هنا صرخه تستغيث ولكن العجب انه هذهي الصرخه ليس بالصومال ولا لبنان هذهي الصرخه من بلاد الحرمين هل لها من مجيب !!!

السلام عليكم
اخواني الاكارم اكتب لكم عن عائله سعوديه من صوماليه للاسف
قبل ايام كنت بطعم طفلي فشفت بنت صغيره و هزيله وملابسها رثه تجلس الى جواري في المركز الصحي في حجر امها عمرها تقريبا سنه سألت ليش كذا قالت والدموع تذرف من عينيها و يبدو انها جت على الجرح .... (خليها على الله) و بعد الحاحي اخبرتني قالت والله اني ما اعطيها الا حليب نيدو من حق الكبار طبعا نيدو تقصدبه الخير الرخيص
قالت انها يتيمه تزوجت هربا من جحيم زوج الام لتقع في براثن الحاجه لديها اطفال اخرون زوجها غير موظف لعدة اسباب منها السمع ضعيف فكل ماتوظف يفصل بسبب هالامر وايضا ماعنده شهاده حتى ابتدائي رغم انه لايزال في الخامسه و الثلاثين و لكن ابوه فصله من المدرسه ثاني ابتدائي ليخدم زوجته الجديده انذاك
اضافه الى انه (الزوج)عقليته تقول غشيم بشكل مهوب طبيعي.

المهم عندهم اولاد و الحظ نحس و تقول لولا الالاد كنت اشتغلت انا لو خدامه باليوميه
<<<< برافوا ايها المسؤلون و يابلادي واصلي وصلنا انه سعوديات يتمنين يشتغلن خادمات(ما ينلامون الخدامات اللحين ياخذن اكثر من الموظفين)


كسرت خاطري قلت طيب الضمان و التأهيل الشامل
ضحكت بمراره و هي تقول ما خلينا شي ما سويناه

التأهيل كشف عليه و يقولون اذا صرت اصم نهائيا تعال ما يصلح جزئي..
و الضمان راحت له قالوا لها لازم تتطلقين والا تترملين والا زوجك يدمن مخدرات و يخش سجن و يطلع او تشتكينه عند الشيخ انه هاجركم!!!!
شفتوا اللعانه؟
قلت لها طيب في الضمان قسم للحالات الاستثنائيه؟
قالت مدري تعاملهم معي كان مذل اشحذ و لا ارجع لهم
قلت طيب زوجك ما طلب كشف طبي يمكن يصرفون لكم؟
قالت الا طلب و حولوه لمستشفى فيصل وارسلوه لعبدالعزيز كشف عليه الدكتور وقال نسبتك في السمع ضعيفه بس ما هي النسبه اللي تدخلك الضمان وكل مالك في تدهور استنى سنه سنتين وتعال اكشف!!
ومع هذا كتب له سماعات من عند المخلص للسماعات ب5000 ريال!


على فكره هي تقول ابو زوجها توفى وترك ورث لهم اللي هو سيارتهم والبيت بس السياره والبيت ماتحتاج مصروف؟ سالتها عن البيت قلت تمام قالت وياليته متشطب زي الناس لسه ما اكتمل بناءه وفي الشتا نتبهذل حتى كهرب مافي بس ساحبين سلك من الجيران
ولماجيت اسال نادوا رقمها وخشت للدكتوره
فاللي حز بخاطري وقلت كيف بتصرفون هالمده هذا اذا عطوكم وجه اصلا!!
عندها تذكرت امور واحد يعرفه زوجي عمره فوق60 يقول زوجي مسجل بالضمان وكل اللي ياخذه يصرفه عالحشيش و الداعرات!!!!

و انا شخصيا اعرف وحده توفى زوجها و رثت من وراه 40 مليون ماخلصت الحداد الا وهي مقدمه على الضمان
وغيرهم من اصحاب الملايين كثير بس تتطلق بنته الا وقدم لها على الضمان..
عجبا والله لقد اوكلت الامانه لغير اهلها ...

المهم انتظرتها حتى خرجت وطلبت رقمها قالت ما عندي خذي رقم زوجي
قلت يمكن اساعدها والبركه فيكم اي واحد تاخذه الحميه وله احد بالشؤن ويقدر يساعد لايتاخر مانبي صدقات نبي من بيت مال المسلمين لهم ولامثالهم


اللي يبي يساعد في موضوع الضمان تحديدا او يزبط لهم موضوع الكشف يطلب الرقم ورح اعطيه اياه عالخاص
وشكرا

لا حول ولا قوة الا بالله.... الله يعينهم ويساعدهم والله مايضيع احد

لآحول ولاقوة إلا بالله والله العجب العجاب من هذه القصص المحزنه كان الله في عونهم .. واجرك عند الله اخي العزيـــــــز .....

بسم الله الرحمن الرحيم يأخي المستشاراتمنى ترسل لي معلوماتهااو عنوانها او حتى رقم التلفون

لا حول ولا قوة إلا بالله الله يكون بعونها ويغنيها ,,
الله يجزاكـ خير وربي يكتب اجركـ ,,

لاحول ولاقوة الابالله
مثلهاكثيركلن صاك عليه بابه ومايندرى عن حاله
أختي طيب ماقالت لك إذاكانت قدمت على جمعيات البر
وهي بأي منطقه..الله يفرج همهاوهم جميع المسلمين

__________________
"لله دُر أمي إذا ابتسمت
تهادت جروح قلبي والتئمت"

[align=center]لا حول ولا قوة إلا بالله طيب ترسل حالتها هاذي بالوصف هاذا للديوان الملكي بس تقول حالة مستعجلة جدا ولا تروح لجمعية إنسان او جمعية اخرى مومعقولة مايساعدونها كلها [/align]
والله ودي اساعدها بس ما باليد حيلة

هم مايبون مساعدات ماديه يبون طريقه لمساعده لتسجيل بالضمان واذا فيه احد يقدر يساعدهم مثل الاستاذ سعودي متقاعد او الاستاذ باحث اجتماعي او الاستاذه خير ربي كثير يقدرون يحصلون حل لتسجيل هذهي العائله بالضمان وشكرا لتفاعلكم مع الموضوع

اتوقع ان نائب مدير الضمان له موقع في الفس بوك يمكن ترسلون له رساله لعل وعسى

لاحول والاقوه الابالله يعني الواحد اذا يبي يعيش لازم يفقع عيونه والا يشوه نفسه علشاان يقبلونه بالضمان اصلا الضمان ماسوه الا لامثالهم مو للاغنياء الطاغين ماشبعوا من هالدنيا لا ويبون ياخذون حقوق ماهي حقوهم الغلط من اللي موضفين بالضمان وغيره ماعندهم رحمه او مايبقلون الابخشيش اواسطه من عندهم حسبي الله عليهم للاسف هذا اللي حاصل بمجتمعناااا مااقول الا كثري من الدعاء والله هو الرازق لااحد سواه الحي بالدعاء وكثري من الاستغفاااار وسوف ترين العجب العجاب وسوف يغنيك الله من فضله والله معااااااكي ياختاااااه ودعواتي لكي