مين يعرف أكاديميه صحيه أو معهد صحي يقبلني بفلوسي

محتاااج وووظيفه · #1 (**permalink**) 07-12-2011, 07:56 PM

السلام عليكم ورحمه الله وبركاته

الموضوع ومافيه بدائه الفصل الثاني نويت ادرس

في أكاديميه أو معهد صحي بفلوسي بالرياض

ولاأعرف شيء بالرياض ~ عندي ثانويه وقياس فقط

ف تكفون ساعدوني وربي مامعاي إلا ادرس

العسكريه رفضوني بسبب الأنيميا

منتظركم

واحد اثنين · #2 (**permalink**) 07-12-2011, 08:01 PM

عندك اكاديمية الفرابي نهاية طريق الملك عبدالله من جهة الشرق

محتاااج وووظيفه · #3 (**permalink**) 08-12-2011, 11:23 AM

مشكور أخوي بس يبون نسبه الفارابي

مافي غيرها بالرياض

عااااااادل · #4 (**permalink**) 08-12-2011, 07:55 PM

شوف يآ اخوي النسبـه مو كثير احد ينظر اليها .. اهم شي الفلوس ..

بس اتوقع انها غآليـه ... بحدود 50 الف لـ السنـه الوحدهـ ..

لا تعتمد على كلامي .. انا هذا الي اعرفـه والله يوفقك

حلم ورديً · #5 (**permalink**) 08-12-2011, 08:31 PM

و عليكُمً السلآمً و رحمِةً الله و بركآتِهً ,
أخُويً كأنك تقرأ افكاريً انا ناويه انزل موضوع بهالخصوصّ ْ
انآ لِـي فترة ادورلُي اكآديميِة صحيِةً أو معهد يعطي دبلومآتً للبنآتً بمنحّ
بعدين قلت اكتبه بتوقيعيً يمكن يفيدوني اكثرّ ض1
آكثرّ المعاهدً تتطلب نسبةً عآلية بحال جيت تقدِمّ على منحِةّ
او تدفع اقل شئ 50 آلِـّفّ عشان تدرسْ دبلُـوِمّ

و 50 الف ماهو مبلغ بسيطً ولا كل آحد يقدر يوفرهّ
خصوصا اللي عنده بنتين
أختيً درست العام بكليِة الريآضّ للطب الاسنآنّ وّ آلًصيدلِةً :
تمريضّ - بكالوُرُيوسً 5 سنوآتً ,و سنة امتيآزّ دفعت 3000 الآفّ رسُوم تسجيلّ بعدينّ انتظرتً الموارد البشريهً و دعمتها الحمد لله و شملتها المنحِةً بس نسبتها كآنت فوقّ 80

و سألتهم عن الدبلومآت لأن اختي الاصغرّ نسبتها بالسبعُيِنّ و بنات عمي ثنتينًّ كذلكّ قالت لي 100 آلفّ للطالـبِةً

سلامآتً داخلة معرض سيارآتً انا و الا اسأل عـنّ دبلُومّ ,

- معهد طب الطوارئ
- معهد الأكاديمية الدولية للعلوم الصحية
- المعهد الفني للتدريب الصحي بالرياض
- معهد السباعي بالرياض
- معهد الأكاديمية التخصصية للتدريب الطبي بالرياض
- معهد التنمية العربي بالرياض
- المعهد الوطني للتدريب الصحي دلـه
- معهد البصريآتً للتدريب
- معهد الاكآديميهً العالميِةً للعلوم التطبيقيًةً
^
هذولي كل المعآهد الصحيِةً المُـعتمًدِةّ للشبابّ مّن الهيئةً السعوديِة للتخصصآتً الطبيِةً بالريآضّ

اكتبً اسم المعهد بقوقل وصلح سيرشً لموقعهمّ وشوفّ الرسُوِمً و رقم تلفونهم واتصل عليهم صبح السبِتً و استفسرّ عسى الله يفرج همّـك و تشملك منْـحِةً

واذا تبي كلُيآتً و جامعآتً صحيِةً اهليِّـةً

تقدم بكالوًريوسً فقـطّ و اضن عندهم دبلومآت عندِكّ :
- جامعة الفيصل الاهلية كليآتً الطِبّ
- كلية الرياض لطب الأسنان والصيدلة الأهلية
- كليات سليمان الراجحي الأهلية
- كلية الفارابّـي ( تمريضّ - طب اسنآنً )
- كليات الغد الدولية للعلوم الصحية
- كلية ابن سينا الأهلية للعلوم الطبية
- كلية البترجي الأهلية للعلوم الطبية والتقنية
- كلية المعرفة للعلوم والتقنية
و تخصصاتهمّ الطبيهً : عندهم جرآحِةً , تمريضّ , صيدلِةً , رعاية تنفسيِةً اضنِّ
- كلية د. سُليمان فقيةّ للتمريض و العلوم الطبية

ودعواتك تتيسر امورناً جميعً , موفقّ خيرّ

أحساس مترف · #6 (**permalink**) 08-12-2011, 10:56 PM

^^

حلم وردي كلية الفارابي بالرياض
تدفعين لها بس يرجع لك المبلغ بشكل مكافآت شهرية لطالب أتوقع حلوه
+ أنهم الآن ينشئون مستشفى جديد لهم

طبعا الكلام بعد لصاحب الموضوع

الله يوفقكم جميعاً

حلم ورديً · #7 (**permalink**) 08-12-2011, 11:32 PM

وحده من جمآعتيً تدرس فيها طبّ اسنْـآنّ و الدراسِةً غاليِهً حيـًلّ 80 ألـفّ للترمّ أو السنِةً ً
بسَ ماشاء الله وضعهُم المآديً ممتآزً جداً ّو ماشيةً ,
وثنتين تّـمُريِضّ بمنحِةً و تمشيلهُمً مكافآة شهريـةً

اقتباس:

تدفعين لها بس يرجع لك المبلغ بشكل مكافآت شهرية لطالب أتوقع حلوه

كم ادفع 20 الفّ اقل شئً بالسنِةً وكم مكافئتيً 1000 وش استفدِتّ

ما نبي مُكَافئِةً نبيً يدرسونُنًا بمنحِةً ما نِنقل همّ أوّ يخفضُوِنّ رسُوم التسجيِلّ ع الاقِلّ ’

محتاااج وووظيفه · #8 (**permalink**) 09-12-2011, 08:38 PM

الأخت حلم وردي ~ الله يسعد ققلبك

وأنا أخوك عارف أن المبلغ كبير شوي لكن فيه نظام أقساط في كذا أكاديمية الحين الحين ماهمني الفلوس كثر اني ألقى معهد ولا أكاديميه تقبلني الفصل الثاني هذا الجاي إذا عرفين حظي لي رقم | وبخصوصك إذا نسبتك فوق ال 75 تلاقين منح كثير | أنا ماعاد بنظر أي منحه ابي ادرس وبس | والله يوفقك ويوفقني