يا أعضاء المنتدى أبي رايكم وشوركم

أمل مشرق · #1 (**permalink**) 02-12-2011, 05:19 PM

السلام عليكم ورحمة الله وبركاته
بطرح لكم قصتي وعطوني حل لها ورأيكم الله يسعدكم
أنا موظفة في قطاع خاص وتوني موقعة العقد منذ أسبوع ونص
قبل هذا كنت عاطلة ومسجلة في حافز منذ أن أعلن عنة خادم الحرمين أطال الله في عمرة
المشكلة :
راتبي هو 1100 ريال فقط لاغير
وحافز يقول لايكون المتقدم في وظيفة في القطاع الخاص أين كانت
بالله مو ظلم راتبي وش يغطي وش يكفي !
السؤال هل أكمل الخطوة الاخيرة في بياناتي وألا لا
لانه أخاف يكشفون ويفتحون لي سين وجيم

بالرغم أني أحمل مؤهل جامعي بكالوريوس تربوي

أكمل وألا لا
أبقي في وظيفتي أولا

وربي محتارة

عاطله فقط · #2 (**permalink**) 02-12-2011, 05:28 PM

والله يااختي انا ماكملت حافز سحبت عليها من التعقيد والشروط اللي حاطينها
وانتي الحمدلله موظفة خلاص خلي حافز

TARIQ N · #3 (**permalink**) 02-12-2011, 10:29 PM

والله يا اختي اذا شايفه انك بتستفيدين خبره من هالوظيفه استمري وللمعلوميه الفتره القادمه راح تكون رواتب القطاع الخاص بالنسبه للسعوديين 3000 كحد إدنى اجباري .

وحاولي انك تبحثنين عن وظيفه اعلى من هالراتب وانتي بعملك الحالي لان الراتب مره مايساعد واستغلي فتره التجربه 3 اشهر

والله يكتبلك الخير والتوفيق

ابغى ازعل · #4 (**permalink**) 04-12-2011, 09:20 AM

من جدك وش ذا الراتب

ياحبيبتي اسحبي ع ابوهم وقولي حافز رواتبها 2000 ريال
ولا ارضى اشتغل باقل من 5000 ريال كوني جامعية

صمتى عالم · #5 (**permalink**) 08-12-2011, 01:16 AM

قامت الظلم جامعي وراتب 1100
التانوية ياخذ رتب من 3000 الي3500
اسحب عليهم وكمل التسجيل واالله يوفقك

حلم ورديً · #6 (**permalink**) 08-12-2011, 03:57 AM

و عليكُم السلآم
اختي هذي مايبيلهاّ استشارِةّ المنطق تتركين هالشغلـِةً و المفِـًرُوض من عرفتي الراتبً تهجين عنهُمً
اللي رزقك ياها يرزقك عشرين غيرهِا افضل وضع و مرتبّ
نصيحِةً أخت لأخت تمرمطت بالقطاع الخاص لدرجه ان ضليت اشهر تعبانه نفسياً من اللي صارليّ و عارفه كل ضغوطاتهمّ
إذاّ مؤهلك جامعيّ لاترضين بالوظائفّ اللي أقل من مستوآكّ مو لانكّ سعوديـةً ولازم يكون راتبك 5000 لاّ لانكّ انسانه طموحِةً أولاً و صابرِةّ
الطموح مايوقف عند وظيفة بقطاع خآص تعطيك 1100
صدقينيً
و كمّ بتشتغلينّ وتكرفين وتعانينً منهمّ سنه و سنتين و ثلاث تضيع السنين لا خبرة ولا شئ ّيفيدً هذا اذا ما انجرح داخلكّ
اسحبي عليهمً ان مشالك حافز اعانِـه خير و بركِةً
ما مشالكً رزقك بيجيكً وتفائلي ,
اتركيهم واكسبي راحتكّ و احترامك لمؤهّـلِـك العّـآليً

انتي قوليليً كم بيصفّالك اذا 400 ريال مُواصلآتً
كم يبقى 700 وين تروح هي مصرف لنهاية الشهر والا تشترين فيهم شئ بخاطرك والا تتدخرينّ مبلغ لبعديِنّ

بس انتبهيً لايكُون سجلوّ اسمك بوزارة العمل إّنك على رآس عملّ أو سجلوك بالتامينآتً الإجتمآعيـٍِةً

ترى يسوونهاً , تأكديً من هالشئً من هالرابطّ :
https://www.btalah.com/t249244.html

الله يوفقّـكً وِ ييسرّلكْ

أمل مشرق · #7 (**permalink**) 11-12-2011, 10:55 PM

مو لان الديوان ضاغط علينا لابد من خبر خبره خبره
وعلشان نأخذ خبره لابد يمسح بكرامتنا الارض وهذا هو الجد
غير الضغط والجهد الجهيد خلوها على الله
ملاحظة : 1100 من غير المواصلات

الله يعين بس
شاكرة لكم مروركم

حُلُمي التدريس · #8 (**permalink**) 11-12-2011, 11:04 PM

أختي قدمي بجدارة في تاريخ٢٩/١
والله يرزقك يااارب

مبرمج الرياض · #9 (**permalink**) 12-12-2011, 03:29 PM

الاخوان معاهم حق مدري شلون قبلتي تتوظفين بكذا راتب والله الخبره الي بتيجيني من ورا كذا راتب ما ابيها لسا لو انت او غيرك يرفض كذا راتب غصبن غشومهم بيرفعون الرتب هاذي عالم ما تستحي تبي تربح وبس وما تحس بغيرها
الحمدالله وبس