بخصوص التقديم على المساعده بالموقع تكفون ساعدوني

رغم الجروح · #1 (**permalink**) 27-11-2011, 05:57 AM

السلام عليكم ورحمة الله وبركاته
انا قدمت للوالد بالمساعده عن طريق الموقع وجيت المرحله الثانيه وهي بيانات المرافقين
المهم مكتوب جنب السجل المدني للاب هل قصدهم ابوي والاقصدهم سجل ابوه اللي هو جدي وجنبه السجل المدني للام هل هم قصدهم سجل امه جدتي والا امي اللي هي زوجته لان هو رافق زوجته بالكرت وش دخل امه وابوه يكونون مرافقين اللي اعرفه عائلته هي المرفوقه انا كتبت السجل المدني حق ابوي واللي جنبه الام اللي هي زوجته وتحته الاسم الاول والثاني والثالث والرابع هل قصدهم اسماء عياله والا الاسم بالكامل انا كتبت اسم الوالد بالكامل تكفون هل اللي كتبته صح لو خطا كان مكتب لي صحح الخطا وبعدين رحت للمرحله الثالثه وخلصت وبعد ماخلصت كتبوا لي راح نرسل رقم الطلب بالايميل والجوال هل معلوماتي غلط واذا غلط كيف اعدل والا اقدر اسجل من جديد وطيب كيف يعطونه مساعده وهم مايعرفون كم عدد اولاده والا السجل المدني يكفي ساعوني والله اني في هم وماراح انساكم من الدعاء بجوف الليل اعرف والله اني دوختكم بالاسئله وشوشتكم بس ماعرف احد يفيدني كثركم يالغااااااليييين وشكرااا

مستفيد · #2 (**permalink**) 27-11-2011, 06:23 AM

ياعزيزي / تقول قدمة عن طريق الموقع طيب لو سمحة وش رقم الحساب* الدولي حطيت رقم البطاقه الطويل يقولي خطا

خالدعنتر · #3 (**permalink**) 27-11-2011, 06:10 PM

طيب لو سمحة وش رقم الحساب
رقم بطاقة الضمان
او افتح حساب في البنك

زورق الايمان · #4 (**permalink**) 27-11-2011, 06:27 PM

طيب والي ناسي متى بالضبط استلم المساعده ماذا يفعل وكيف يتذكر

عواجي ديباجي · #5 (**permalink**) 27-11-2011, 07:19 PM

نصيحة من مجرب التدقيم عن طريق الموقع غير مضمونة الافضل تروح تقدم من مكتب الضمان وانتا المخير باتوفيق

عطر آنجل · #6 (**permalink**) 27-11-2011, 11:04 PM

وانا كمان لما ادخل رقم الحساب الدولي
مبتدائه SA07.........
يطلع لي غلط حتى اني شلت SA ونفس الششي غلط
ماني عارفه ايش المششكله

أم صقر حرب · #7 (**permalink**) 27-11-2011, 11:50 PM

يمكن رقم حساب بطاقة الضمان لان المبلغ ينزل عليها

سسساري · #8 (**permalink**) 28-11-2011, 01:01 AM

اللي عرف رقم الحساب الدولي لايبخل علينا يفيدنا .
لأني جربت حساب الضمان وحساب شخصي والنتيجة خطأ .

غريبه في هالدنيا · #9 (**permalink**) 28-11-2011, 01:41 AM

اخواني تاكدو انو الرقم الايبان يدخل بالانجليزي وحروف كبيره يعني كبيتل

المشكله في الرقم حق الايجار يطلع خطاء في الصيغه من يعرف يبلغني وجزاكم الله كل خير

رغم الجروح · #10 (**permalink**) 28-11-2011, 04:29 AM

انا كنت مثلكم قبل يجي الرقم ناقص ومايكمل معي بس قبل ماضغط على متابعه جربت مثلا رقم اي رقم مثلا 1 وعلقت عليه لين مايوصل 24 ويعبي الخانه ولمى عبى كتبت رقم الحسااااب بسرعه عادي لو ماتكتب sa ومافيه مشكله لو تكتبها انا من العجله ماكتبتها خخخخخخ مسرع وترى الغلط ماهو منك يمكن من الموقع لانه الرابط توه جديد مايمديهم حدثوه زين المهم اذاصرت تعلق على الرقم 1 لين يجي 24 اللي هو عدد رقم الحساب وبالنسبه بعد لقيمه الايجاار عقدني لين ماكتبت اي رقم وقبلوووووه واللي يصير يصير ويش نسوي الظاهر يقبلون التاليف خخخخخخخ هذا اللي انا سويته وعلموني ويش يصير معكم تكفون ولا تنسوني من الدعاء بس هاه انا دخلت ادور الجواب عندكم لقيت انا اللي اجاوبكم عاد دورولي حل لمشكلتي وانت ماتقصرون كريمين وطيبين وانا استاهل هههههه

بخصوص التقديم على المساعده بالموقع تكفون ساعدوني

الضمان الإجتماعي

السلام عليكم ورحمة الله وبركاته انا قدمت للوالد بالمساعده عن طريق الموقع وجيت المرحله الثانيه وهي بيانات المرافقين المهم مكتوب جنب السجل المدني للاب...

بخصوص التقديم على المساعده بالموقع تكفون ساعدوني

تسجيل الدخول

بخصوص التقديم على المساعده بالموقع تكفون ساعدوني

الضمان الإجتماعي

السلام عليكم ورحمة الله وبركاته انا قدمت للوالد بالمساعده عن طريق الموقع وجيت المرحله الثانيه وهي بيانات المرافقين المهم مكتوب جنب السجل المدني للاب...

بخصوص التقديم على المساعده بالموقع تكفون ساعدوني