مرحبا صبايا وشباب
شلونكم ان شاء الله تمام

بقولكم السالفة باختصار
انا عندي دخل شهري ثابت
واحوشه لان ماعندي اي التزامات المهم معي الحين تقريبا ١٥٠ الف

شايفة سعر الذهب ينزل كل يوم اكثر من قبل
وبناء على اطلاعي على توقعات سوق الذهب انه خلال الربع الاول من ٢٠١٢ بيطيح طيحة مو طبيعية
فقلت احط دراهمي بذهب
ومحتارة حقيقة هل احطها بعيار ٢١ من الذهب اللي مو مشغول تعرفون الشغل بالذهب يطلع سعره بالشراء ويطيح لو بفكر ابيعه
ابي اشتري ذهب من غير شغل وكذا
وقالولي بعد اشتري جنيهات وسبايك عيار ٢٤ على اساس انها هي تمسك السعر صح؟؟
وش رايكم؟؟

على فكرة انا انسانة ما احب القروشة يعني ماني راعية مشاريع ومطارد وزحمة احب احط فلوسي بشي واخليه للوقت حيل تعجبني فكرة الذهب + الاراضي
لانها راحة بال وفلوسها خيال

وش رايكم؟؟؟
- الوالد تاجر بورصة ويقول حطي دراهمك مثل ابوكي ومابتندمين

والله محتارة حيل اتمنى اللي لهم خبرة ينفعوني واللي مالهم يكتسبون معلومة تفيدهم ان شاء الله

بانتظار ردكم يا احلى اعضاء بأروع منتدى

المبلغ جداً ممتاز
لو تستاجرين لك قطعة ارض وتبنين استراحة طبعاً بوثيقة ممكن القطعة ب30 ألف
وتسوين استراحة مرتبة وعلى ذوقك
وراح تجنين منها أربااح خيالييية وبأذن الله ما راح تندمين
هالامر وكلية لابوك
والله يوفقك يارب

الذهب فكرته جدا رائعه


لكن من وين جبتي توقعاتك انهم بينزل نزول قوي مع ان الظروف الحين قادره ان ترفعه اكثر من كذا


لك رساله على الخاص

الاخ المطيري الموضوع مو على توقعاتي انا

الموضوع لو تتابع الاخبار تسمعه
وبكتب لكم معادلة بسيطة تعلمتها

الذهب سعره عكس الدولار
يعني اذا ارتفع الدولار سعر الذهب يطيح
واذا طاح الدولار الذهب يرتفع

ولو تتابع الاخبار الاقتصادية تلاحظ ان الدولار قامت تتحسن اوضاعه ليش؟؟
لان الان المشكلة على اليورو زي ماتعرفون يونان لها ديون وش كبرها

وضروري كل دول الاتحاد الاوروبي يساندونها لحل مشكلة الديون
فصار فيه مشكلة باليورو

هذا بكل بساطة الشرح...اتمنى اني توفقت تاكد وانا (اختك ما تفكر بشي غير وهي فاهمته)

هذي دراهم بعد موب لعب

على قولك الذهب نازل بس تحديد وقت الشراء مهم لازال الذهب الان غالي

حطي فلوسك بنياق اغلى من الذهب يعني الناقه الطيبه الي تطلع بالساحه ويغنون عليها ويؤدون طقوس غريبه على صورها لو جابت لك حوار مدري بكره كلها سنتين وتبيعينها بمبلغ يفوق سبيكة ذهب

انا اتكلم جد وهالفكره تراودني من فتره لكن راس المال عنده صداع

اتمنى لك التوفيق

والله حتى أنا أفكر اشتري بالذهب

مثل ماقال كاتب الموضوع كل يوم ينزل سعره

فياليت اللي عنده معلومة يفيدنا

وعليكم السلام ورحمة الله وبركاته

موفقه ان شاء الله

وانا اقرا كلامك عن عدم حبك للمشاريع والمطارده
جات ببالي الاراضي

الا انك كتبتيها قبل اكتب ردي

فعلا العقار فكرة ممتازة

ومن تجارب الوالد في المجال في فترة بسيطة ترتفع عن سعر الشراء
بسعر يغريك انك ترجعين تبيعيها.
حتى لو نزلت اسعار العقار
يرجع ويرتفع

خاصة مع نظام القرض الجديد 500 الف
الاراضي سايرة في ارتفاع متواصل
الكل بيشتري عشان يبني.


وفعلا في هبوط بالذهب كبير
وفي توقعات لنزوله اكثر..



بس الذهب يبقى ذهب
حطيتيه على راسك او حطيتيه على الرمل
قيمته فيه



الله يخلي لك الوالد بس
لاتحطينها في البورصة




موفقه

https://www.btalah.com/t366905.html

اي استفسار انا جاهز

عزيزتي الذهب الان غير امن ومثلها الاراضي ماعدا التجاريات

الاسهم مقبله على ارتفاعات احتمال كبير يتضاعف مبلغك الفتره هذي واحتمال تروح عليك

كلامي مافيه مجاملات لان المال والعاطفة لاتجتمع