 تخصصآت فقط للبآكآلوريوس وهي فقط تقنيهِ.... الدرآسه كلهآ آنجليزي ولآيوجد عربي آبدآ آبدآ وهذا نضآم الكليه ولآحرف عربيِ......) وعندك المسآر الآدآري وتخصصاته محاسبه...اداره مكآتب...الخِ وهذا ايضآ كله انجليزي ...وسبب جعل الدراسه كلها انجليزي عشان تزيد نسبه قبولك عند الشركآت الكبرى.... الدراسه فيهآ صعبه والطلاب متخوفين منهآ لدرجه ان الي يتم قبولهم حوالي 1500طآلب ولي يتخرجون حوآلي 300طآلب( اغلبهم انسحآب )
انا كنت ادرس فيهآ ووالله العظيم لولآ ظروف مرت علي وقتهآ مآ تركتهآ آبدآ...
اذا انت رجآل للغتك حلوه وهمتك عآليه روح لهآ.... افدتك بالكليه اما الجامعه مآعرف شي عنهآ....
وصدقني لو تضع ثقتك التآمه بالله عز وجل وتوكل آمرك للذي خلقك ولم تكن شيئآ رآح ييسر امرك...
توضأ وصل استخآره بخشوع ومن كل قلب ورآجيآ من الله التوفيق وآمدد يدك للهِ فلن يردك خآئبِ....
موفق يآخويِ ...وآسف على الآطآله تقبل مروري

يالغالي انا من طلاب كلية الجبيل و اخر سمستر لي ..
بحكم انك مو متوفق بجامعة الملك عبدالعزيز مالك الا الجبيل ..
لو انك ماشي اوك بجامعة الملك عبدالعزيز انا انصحك ما تتركها لانها تقدم البكالوريوس على طول بعكس كليتنا الجبيل تعطيك دبلوم اول و اذا حبيت تكمل بعدين في تسجيل مرة ثانية ..

طبعاً كلية الجبيل لها مستقبل مهني بشركات الشرقية كلها

طبعاً بعطيك معلومة و الكثير يتسرع فيها في قبول كلية الجبيل كثير يترك جامعته او دراسته على طول عشان خاطر الجبيل و يتوهق في الفحص الطبي بوجود عمى الوان و يتم تحويله للمسار الاداري .. فا اذا كنت واثق من نفسك ومن نظرك و خلوك من الامراض حياك الله .. و طبعاً اذا عند جامعتكم نظام استعارة للشهادة جرب استعيرها اول او وقف قيد وجرب !