السلام عليكم ورحمة الله وبركاته
يا اخوان في عام 1426 قالو لي ناس ان فيه مساعده للمشمولين بالضمان
حوالي 9000ريال
وعطيت اوراقي لزوجي وجلسن معه فتره ويوم رجعهن لي يقول ماحصلت لك شي
ماني مصدقته لاني قلت له بعطيهن اخوي يراجع فيهن وزعل وهاوش اشك انه اخذهن وجحدهن
طبعا ان يتيمه وبنفس الشهر اللي انا تزوجت فيه قالو لك مساعده والناس اللي قالو لي واثقين وشايفين اسمي
سؤالي هل احد منكم استلم ماعده عام 1426

[align=center]يابنت الحلال تبين تنبشين بعد هالسنين
ولو فرضنا انه اكلها خلااص
اذا انتي عايشة معه وحياتكم مستقرة
وش لك بوجع الرأس اعتبريها صدقة ودفعة بلاء[/align]

باحث اجتماعي
الله يوفقك ويجزاك خير
فراولو فيونا
والله العضيم اني مانويت اطالبه بهن بس بعرف هو اخذهن والا لا
وبعلمكن انه اهاني وطلقني بعد زواج كم شهر وربي لو وحده ثانيه ان اطلعهن من عيونه
خصوصا اني ما اخطيت بحقه
لكن الله يوريني فيه يوم كانه اخذهن
الله يعوضني خير بدنياي واخرتي

لاتخافين مايضيع شئ عند رب العالمين


وأنصحك لوجه الله
لاتحاولين تعرفين لأنك لو عرفتي انه اخذها بتعيشين بهم وغم وصراع نفسي والشيطان ماراح يخليك ابد كل ليلة يعطيك شور ورأي خصوصا انك تطلقتي منه خلااااص انسي وخليها على ربك اقسم بالله انا مجربة ماجاني إلا الهم من التنبيش ولو كان الحق معي

لذلك وكلي أمرك لله وان كان لك حق بتأخذينه سواء بالدنيا او بالاخرة
بالدنيا يمكن هو يرجعها لك الله اعلم
وبالاخرة رب العباد بيعطيك حقك

طيعني وتوكلي على الله

[align=center]فراولو كلامك عين العقل والصواب

ومن ترك شئ لله عوضه الله خير منه

قال الله تعالى :" والكاظمين الغيظ والعافين عن الناس والله يحب المحسنين" .


وقال النبي (صلى الله عليه وسلم) :
ينادى مناد يوم القيامة ليقم من أجره على الله فليدخل الجنة قيل من هم قال العافون عن الناس(رواه الطبراني).

خلاص يام ذيب بعد هالمده اعفي عنه وخذي اجرك من رب العالمين ومايضيع شئ عند الله وانا اخوك
[/align]

ياحبي لكم انا لو بنبشي بالماضي مثل ماتقولون وربي انه بكلمه مني لا ادخله اسجن وابن امه يطلعه منه (طبعا ماسكه عليه)
لكن انا موكله امري لله وربي اني ماشلت هم دام اني متوكله على الله باموري كلها
بس ما احب احد يستغفلني وياكل حقي
وانتم بانفسكم اكيد ماراح تسكتون عن حقكم
ومع هذا كله ماراح اطالبه بشي بس انا طلبتكم تساعدوني كيف اعرف انه استلم المساعده فقط لاغير
ومشكورين على ردودكم
اتمنى من الاداره اغلاق الموضوع لان المعلومه وصلت من الاخ باحث اجتماعي الله يوفقه