30-11-2011, 01:18 PM
|
 |
عضو سوبر
|
|
تاريخ التسجيل: Feb 2011
الدولة: ابها
المشاركات: 422
معدل تقييم المستوى: 217874
|
|
طريقة تعبئة بيانات الدخل بحافز للي مسجلين بالضمان والتأهيل
السلام عليكم ورحمة اله وبركاته
اخواني الموضوع عن حافز وعن ادخال بيانات الدخل
انا ماجتني رساله ولا شي دخلت الموقع ولقيت بيانات الدخل موجوده
حطيت على كل خانه صفر ماعدا خانتين جايه مضلله ولا اقدر اكتب أي قيمه عليها اللي هي السادسه والثامنه .. قمت اتصلت على الرقم المجاني لحافز 920011559 وردت الموظفه وقالت ان الخانتين مضلله من لحالها بس بمجرد ماتكتبين الخانه الخامسه راح تنحط القيمه تلقائيا في الخانه الثامنه
وسألتها وش نكتب في الخانه الخامسه يعني نكتب القيمه الشهريه والا كل اللي استلمناه في السنه من مساعده مقطوعه وغيرها
قالت لا اكتبي بس اللي تستلمينه شهري شوفي كم يطلع لك المبلغ بالسنه واكتبيه
قلت طيب ومن ناحية اللي مسجلين -بالتأهيل الشامل- قالت نفس الطريقه اللي فهمتك
ومن ناحية الخانه السادسه على كلامها ان الوزاره نفسها هي اللي راح تحط القيمه بهاالخانه ومو شرط اننا نكتب فيه شي
سويت نفس الطريقه اللي شرحتها لي وسويت ارسال طلب وراحت وماحبيت ابخل عليكم بالطريقه
ومو شرط تنظرون الموقع يرسل لكم رساله عشان تعبونه اللي يلقاه يخلصه على طول
انا وضحت لكم الطريقه بصوره على حسب شرح الموظفه لي
طبعا الشرح بيكون للخانات الخامسه والسادسه والثامنه وباقي الخانات لو ماهي متوفره عندك نحط القيمه صفر
اول شي نشوف كم يجينا شهري سواء الضمان او التأهيل .. مثلا
( لو يجينا من الضمان 862 شهريا نضربها بــ12 شهر يصير الناتج = 10344 )
ناخذ الناتج وتحطه بالخانه الخامسه
اما من ناحية التأهيل مثلا
(لو يجيك 1160 نضربها بـ12 شهر يصير الناتج =13920)
ناخذ الناتج وتحطه بالخانه الخامسه
واول ماتحطه على طول يقسمها شهري وتنكتب بالخانه الثامنه
طبعا اللي تستلمونه من حافز هو الباقي يعني لو حسبنا اننا تستلم من الضمان 862 شهريا نضربها بـ12شهر يصير الناتج =10344 ريال
واللي يجينا من حافز 24 الف اللي هي 2000 ريال شهريا ننقص من الــ24 الف الـ10344 ريال يصير الناتج 13656
نقسمها على 12 شهر يصير الناتج 1138 وهذا اللي تستلمونه شهري ونفس الشي للتأهيل الشامل شوفو الناتج هو اللي راح نستلمه من حافز
معليش طولت عليكم بالشرح بس حبيت اشرح لكم بالتفصيل الممل
اتمنى يكون الشرح واضح مابي منكم غير الدعاء
منقول من أم مشاري
ومن منتديات الشئون الاجتماعية..
|
العرض العادي
