11-12-2011, 02:06 AM
|
|
عضو مهم جداً
|
|
تاريخ التسجيل: Jul 2011
المشاركات: 581
معدل تقييم المستوى: 40641
|
|
اللي يبي يتوظف في الراجحي يتفضل
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين أما بعد:
كيفكم يالربع إن شاء الله بخير المهم الموضوع باين من عنوانه
شباب مصرف الراجحي الحين محتاج موظفين بالهبل خصوص بعد من انسحبوا موظفينه للخدمه المدنيه
اللتي اعلنت الخدمه ارقامهم خلال الاشهر الماضيه وانا حبيت الخير للاخوان العاطلين وحبيت اذكرهم
طبعا المؤهلات المطلوبه من دبلوم وفوق والتخصصات مثل :الحاسب (دعم فني-برمجيات-الكترونيات)
والمحاسبه والتسويق والاداره المكتبيه وادارة أعمال وأعمال بنكيه ومبيعات والسكرتريه وكل تخصص
تطلبها البنوك قدم به بس بشرط لازم يكون معدلك حلو يعني جيدجدا وممتاز وانا مااقول للي معدله جيد
لاتقدم جرب حظك بس من الواقع واللي انا شفت انهم ياخذؤن اكثرشيء من ممتاز وجيدجدا وللمعلوميه
ترى البنوك يقبلون من ممتاز لين جيد مقبول ماياخذونهم هذا حسب شروط القبول في البنوك المهم مالكم
بالطويله اللي تتوفر فيه هاذي الشروط ماعليه الا أن يسوي هالخطوات :
أولا: يتوكل على الله
ثانيا:يسويلها سيره ذاتيه(CV)+صور شخصيه
ثالثا:يكشخ أحلى كشخه كانه في ليلة زواجه ولاتنسى العطر فجر رؤؤسهم بعطرك وقفل الكبك حق الرقبه
رابعا:تتوجه للعقاريه بالعليا بالرياض بوابه رقم12 اول ماتدخل ناظر يمين شوي تلقاء مكتوب التوظيف
وترى الجزمات وانتم بكرامه مهمه عندهم
واذا جيتهم خلك بشوش خل الضحكه على وجهك لين ماتطلع من عندهم راح ياخذون السي في منك ويعطونك موعد أو يسوون المقابله معك على طول حسب الزحمه وقت المقابله خلك بشوش اكررها
خلك بشوش وخليك طبيعي مافيه داعي للرتباك ثلاث مقابلات اللي راح تسويها وكلها سهالاات
وبعد ماتخلص المقابله يقولون رح ونتصل عليك فيه ناس سووا المقابله واتصلوا عليهم بعد 3 اسابيع
والحين بالدوره طبعا دورتهم أسبوعين
والله يوفق كل عاطل وعاطله ..
والـــلـــي أبـــيـــه مـــنـــكـــم أن تـــدعــــون لــــوالـــدين بـــالـــرحـــمــــه والــــمـــغــــفــــره
وأن يـــــتــــم قــــــــبولـــــــي بالامـــــن الـــــعــــــــام وتــــــقــــبــــلـــــوا تــــحـــيــــاتـــــــــي.
التعديل الأخير تم بواسطة إلى متى العاطله ; 11-12-2011 الساعة 02:17 AM
|