هل هذا يعقل!!!!!

من لي بعدك يبه · #1 (**permalink**) 26-11-2011, 01:39 AM

السلام عليكم

كل عام وانتم بخير وصحه وسلامه ويجعلها ربي سنة خير علينا وعليكم
وتتحقق جميع امنياتكم

ابي رد تكفووون مابي اروح للضمان واقابل انفوسهم الشييينه كني اخذ من حلالهم

لاحول ولاقوة إلابالله

احنا خمس اشخاص ثلاث بنات وامي واخوي
ناخذ من الضمان 1000ريال فقط !!! واحنا ايتام الله يرحمك ياااابوي ليتك موجود

والتقااعد حسبي الله عليهم نزلو راتب التقاعد صار يجني 1000 ريال فقط
طبعاً نقصة حق اختي المطلقه وزوجة ابوي

فيه ناس نعرفهم بس اب وزوجته وبنته ياخذون 1500 من الضمان

طيب احنا بكذا صار يجنى 2000 ريال طبعاً مع السله الغذائيه الي بعض الاحيان تنزل وبعضه لا
بالله هذي وش بتكفي اخوي يدرس بكلية خدمة المجتمع بدون مكافئه واختي كذلك
واختي الثانيه الحمدالله لها مكافئه بسس الجامعه تكسرررر الظهر من الملازم والكتب
ومواصلات واخوي بنزيين كل يوم

لكن هل تحسوون ان الضمان غلطانين او كذا حقنا طبيعي
هل فيه احد كثرنا وينزلها 1000 فقط

وسوألي الثاني انا ووووودي افتح مشغل هل تتوقعووون ان الضمان بيساااعد لاني انا معي شهادات تجميل لاني سمعت انو فيه دعم للأسر المنتجه
والي يعرف جهه تدعم الايتام او الاسر المنتجه يساااعدني

والمساعده المقطوعه هل كل سنه ولا بعد ثلاث سنوات مره

ريال الفسحه · #2 (**permalink**) 26-11-2011, 03:08 AM

دام لكم معاش تقاعدي راح يخصمونه من جدول الاعانات الشهريه للمستفيدي الضمان يعني مثلا المستفيدين رسمي من الضمان اذا كان عددهم خمس اشخاص يمشي لهم راتب من الضمان 1998 ريال واذا خمس اشخاص راتبهم التقاعدي الف ريال ينزلون لهم راتب الف ريال تقريبا عشان يتساوى المبلغ مع الجدول اما بالنسبه للناس اللي تعرفينهم اب وام وبنت ويمشي لهم 1500 ريال اكيد ماعندهم تقاعد او دخل ثابت اتمنى اني وضحت لك الصوره بشكل مفهوم والمقطوعه لها شروط اذا كانت تنزل لكم كل ثلاث سنوات اللحين صارت كل سنه الواحد يقدر يقدم عليها اما سؤالك عن الدعم بصراحه اسمع عنه بس ماشفت شي واكيد له شروط وكفيل واهم شي الواسطه امممممممممم ويمكن ياخذون 50بالميه من ارباح المشغل هههههههه امزح معك

مابقيتو لي أسم · #3 (**permalink**) 26-11-2011, 05:21 AM

والله ياحبيبتي انا واخواني٣اشخاص ومايجينا من الضمان الا٦٠٠ريال
والتقاعد١٤٠٠ريال
والله حالتنا حاله شكلتا نسخه طبق الاصل من حالتكم
لكن الحمدلله ع كل حال

بلسم جراحي · #4 (**permalink**) 26-11-2011, 08:10 AM

وعليكم السلام ورحمة الله وبركاته
وانتي بالف صحه وعافيه اللهم اجعلها سنة خير على الجميع
وسوألي الثاني انا ووووودي افتح مشغل هل تتوقعووون ان الضمان بيساااعد لاني انا معي شهادات تجميل لاني سمعت انو فيه دعم للأسر المنتجه
والي يعرف جهه تدعم الايتام او الاسر المنتجه يساااعدني

يمكن الفكرهاليوم مو جديده لكن أكثر الناس اللي يخصها الأمر ماأستفادت من هذه الفكره الليهدفها الانتقال من عالم البطاله الى عالم التجاره الحره
الفكره بسيطه وسهله يكمن الاستفاده منها
في مبلغ يقدمه الضمان الاجتماعي تحت مظلة مساعدة برنامج الأسرالمنتجه
لكل من يستفيد من الضمان الاجتماعي أو يستفيد والده أو أسرته وطبعاالأعداد اللي تدخل في هذي الفئات مهوله من العاطلين والعاطلات
الدعميكون له شكلين
في مشاريع منزليه

مثل بيع العطور
بيعأدوات المكياج
شراء فساتين مناسبات وتأجيرها
كمان ممكن لعاشقات بيع العباءات والثيابالخليجيه
بيع المستلزمات النسائيه وهذي ممكن تنفع كثير تاجراتالنت
طباعة البحوث الجامعيه والمدرسيه خدمة الطلبه بمعنى أوضح
فتحمشغل نسائي صغير داخل المنزل
ولعاشقات التجميل لاتفوتكم الفرصه
المبلغحلوا في المشروع المنزلي ممكن يوصل 15000 مبدئيا وغير مسترد يعني ماتخافي أنك ترديالمبلغ لو خسرتي
الأهم هنا أنك ممكن تبيعي أرخص من السوق بكثير وبعد ماتشتهري
ممكنتستفيدي من الدعم الأخر وبنفس الوقت راح يكون عندك زبائن ومبلغ مذخر من المكاسب فيالمشروع الأول
الكل يقول أيش الطلبات وأكيد صعبه
أنا أقول لا قدمي طلب لأقرب مكتببالمشروع اللي تبيه ومعه عروض بأسعار البضاعه اللي تبيها من أي محل وعالطول راحيصرفون لك المبلغ

2/دعم لمحلتجاري
يعني مثل المحلات التجاريه الخاصه بالنساء
ممكنبرنامج للتجميل أو التنحيف والمحافظه على الرشاقه
والدعم هنا يوصل لين 30000 ريال
كمانغير مسترد
المشاريع كثيره برأسي وبكمل لكم في الأيام الجايه
للموضوععندي بقيه بس أبي تفاعل منكم
مهم جدا
عمر المتقدممايقل عن 20 سنه ولا يزيد عن 65 سنه
يجب أن يكون المتقدم من مستفيدين الضمانالاجتماعي أو مرافق مشمول لمستفيد في الضمان الاجتماعي مثل المشمول مع والده ووالدهمستفيده من الضمان أو المشمول مع أسرة أيتام والدعم موجهه للجنسين أذا أنطبقتالشروط
يجب أن يعملصاحب المشروع بنفسه في المشروع ولا يسمح بالاستعانه بالعماله الاجنبيه

منقووووووووووول من اخينا باحث اجتماعي
اما الشروط :
الذهاب الى اقرب مكتب للضمان ومعك معروض بمشروعك+قائمه بالاسعار
ولايشترط مشروع قائم
والمساعده المقطوعه هل كل سنه ولا بعد ثلاث سنوات مره
اصبحت كل سنه
دمتي بحفظ الرحمن